KOLOSÉ 1:23 - Bahasa Manggarai New Testament

²³ Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

KOLOSÉ 1:23 ပူးပေါင်းရင်းမြစ်များ

MARKUS 16:15

Itu kali mai taé Diha agu isé: “Ngom ga, oné temu tana lino, keréba ga Injil oné sanggén ata.

LUKAS 22:32

Maik Aku poli ngaji latang te hau, boto nawor imbis. Agu hau, émé hau poli pa’éln, hau pandé mberes asé-ka’ém.”

LUKAS 6:48

hia cama agu cengata ata hitut hesé mbaru: Ata hitu caké delem kéta agu na’a lagang lobo watu. Wiga du cain mbang agu wa’a oné mbaru hitu, toé ngancéng gégon, ai mbaru hitu mangger muing du hesén.

YOHANÉS 15:6

Céing ata toé ka’éng oné Akun, hia te rocik oké pé’angy ného rengka, agu dangon ga. Poli hitu congko lata oké oné api te tapas.

TOMBO PÉTÉ GORI DE RASUL-RASUL 1:17

Danong hia cengata oné mai ami agu gori ného pandé dami ho’o.

TOMBO PÉTÉ GORI DE RASUL-RASUL 1:25

kudut tiba gori te keturu lawa do, gori hiot legong di Yudas ata poli ngon oné osang ata naun latang te hia.”

TOMBO PÉTÉ GORI DE RASUL-RASUL 1:8

Maik méu te tiba kuasa émé Nai Nggeluk wa’u oné méu agu méu te ciri saka-si Daku oné Yérusalém, oné temu tana Yudéa agu Samaria dengkir agu haéng binting awang.”

TOMBO PÉTÉ GORI DE RASUL-RASUL 11:23

Du cain hi Barnabas agu ita widang de Mori Keraéng latangt isé, nisang kéta nain. Hia toing isé, kudut sanggéd isé mai wa mai nain junggu oné Mori Keraéng,

TOMBO PÉTÉ GORI DE RASUL-RASUL 14:22

Oné osang situ isé pandé mberes imbi de ata nungku situ agu toing isé kudut harat nai oné imbi agu taé kolé lisé kudut ngo oné Adak de Mori Keraéng, ité paka cukung susa.

TOMBO PÉTÉ GORI DE RASUL-RASUL 2:5

Du hitu oné Yérusalém ka’éng ata Yahudi situt molor oné mai sanggéd uku oné lino.

TOMBO PÉTÉ GORI DE RASUL-RASUL 20:24

Maik aku toé nuk te mo’éng moség, tamat aku ngancéng cai oné ranti agu pandé poli sanggéd gori situt jera de Mori Yésus oné aku, kudut téi saka-si latang te Keréba Di’a, widang de Mori Keraéng.

TOMBO PÉTÉ GORI DE RASUL-RASUL 26:16

Maik ho’o ga, to’oh ga agu heséh ga. Aku toto wekig oné hau, kudut pilé hau ciri ata keturu laing agu saka-si latang te sanggéd cao-ca ata poli itad le hau oné mai Aku, agu latang te apa ata toto Laku cepisa oné hau.

TOMBO PÉTÉ GORI DE RASUL-RASUL 4:12

Toé manga selamak oné mai céi-céing kaut, hanang oné Hia, ai oné lino ho’o, toé manga ngasang cebana ata téi oné manusia, kudut le ngasang hitu ité haéng selamak.

ROMA 10:18

Maik aku réi méu: Asa, toé dengé lisé ko? Toét-toé poli dengén lisé, “Reweng data ba keréba wéron temu tana lino, curup disé cai haéng comongn lino.”

ROMA 15:16

ngong te aku ciri ata keturu di Kristus Yésus latang te wa’u bana, ciri imam oné tombo Keréba Di’a de Mori Keraéng, kudut sanggéd wa’u bana ngancéng tibas le Mori Keraéng, cama ného takung ata henan oné ranga Diha, ata pandé nggeluks le Nai Nggeluk.

