KOLOSÉ 1:28 - Bahasa Manggarai New Testament

²⁸ Hi Kristus hitu dé ata keréba dami, émé toing lami sanggéd nggalas oné néténg ata, kudut titong néténg ata te ciri besik ali nai ca anggit agu hi Kristus.

KOLOSÉ 1:28 ပူးပေါင်းရင်းမြစ်များ

MATÉUS 28:20

agu toing koé isé te pandé sanggéd apa ata poli jera Laku agu méu. Agu paka idep di’a le méu, Aku loréng méu mtaungk dengkir cemoln lino.”

MATÉUS 3:7

Maik du itad liha ata Parisi agu ata Saduki kudut te cebong, mai taé diha ngong isé: “Oé méut waé de ular rani, céing kéta ata taé agu méu, te ngancéng losi oné mai copél ata kudut cai?

MATÉUS 5:48

Landing hitu, méu paka besik kétam cama ného besik de Emas hitu éta Surga.”

MARKUS 6:34

Du wa’un Mori Yésus ita Liha nunggu-nengger kéta lawa do, itug kali wéong kéta nain ali momang isé, ai isé cama ného jimbal siot toé manga ata lamid. Itug kali pu’ungn Hia toing do kéta oné isé.

LUKAS 21:15

Ai weki rug Aku te téing oné méu nai nggalas, wiga méu toé ngancéng koléng ko ganggas le ata balis.

TOMBO PÉTÉ GORI DE RASUL-RASUL 10:36

Hituy reweng hitut tombo Liha oné ata Israél, du Hia ba keréba hambor agu meler lut Mori Yésus Kristus, Mori de sanggén ata.

TOMBO PÉTÉ GORI DE RASUL-RASUL 11:20

Maik oné mai isé manga pisa taus ata Siprus agu ata Kiréné ata poli imbid, cai oné Antiokhia agu tombo oné sanggéd ata curup Yunani agu keréba latang te Mori Yésus.

TOMBO PÉTÉ GORI DE RASUL-RASUL 13:38

Jari, pecing di’a-di’a asé-ka’én, landing kaut Liha tara keréba ampong ndékok oné méu. Ali Wintuk di Musa méu toé manga molors.

TOMBO PÉTÉ GORI DE RASUL-RASUL 17:18

Nggitu kolé agu ata nggepuk oné mai diding Épikuros agu Stoa, léwang tau agu hia agu manga ata taé: “Apa ata kudut tombo dihat joak ho’o?” Mai kolé taé data iwod: “Hia ho’o aram ba keréba déwa-déwa bana.” Ai hi Paulus ba Keréba Di’a tombo Mori Yésus agu mosé kolén oné mai ata mata.

TOMBO PÉTÉ GORI DE RASUL-RASUL 17:3

Tombo agu toi liha agu isé te Mésias hitu paka ta’ong susay agu mosé koléy oné mai ata mata, itu kali mai taé diha: “Ho’oy Mésias, ngong Mori Yésus ho’ot keréba laku oné méu.”

TOMBO PÉTÉ GORI DE RASUL-RASUL 20:31

Landing hitu jerék-jerék koém agu nuk di’a-di’a, tédéng telu ntaung wié-leso, aku toé kéta beténg toing méu gici ca ali lanar kid lu’u matag.

TOMBO PÉTÉ GORI DE RASUL-RASUL 3:20

kudut Mori Keraéng téing cias agu wuat Mori Yésus ata pu’ung du wangkan poli wérét te Hia hitu hi Kristus.

TOMBO PÉTÉ GORI DE RASUL-RASUL 5:42

Lété leso isé toing atas oné Mbaru de Mori Keraéng agu oné néténg-néténg mbaru agu wéro Keréba Di’a latang te Mori Yésus te Hia Raja Selamak hitut poli rekén.

TOMBO PÉTÉ GORI DE RASUL-RASUL 8:35

Itug kali pu’ung tombon hi Pelipus lorong oné mai surak hitu, ba Keréba Di’a de Mori Yésus latang te pegawé hitu.

TOMBO PÉTÉ GORI DE RASUL-RASUL 8:5

Hi Pelipus ngo oné ca béndar oné tana Samaria agu tombo Mesias oné sanggén ata nitu.

TOMBO PÉTÉ GORI DE RASUL-RASUL 9:20

Du hitu hia ba keréba di’a latang te Mori Yésus oné mbaru-mbaru ngaji agu tombo te Mori Yésus hitu Anak de Mori Keraéng.

ROMA 16:25

Latang te Hia ata manga kuasan pandé mberés méu – lorong Keréba Di’a hitut mésé ngasangn agu keréba latang te Mori Yésus Kristus, lorong agu céngkan pété ceha hitut ceha médé main,

1 KORINTUS 1:23

Maik ami wéro keréba hi Kristus hitut panggoly. Keréba ho’o, latang te ata Yahudi ného ca watu te pandé timpok laing, agu latang te ata toé Yahudi ného te pandé bodok laing.

