KOLOSÉ 1:27 - Bahasa Manggarai New Testament

²⁷ Mori Keraéng ngoéng toi oné isé, leng kétay boran agu mengitn pété ceha hitu oné bahi-réha sanggéd wa’u: Ngong hi Kristus manga oné bahi-réha méuy, wiga méu bengkes te tiba mengit de Mori Keraéng

KOLOSÉ 1:27 ပူးပေါင်းရင်းမြစ်များ

MATÉUS 13:11

Mai walé de Mori Yésus: “Latangt méu téing nggalas nai te pecing pété cehad Adak Surga, maik latang te isé toé.

LUKAS 17:21

toé kolé ngancéng taé lata: Lélo, hia manga cé’é ho’oy ko manga nituy! Ai cetu’un, Adak de Mori Keraéng manga baling méuy.”

YOHANÉS 14:17

ngong nai molor. Lino ho’o toé ngancéng tiba Hian, ai lino ho’o toé ita Hiay agu toé pecing Hiay. Maik méu baé Hiam, ai Hia loréng méuy, agu te ka’éng oné méuy.

YOHANÉS 14:20

Du hitu di te pecing le méu, te Aku boné hi Emak, agu méu boné Akum, agu Aku kolé boné méuk.

YOHANÉS 14:23

Mai walé de Mori Yésus: “Émé ca ata momang Akuy, hia te lorong curup Dakuy, Ema Daku te mohas hiay, agu Ami te mai oné hiakm agu ka’éng cama laing agu hiakm.

YOHANÉS 17:26

agu Aku poli toin ngasang Dité oné isé, agu Aku te toin, kudut mohas hitut téing Lité oné Aku, manga oné iséy, agu Aku oné isék.”

YOHANÉS 6:56

Céing kaut ata hang Weki Daku agu inung Dara daku, hia ka’éng oné Akuy agu Aku oné hiak.

ROMA 11:33

Olé, leng kéta monggu-roud bora momang, leng keta mésén anor agu pecing de Mori Keraéng! Tu’ung kéta, toé ngancéng pélétd lité sanggéd nggepuk Diha. Tu’ung kéta, toé ngancéng pecings lité salang Diha.

ROMA 2:4

Asa nuk émong kaut le hau gawas Diha, lembak Diha, agu ngéngga nai Diha? Toé baé le hau ko, te gawas de Mori Keraéng te titong hau kudut teserh?

ROMA 5:2

Lut Hia ité kolé dumpu salang lako te ngo nggere-oné tabing ho’o ali imbi. Oné tabing ho’o, ité hesé agu go’as oné bengkes te tiba mengit de Mori Keraéng.

ROMA 8:10

Maik émé hi Kristus mosé oné méu, koném weki de méu matay landing ndékok, maik Nai Nggeluk de Mori Keraéng téing mosé oné méu, ai Hia poli tiba méu.

ROMA 9:23

Mori Keraéng kolé ngoéng te toto bora mengit Diha, latang te sanggéd ata momang Diha ata poli mengkekd latang te mengit,

1 KORINTUS 3:16

Toé baé le méu ko, te méu hitu mbaru de Mori Keraéngm agu Nai Nggeluk de Mori Keraéng ka’éng oné méuy?

2 KORINTUS 2:14

Maik wali di’a kamping Mori Keraéng, ata titong mtaung ami ata nai ca anggit agu hi Kristus oné salang ontong Diha. Létang laing ami Hia wécak bengé, wiga pecing Hia lata nia-nia kaut wan.

2 KORINTUS 4:17

Ai kélo géal ho’o ga, te cir latang te ami mengit tédéng lén ata labi oné mai sanggén cao-ca, céwé mésé oné mai kélo dami.

2 KORINTUS 4:6

Ai Mori Keraéng hitut poli curup, “Oné mai nendep te par gérak!” Hia kolé ata widang gérak’N oné nai dité. Wiga nuk dité ita betuan mengit de Mori Keraéng hitut néra oné ranga di Kristus.

2 KORINTUS 6:16

Apa néng woé-joé mbaru de Mori Keraéng agu io pina-naéng? Ai ité ho’o mbaru de Mori Keraéng hitut mosé, ného curup ho’o de Mori Keraéng, “Aku kudut ka’éng cama agu isé, mosé oné bahi-réha isé, agu Aku kudut ciri Mori Keraéng disék, isé kudut ciri ro’éng Dakus.

GALATIA 2:20

maik aku mosék, landing toé kolé weki rug aku ata mosé, maik hi Kristus hitut mosé oné akuy. Mosé ho’ot mangan daku, ngong mosé landing imbi oné Anak de Mori Keraéng ata poli momang akuy agu condo mosén latang te aku.

GALATIA 4:19

Oé sanggéd anak daku, landing méuk aku tara beti ného beti loas, dengkir ba weki di Kristus ciri ba weki de méu kolé.

ÉFÉSUS 1:7

Ai landing le mata di Kristus, ité célad le Mori Keraéng, ngong Hia poli ampongd sanggéd ndékok dité.

ÉFÉSUS 2:22

Ai nai ca anggit agu hi Kristus, méu kolé pandé hesé ciri osang ka’éng de Mori Keraéng agu Nai NggelukN.

PILIPI 4:19

Mori Keraéng daku te téing sanggéd sékék de méu lorong bora agu mengit Diha oné hi Kristus Yésus.

KOLOSÉ 1:5

landing bengkes hitut poli mengkekn latang te méu éta Surga. Latang te bengkes hitu poli dengé olon le méu oné-mai curup molor ngong Keréba Di’a,

KOLOSÉ 2:3

Ai oné Hi Kristus cehad sanggéd nggalas agu nggepuk de Mori Keraéng.

KOLOSÉ 3:11

Cai wan ga, toég manga kolé ata Yunani ko ata Yahudi, ata poli sunat ko ata toéd sunat, ata Barbar ko ata Skit, mendi ko ata toé mendi, maik hi Kristus oné sanggén taung, Hia nai ca anggit agu sanggén cao-ca.

2 TIMOTÉUS 1:1

Oné-mai aku hi Paulus, rasul di Kristus Yésus, lorong perénta de Mori Keraéng Ema. Hi Kristus hitu ata sambé agu bengkes dité.

IBRANI 6:19

Bengkes hitu cama ného manggar ata mberes agu meler latang te wakar dité. Bengkes hitu burut rinding Lo’ang nggeluk oné Mbaru de Mori Keraéng.

1 YOHANÉS 4:4

Sanggéd anak daku! Méu paéng de Mori Keraéngm, agu poli pandé kodad le méu sanggéd nabi tangké situ. Nai Nggeluk hitut manga oné méu céwé mésé kuasan po nai hitut paéng de lino.

WIDANG SI’ANG ONÉ HI YOHANÉS 3:20

Lélo dé, Aku hesé bolo-mai para agu nontong. Émé manga ata dengé nontong Daku hitu, céngka dé liha para, Aku ngo bonék kudut cumang agu hang cama-cama agu hia.