ROMA 2:7

Mosé tédéng lén latang te isét seber pandé di’a, kawé naring, hiang agu toé ampus.

ROMA 5:5

Agu bengkes toé manga majan, ai momang de Mori Keraéng poli téi oné nai dité le Nai Nggeluk hitut poli patin oné ité.

1 KORINTUS 15:58

Landing hitu asé-ka’én ata momang laku, metek koé imbis, néka gégo agu seber koém oné gori de Mori Keraéng! Ai pecingp le méu oné neki ca agu Mori Keraéng, rébok de méu toé oké bon.

1 KORINTUS 3:5

Jari, céing néng hi Apolos? Céing néng hi Paulus hitu? Isé ata keturu laing wiga méu ciri imbim, néténg gori lorong widang de Mori Keraéng.

2 KORINTUS 10:1

Aku hi Paulus ata rantang émé cumang dungka agu méu, maik rani émé tadang. Aku kudut toing méu landing hi Kristus hitut lembak mésé agu joél kétay.

2 KORINTUS 11:23

Asa isé, ata gori keturu di Kristus? Aku taé ného ata wédolk – aku kolé labi oné-mai isé! Aku céwé do kamerg; céwé dondé oné bui; tiba ongga da’at, dondé kolé oné copél mésé.

2 KORINTUS 3:6

Hiap kolé ata widang mberes oné ami te ciri ata keturu laing latang te reké weru. Reké weru hitu toé oné-mai adak situt tulis, maik oné-mai Nai Nggeluk. Ai adak situt tulis pandé mata, maik Nai Nggeluk te pandé mosé.

2 KORINTUS 4:1

Ami poli tiba keturu ho’o ali nabit de Mori Keraéng. Landing hitu ami toé manga do’ong nai laing.

2 KORINTUS 6:1

Ité haé-rebat oné gori latang te Mori Keraéng, ami toing méu, kudut méu néka pandé oké-bod kaut widang de Mori Keraéng situt poli tiba de méu.

GALATIA 4:11

Simpung kétak aku, émé rébok daku latang te méu oké kéta bod.

GALATIA 5:5

Ai ali Nai Nggeluk agu ali imbi oné hi Kristus, ité géréng te patun le Mori Keraéng hitut bengkes dité.

GALATIA 5:7

Danong méu rié di’a-di’am. Céing ata pangga méu wiga méu toé junggu lorong ngoéng de Mori Keraéng?

GALATIA 6:9

Ité ho’o néka maél te pandé di’a. Émé ité seber te pandé di’a situ, cemoln tai ité te ako agu nongko dani.

ÉFÉSUS 1:18

Aku gesar oné Mori Keraéng, kudut Hia pandé gérak nais, kudut ngancéng idep apa ata deming laingn oné-mai Mori Keraéng hitut poli bénta méuN. Te baé kolé le méu, co’o kéta penongn berkak ata manikn hitut poli ambin le Mori Keraéng latang te sanggéd weki serani.

ÉFÉSUS 2:21

Hia dé ata pandé heséd sanggéd mbaru situ, ciri mbaru ngaji latangt Mori Keraéng.

ÉFÉSUS 3:17

Le imbis hitu, Mori Yésus ka’éng oné nai de méu agu mosé de méu ligéng le kuasa agu le momang.

ÉFÉSUS 4:16

Le wintuk Diha, péris di’a kéta sanggéd weki agu pandé ndeng taud oné gori keturu. Émé néténg weki gori lorong toing ata di’an, toét-toé sanggéd weki situ uwa ciri tu’as agu mberes létang le momang.

KOLOSÉ 1:25

Aku poli ciri ata keturu latang te weki serani hitu lorong agu dis hitut téing de Mori Keraéng oné aku kudut keréba ruda oloy tombo Diha ali jepek tu’ung latang te méu,

KOLOSÉ 2:7

Poro méu kali waké caler oné Hiam agu téti éta mosé oné Hiam. Poro méu tambang mberes oné imbis, ného hitut poli toingn oné méu. Poro nai de méu peno ali wali di’a.

