KOLOSÉ 1:4 - Bahasa Manggarai New Testament

⁴ Ai ami poli dengé latang te imbi de méu oné hi Kristus Yésus agu latang te momang de méu kamping te sanggéd ata serani,

KOLOSÉ 1:4 ပူးပေါင်းရင်းမြစ်များ

2 KORINTUS 7:7

Toé hanang ali cai diha, maik ali lémbu hitut tiba diha oné-mai bahi-réha méu. Ai hia poli tombo taung agu ami, latang te kembung de méu, gesar de méu, semengak de méu latang te kambé aku, wiga tambang kéta nisangn nai daku.

GALATIA 3:26

Ai sanggés taung méu ciri anak de Mori Keraéng lut imbis oné hi Yésus Kristus.

GALATIA 3:28

Itu tara, toég manga kolé woléngn, ata Yahudi ko ata Yunani, mendi ko ata toé mendi, ata rona ko iné-wai, ai sanggés taung méu ciri cam kali oné hi Kristus Yésus.

GALATIA 5:6

Ai latang te sanggéd ata situt nai ca anggit agu hi Kristus Yésus, sunat ko toé sunat toé manga betuan. Ata mésén kali, hanang imbi oné hi Kristus hitut si’ang le pandé momang haé ata.

ÉFÉSUS 1:15

Landing hitu, du poli dengén laku imbi de méu oné Mori Yésus agu momang de méu latang te sanggéd weki serani,

ÉFÉSUS 6:18

Pandé taung situ le méu cang agu ngaji, te tegi campé oné-mai Mori Keraéng. Ngaji ga lété leso tegi titong de Nai Nggeluk. Jerék koém agu ndong te koda. Néka beténg ngaji latang te weki serani.

KOLOSÉ 1:9

Landing hitu, pu’ung kaut du dengén lami, ami toé manga beténg ami ngaji latang te méu. Tegi lami te Nai Nggeluk widang méu ali sanggéd nggalas agu baé-paéln latang te pecing ngoéng de Mori Keraéng.

TÉSALONIKA 1:3

Ai ami nuk mtaung gori de imbi, rébok de momang agu mésén bengkes de méu oné Mori dité Yésus Kristus olo-mai ranga de Mori Keraéng agu Ema dité.

TÉSALONIKA 3:6

Maik te ho’on, hi Timotéus kolé gi, agu ba keréba ata nisang nai latang te imbi de méu oné hi Kristus agu co’o momang taus. Kali méu kembung mtaung ami agu ngoéng te cumang ami, cama ného ami kolé nanang te cumang méukm.

2 TÉSALONIKA 1:3

Asé-ka’én, ami paka wali di’a oné Mori Keraéng landing méu, agu naun muing nenggitu, ai imbi de méu tambang mésé. Nenggitu kolé momang de méu cama taus tambang kéta mberesn.

FILÉMON 1:5

ai dengé laku latang te momang de hau kamping sanggéd weki serani agu latang te imbi de hau kamping Mori Yésus.

IBRANI 6:10

Mori Keraéng hitu agiln, wiga Hia toé hémong latang te gori de méu agu momang hitut toto de méu ali ngasang Diha, le gori keturu latangt asé-ka’é ca imbi, ného bebolon agu nggere-olon.

1 YOHANÉS 3:14

Pecing lité, du momang asé-ka’é ca imbid, ite toé matad maik pu’ung’g mosé weru. Céing ata toé momang haé ata, hia kuasa kin le mata.

1 YOHANÉS 3:23

Ho’oy peréntaN: Ité paka imbi hi Yésus Kristus, AnakN agu momang haé ata lorong perénta di Kristus hitu.

1 YOHANÉS 4:16

Ité poli pecing agu imbi momang de Mori Keraéng latangt ité. Mori Keraéng hitu pu’un momang. Céing ata pandé momang oné mosén, hia nai ca anggit kin agu Mori Keraéng, agu Mori Keraéng tuka ca léléng kin agu hiay.