KOLOSÉ 1:9 - Bahasa Manggarai New Testament

⁹ Landing hitu, pu’ung kaut du dengén lami, ami toé manga beténg ami ngaji latang te méu. Tegi lami te Nai Nggeluk widang méu ali sanggéd nggalas agu baé-paéln latang te pecing ngoéng de Mori Keraéng.

KOLOSÉ 1:9 ပူးပေါင်းရင်းမြစ်များ

YOHANÉS 7:17

Céing kaut ata lut ngoéng Diha, ata hitu ngancéng pecing, ot toing Daku so’o oné mai Mori Keraéngd ko oné mai weki Rug.

TOMBO PÉTÉ GORI DE RASUL-RASUL 12:5

Nenggituy dé tara na’a oné buin hi Pétrus. Maik weki serani seber te ngaji kamping Mori Keraéng latang te hia.

ROMA 12:2

Méu néka lorong wintuk de lino ho’om, maik caling koé ali pandé weru wintuks, wiga méu ngancéng baé ngoéng de Mori Keraéng: Apa ata di’an, ata henan agu ata besikn oné Hia.

1 KORINTUS 1:5

Ai oné Hia méu ciri boram oné sanggéd cao-ca: Oné sanggéd curup agu oné sanggéd pecing do.

ÉFÉSUS 1:8

Pandé hitu Diha ai momang tu’ung itéy, agu momangN hitu pati do latangt ité oné sanggéd nggalas agu anor.

ÉFÉSUS 5:10

Mping koém gori ata henan oné Mori Keraéng.

ÉFÉSUS 5:17

Landing hitu méu néka ného ata bodokm, maik di’a koé wuli-wekis kudut pecing ngoéng de Mori Keraéng.

ÉFÉSUS 6:6

Pandé de méu hitu néka hanang bolo-mai ranga disé kanang, kudut te nisang nai agu te tiba naring de sengajis oné lino ho’o. Maik poro gori de méu hitu ného mendi di Kristus ata nggalas nai pandé sanggéd ngoéng de Mori Keraéng.

PILIPI 1:4

Cembes kéta nai daku oné néténg ngaji latang te sanggés taung méu.

KOLOSÉ 1:6

hitut poli wéwan oné méu. Keréba Di’a hitu wuay agu bekay oné temu tana lino, nggitu kolé oné bahi-réha méu, pu’ung kaut du dengén le méu agu baé tu'ung mantén widang de Mori Keraéng.

KOLOSÉ 3:16

Nahé reweng di Kristus ka’éng déméng monggu-roun oné bahi-réha méu, wiga méu ali dod nggalas te toing agu langga koé cama taus. Méu wali di’a kamping Mori Keraéng wa mai nais, canggu déré mazmur agu déré naring agu déré nggeluk.

KOLOSÉ 4:12

Tabé oné-mai hi Épafras latang te méu; hia cengata oné-mai méu, mendi di Kristus Yésus, ata ngaji mtaung latang te méu, kudut méu mberes kis hesés ného ata tu’am agu imbi tu’ung oné sanggén cao-ca lorong ngoéng de Mori Keraéng.

KOLOSÉ 4:5

Oné woé-joé de méu agu sanggen ata situt toé imbi, nggalas koé mosés agu paké di’a sokor ata mangan.

TÉSALONIKA 1:3

Ai ami nuk mtaung gori de imbi, rébok de momang agu mésén bengkes de méu oné Mori dité Yésus Kristus olo-mai ranga de Mori Keraéng agu Ema dité.

TÉSALONIKA 5:17

Kong ngajis méu.

2 TÉSALONIKA 1:11

Ai méu te téing hiang Mori Keraéng, landing hitu ami toé ké’ét ngaji latang te méu. Icin ngaji dami, kudut Mori Keraéng bénta méu te mosé lorong ngoéng Diha. Mori Yésus te pandé besik sanggéd gori lut ngoéng de méu.

FILÉMON 1:4

Aku wali di’a kamping Mori Keraéng, néténg ngaji daku nuk mtaung hau,

FILÉMON 1:6

Ngaji daku, nahé nai ca anggit ditét ca imbi, te cir pecing mésé latang te sanggéd berkak ata manga oné ité landing le neki ca agu hi Kristus.

IBRANI 10:36

Méu paka gepek, kudut méu ngancéng lorong wintuk de Mori Keraéng, wiga méu tiba apa ata poli reké Diha.

IBRANI 13:21

Nahé Mori Keraéng pandé jemut méu ali sanggéd ata di’an ata sékékn, te méu kudut lorong ngoéng Diha, lut hi Yésus Kristus. Latang te Hia dé, mengit tédéng lén! Amén.

JAMES 1:5

Maik émé oné be réha méu manga ata géong nggalas-nai, céwé di’an hia tegi oné Mori Keraéng. Mori Keraéng te téing nggalas hitu latang te hia, ai Hia téing nggalas-nai oné sanggéd ata ali gawas agu lembak naiN.

JAMES 3:17

Maik nggalas éta mai, laring cain kéta nggélok taran, poli hitu ngoéng te hambor, lumu, lorong, lembak nai agu sanggéd pandé di’a, toé kambé agu pisik.

1 PETRUS 2:15

Ai ho’oy ngoéng de Mori Keraéng: Ali pandé di’a, méu tadu mu’u data bodok.

1 PETRUS 4:2

Landing hitu, mosé de méu nggere-olon oné lino ho’o paka lorong ngoéng de Mori Keraéng.

1 YOHANÉS 2:17

Belek agu ngoéngn de lino ho’o lari morad, maik ata lorong ngoéng de Mori Keraéng te haéng mosé tédéng lén.

1 YOHANÉS 5:20

Pecing lité te Anak de Mori Keraéng poli cain agu widang nggalas latangt ité, kudut baé lité Mori Keraéng hitut molor. Ali hitu, ité nai ca anggit agu Mori Keraéng agu Yésus Kristus AnakN. Ho’oy Mori Keraéng ata tu’ungn agu ho’oy mosé tédéng lén hitu.