TÉSALONIKA 3:3

Wiga néka manga ata gégo imbin ali ta’ong susa do. Bom toé pecing le rus méu, ité poli wérét latang te hitu.

TÉSALONIKA 3:5

Itup tara du kembung dami toég ngancéng ta’ong kolé, aku jera hi Timotéus kudut baé laku imbi de méu, ai simpung kétak aku, émé méu poli damang le jing da’at wiga rébok dami oké-bod.

TÉSALONIKA 5:8

Maik ité ho’ot mosé oné gérak, céwé di’an, doing koé agu papé baju rampas imbi agu momang, agu bengkes te selamakt ciri nggiling laing.

2 TÉSALONIKA 2:16

Mori dité hi Yésus Kristus, agu Mori Keraéng Ema dité, poli toto momang oné ité le tabing lémbu agu bengkes tédéng lén.

2 TIMOTÉUS 1:12

Aku wali di’a oné hi Kristus Mori dité. Hia poli tabing mberes oné aku, kudut gori keturu latang te Hia, ai Hia rékéng aku junggug agu patun te gori keturu ho’o.

2 TIMOTÉUS 2:7

Latang te saka-si hitu, Mori Keraéng poli wérét akun te ngo oné sanggén ata toé Yahudi kudut wéro oné isé Keréba Di’a latang te imbi ata molor oné hi Kristus Yésus. Tombo ho’o daku molorn, toé tombo nggopét.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

TITUS 3:7

Ali tabing de Mori Yésus, ité poli hambor agu Mori Keraéng, wiga ité haéng mosé tu’ung agu tédéng lén lorong hitut bengkes dité.

IBRANI 10:38

Maik ro’éng Daku situt molor, te mosé ali imbis. Émé manga ata hedong kolé, Aku toé henan latang te hia.”

IBRANI 3:14

Ai ité haé reba ca gori oné hi Kristus, tama ité metek tu’ung imbi hitu ného du pu’ungn dengkir agu cemoln.

IBRANI 3:6

Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.

IBRANI 4:14

Ité te ho’on ga, manga Imam Mésé agu Mengit ata lagé sanggéd awang éta, ngong Mori Yésus, Anak de Mori Keraéng. Nahé ité metek tu’ung oné tura imbi dité.

IBRANI 6:19

Bengkes hitu cama ného manggar ata mberes agu meler latang te wakar dité. Bengkes hitu burut rinding Lo’ang nggeluk oné Mbaru de Mori Keraéng.

1 PETRUS 1:3

Naring ga Mori Keraéng, ngong Ema de Mori dité hi Yésus Kristus. Ali nabit mésé, Hia poli widang ité mosé weru lut to’o kolé di Yésus Kristus oné-mai ata mata. Mosé dité penong le bengkes,

1 PETRUS 1:5

Ai méu imbi oné Mori Keraéng, itu tara tinus méu Liha le mberes kuasaN dengkir agu si’angn selamak hitu du leso cemol tai.

1 YOHANÉS 2:27

Ai palas hitut poli tiba le méu oné-mai hi Kristus, toé ngancéng mora kolén. Landing hitu, méu toé sékékn kolé te toing lata banam. Palas di Kristus hitu te toing méu sanggéd cao-ca; agu baé le méu te toing Diha situ molord, toé manga nggopétn. Landing hitu, méu paka nai ca anggit kis agu hi Kristus, ného ata poli toingn Liha danong.

WIDANG SI’ANG ONÉ HI YOHANÉS 2:10

Néka rantang méu te ta’ong susa! Ata tu’ungn jing da’at te peké pisa tau weki de méu nggere-oné bui. Méu ta’ong susa tédéng cepulu leso. Pandé hitu de jing da’at, kudut damang agu susa méu. Méu kali ga, poro junggu dengkir matas. Ali hitu, Aku widang méu mosé tédéng lén.