KOLOSÉ 1:6 - Bahasa Manggarai New Testament

⁶ hitut poli wéwan oné méu. Keréba Di’a hitu wuay agu bekay oné temu tana lino, nggitu kolé oné bahi-réha méu, pu’ung kaut du dengén le méu agu baé tu'ung mantén widang de Mori Keraéng.

KOLOSÉ 1:6 ပူးပေါင်းရင်းမြစ်များ

MATÉUS 24:14

Agu keréba di’a de Adak ho’o kudut te keréba oné temu tana linoy kudut sabin latang te sanggén uku, poli hitu itu pong caiy cemol.”

MATÉUS 28:19

Landing hitu ngom ga, pandé koé ciri ata nungku Dakus sanggéd ata agu cebong koé isé le méu, le ngasang de Ema, agu de Anak, agu de Nai Nggeluk,

MARKUS 16:15

Itu kali mai taé Diha agu isé: “Ngom ga, oné temu tana lino, keréba ga Injil oné sanggén ata.

MARKUS 4:8

Agu iwod pa’u oné tana behengs, todos uwa wié-lesod agu wuas, danid manga ata alép telumpulu, manga ata alép enempulu, manga kolé ata alép ceratusd.”

YOHANÉS 15:16

Toé méu ata lir Aku, maik Aku ata lir méu. Aku poli wérét méu kudut méu ngo agu cir wua, agu wuas hitut temer kin, kudut apa situt tegi le méu oné Ema Daku le ngasang Daku, téings Liha oné méu.

YOHANÉS 17:19

agu Aku pandé nggeluk weki Rug latang te isé, kudut isé ciri nggeluks oné molor.

YOHANÉS 4:23

Maik manga kaut rapak leson agu te ho’on poli cain ga, té isét suju laing tu’ungn kudut suju hi Ema oné Nai agu molor, ai hi Ema lélak ata situt suju nenggitu.

TOMBO PÉTÉ GORI DE RASUL-RASUL 11:18

Du dengén lisé tombo hitu, itus kali toé ngaokd, agu naring Mori Keraéngs, mai taéd: “Jari latang te wa’u bana kolé Mori Keraéng téing teser kudut titong nggere-oné mosé tédéng lén.”

TOMBO PÉTÉ GORI DE RASUL-RASUL 12:24

Lari nggitun, tambang kéta bekan reweng de Mori Keraéng agu tambang dod ata dengén.

TOMBO PÉTÉ GORI DE RASUL-RASUL 16:14

Cengata oné mai iné-wai situ, ngasangn hi Lidia, séngét koléy. Hia oné mai béndar Tiatira agu hia ata pika towé lango. Hia gejur kéta te ngaji kamping Mori Keraéng. Mori Keraéng céngka nai diha wiga séngét kéta liha situt tombo li Paulus.

TOMBO PÉTÉ GORI DE RASUL-RASUL 26:18

kudut cengka mata disé, kudut isé holés oné mai nendep nggere-oné néra agu oné mai kuasa de jing da’at nggere-oné Mori Keraéng, kudut isé ali imbid oné Aku, tiba ampong ndékoks agu tiba reco oné mai apa ata poli wérét latang te sanggéd ata nggeluk.

ROMA 1:13

Asé ka’én, ngoéng daku kudut pecing le méu, te aku poli dongkalin nuk kudut mai cumang méu – maik dengkir te ho’on manga mtaung do’ong agu dungket – kudut oné bahi-réha méu aku ita cir wua, cama ného oné bahi-réha uku situt iwod ata toé Yahudi.

ROMA 15:19

ali kuasa tanda dio-dolokn agu tanda lenget agu ali kuasa de Nai de Mori Keraéng. Nenggituy dé oné lako léok oné mai Yérusalém haéng oné Ilirikum, aku poli keréba taung Keréba Di’a di Kristus.

ROMA 15:28

Landing hitu, émé polis laku pandéd agu téi sanggéd campé de sanggéd wa’u bana situ agu isé, aku te ngo oné Spanyol lut béndar de méu.

ROMA 16:26

maik te ho’on poli toton agu lorong perénta oné mai Mori Keraéng hitut tédéng lén, poli keréban le surak de nabi-nabi latang te sanggéd wa’u kudut titong isé nggere-oné lorong imbi –

2 KORINTUS 10:14

Ai oné wéro Keréba Di’a di Kristus ami poli cai oné méu, jari ami toé manga lagé watas tana gori dami.

2 KORINTUS 6:1

Ité haé-rebat oné gori latang te Mori Keraéng, ami toing méu, kudut méu néka pandé oké-bod kaut widang de Mori Keraéng situt poli tiba de méu.

ÉFÉSUS 3:2

Poli dengén le méu, landing le widang de Mori Keraéng téing gori oné aku te ba Keréba Di’a oné méut toé Yahudi.

ÉFÉSUS 4:21

Méu poli dengéd toing Diha. Méu ata lorong Mori Yésus, poli kolé dengén le méu gauk de Mori Keraéng ata manga oné Hia.

ÉFÉSUS 4:23

Nahé nais agu nuks, célung te ciri weru taung.

ÉFÉSUS 5:9

ai gérak hitu cir wua di’a, agil agu molor.

PILIPI 1:11

Mosé de méu penong molor le pandé de weki run hi Yésus Kristus, wiga ngancéng bong agu naring Mori Keraéng.

PILIPI 4:17

Landing toé campé situt téing de méu ata kawé daku, maik cir ata pandé tambang mésén ontong de méu.

KOLOSÉ 1:10

Ali hitu, mosé de méu naun olo mai ranga Diha agu henan oné nai Diha. Oné sanggén gori de méu, manga cir wua ata di'ad agu tambang beka pecings latang te Mori Keraéng.

KOLOSÉ 1:23

Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

TÉSALONIKA 1:5

Ai Keréba Di’a ho’ot wéro dami oné méu, toé ali curup kanang, maik ali mberes de Nai Nggeluk hitut derek kétay. Bo kali pecing le méu, co’oy gori dami oné bahi-réha méu.

TÉSALONIKA 2:13

Ami toé manga beténg te wali di’a oné Mori Keraéng, ai méu poli tiba reweng Diham, hitut keréba dami. Keréba dami hitu, toé ali curup de manusia, maik ali reweng de Mori Keraéng hitut manga oné nai de méu ata imbi Hia.

2 TÉSALONIKA 2:13

Asé-ka’én, ami paka wali di’a mtaung oné Mori Keraéng landing méu ata momang le Morin. Ai du toé di dédékn lino ho’o, Mori Keraéng poli pilé méu kudut selamak le gori de Nai Nggeluk ata pandé nggeluk méu te ciri paéng de Morin.

1 PETRUS 5:12

Létang li Silwanus asé-ka’é ca imbi ata junggu, tulis wokok kaut laku surak ho’o latang te méu. Kudut toing agu imbi le méu, te ho’oy widang ata tu’ung-tu’ung oné-mai Mori Keraéngn. Hesé lencek koém oné widang hitu!