1 KORINTUS 1:30

Maik, ali Mori Keraéng, méu neki ca oné hi Kristus Yésus, ata poli téi nggalas le Mori Keraéng latang te ité. Hia pandé molor agu pandé nggeluk agu sambé ité.

1 KORINTUS 12:8

Ai oné hiat cengata Nai Nggeluk téi widang mu’u luju agu lema emas, agu latang te ata iwod téi widang nggepuk te tombo si’ang latangt Mori Keraéng.

1 KORINTUS 15:12

Jari, émé manga keréba te hi Kristus to’o koléy oné-mai ata mata, ngancéng weli oné-mai méu ata taé, te toé manga to’o koléd ata mata?

1 KORINTUS 2:15

Manusia ata tiba widang nggeluk ngancéng wolod sanggéd cao-ca, maik latang te weki run hia toé ngancéng wolo lata bana’y.

1 KORINTUS 2:6

Koném po nggitu ami ba keréba nggalas oné isét poli mentengd, ngong nggalas ata toé mai oné-mai lino ho’on, agu toé oné-mai isét cau kuasa de lino. Ai ata cau kuasa situ kudut pandé mora’s.

1 KORINTUS 4:14

Sanggéd taung so’o tulis taungs laku, toé kudut pandé ritak méu, maik kudut wahéng méu sanggéd anak ata momang daku.

2 KORINTUS 10:14

Ai oné wéro Keréba Di’a di Kristus ami poli cai oné méu, jari ami toé manga lagé watas tana gori dami.

2 KORINTUS 11:2

Ai aku kembung méuk neho kembung de Mori Keraéng. Ai aku poli pandé naca méu agu cengata ata rona, kudut dadé méu ného ata molas nggeluk oné hi Kristus.

2 KORINTUS 4:5

Ai ami toé keréba weki rugm, maik keréba Mori Yésus. Weki rug ami ciri mendi de méu landing ngoéng de Mori Yésus.

ÉFÉSUS 3:8

Aku ho’o dé ata céwé bocikn oné-mai sanggéd taung weki serani. Maik Mori Keraéng téing aku widang ho’o: gori kudut wéwa Keréba Di’a oné sanggéd ata toé Yahudi latang te bora di Kristus ata toé ngancéng taungd.

ÉFÉSUS 5:27

Ali hitu, hi Kristus téing osang di’a latang te weki serani situ déméng angos, nggélok agu toé manga celad bolo-mai rangaN.

KOLOSÉ 1:22

te ho’on pandé hambor Liha oné weki di Kristus ali mata Diha kudut méu ciri nggeluk agu toé manga celas oné ranga Diha.

KOLOSÉ 2:10

Méu poli ciri bersikm ai meu nai ca anggit agu Hia. Hiay dé tu'a de sanggéd pemerénta agu data cau kuasa.

KOLOSÉ 2:3

Ai oné Hi Kristus cehad sanggéd nggalas agu nggepuk de Mori Keraéng.

KOLOSÉ 3:16

Nahé reweng di Kristus ka’éng déméng monggu-roun oné bahi-réha méu, wiga méu ali dod nggalas te toing agu langga koé cama taus. Méu wali di’a kamping Mori Keraéng wa mai nais, canggu déré mazmur agu déré naring agu déré nggeluk.

KOLOSÉ 4:12

Tabé oné-mai hi Épafras latang te méu; hia cengata oné-mai méu, mendi di Kristus Yésus, ata ngaji mtaung latang te méu, kudut méu mberes kis hesés ného ata tu’am agu imbi tu’ung oné sanggén cao-ca lorong ngoéng de Mori Keraéng.

TÉSALONIKA 4:6

Oné pété ho’o, néka manga ata pandé woréng agu nggopét oné asé-ka’é ca imbi. Ai Morin te lékos oné-mai sanggéd pandé situ, ného hitut poli taén agu masa kétay reweng dami danong agu méu.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

2 TIMOTÉUS 3:2

Landing hitu, hia paka néka manga celan, paka cay kali winan, metek nain, nggalas, toé mésé nai, ngoéng kéta te tiba meka, molorn te toing ata.

IBRANI 10:14

Ai ali ca kaut hélang léca, hi Kristus poli besik tédéng lén sanggéd isét poli pandé nggélokd oné-mai ndékok.

IBRANI 13:21

Nahé Mori Keraéng pandé jemut méu ali sanggéd ata di’an ata sékékn, te méu kudut lorong ngoéng Diha, lut hi Yésus Kristus. Latang te Hia dé, mengit tédéng lén! Amén.

2 PÉTRUS 3:15

Rékéng kaut le méu te ngéngga nai de Mori dité ného sokor latang te méu kudut tiba selamak. Ai hitu ata poli tulis latang te méu li Paulus asé-ka’é momang dité, lorong agu anor hitut tabing oné hia.