KOLOSÉ 2:10 - Bahasa Manggarai New Testament

¹⁰ Méu poli ciri bersikm ai meu nai ca anggit agu Hia. Hiay dé tu'a de sanggéd pemerénta agu data cau kuasa.

KOLOSÉ 2:10 ပူးပေါင်းရင်းမြစ်များ

MATÉUS 28:18

Mori Yésus mai ruis isé agu mai taén: “Oné Aku poli téing kuasa, oné Surga agu oné lino.

YOHANÉS 1:16

Ai oné mai penongN, sanggéd ité poli tiba widang momang lawang widang mohas;

1 KORINTUS 15:24

Poli hitu, du leso cemoln tai, ngong du poli pandé ampus taungs le Mori Yésus sanggéd pemerénta, ata cau kuasa, agu sanggéd mberes de lino, téing Liha adak Surga oné Mori Keraéng Ema.

ÉFÉSUS 3:10

Te ho’on ga, ngoéng de Mori Keraéng lut weki serani, kudut sanggéd ata cau kuasa éta awang, pecing do tarad nggalas de Mori Keraéng.

ÉFÉSUS 3:19

ata toé ngancéng pecing le utek de manusia, wiga méu penong le nai di’a de Mori Keraéng hitut besik.

KOLOSÉ 2:15

Oné haju panggol hitu, Mori Yésus pandé lencér taungs déwa-du'ang de sanggéd pemerénta agu ata cau kuasa. Isé porong taungs le lawa do, du hi Kristus todang isé cama ného ata terungku oné ontong Diha.

KOLOSÉ 3:11

Cai wan ga, toég manga kolé ata Yunani ko ata Yahudi, ata poli sunat ko ata toéd sunat, ata Barbar ko ata Skit, mendi ko ata toé mendi, maik hi Kristus oné sanggén taung, Hia nai ca anggit agu sanggén cao-ca.

IBRANI 5:9

Ali hitu, Hia ciri ata sambé ata besik, agu ciri pu’un selamak tédéng lén latang te sanggéd atat junggu oné Hia.

1 PETRUS 3:22

Du poli héndéng nggere-éta SurgaN, Mori Yésus lonto oné racap wanang de Mori Keraéng. Mai nitu main, Hia agu Mori Keraéng perénta sanggéd malékat agu ata cau kuasa agu sanggéd mberes.