KOLOSÉ 1:22 - Bahasa Manggarai New Testament

²² te ho’on pandé hambor Liha oné weki di Kristus ali mata Diha kudut méu ciri nggeluk agu toé manga celas oné ranga Diha.

KOLOSÉ 1:22 ပူးပေါင်းရင်းမြစ်များ

LUKAS 1:75

oné helek agu molor wa ranga Diha tédéng moséd

ROMA 7:4

Landing hitu asé-ka’é daku, latang te méu wintuk Taurat poli matan, landing le mata di Kristus. Kudut méu ciri paéng Diha ata poli to’o kolén oné mai ata matan, wiga ité manga wuad latang te Mori Keraéng.

2 KORINTUS 11:2

Ai aku kembung méuk neho kembung de Mori Keraéng. Ai aku poli pandé naca méu agu cengata ata rona, kudut dadé méu ného ata molas nggeluk oné hi Kristus.

2 KORINTUS 4:14

Pecing lami te Hia hitut pandé to’o kolé Mori Yésus, te pandé to’o kolé amiy cama laing agu hi Yésus. Hia kolé te dadé ami cama laing agu méu nggere-oné weki Run Hia.

2 KORINTUS 5:18

Sanggéd taung so’o oné mai Mori Keraéng ata le tongka di Kristus poli hambor ité agu Hia agu poli imbin gori keturu latang te hambor hitu oné ami.

ÉFÉSUS 1:4

Létang laing Hia, Mori Keraéng poli pilé ité be bolon dédék lino, kudut ciri nggeluk agu toé manga celad.

ÉFÉSUS 5:27

Ali hitu, hi Kristus téing osang di’a latang te weki serani situ déméng angos, nggélok agu toé manga celad bolo-mai rangaN.

KOLOSÉ 1:28

Hi Kristus hitu dé ata keréba dami, émé toing lami sanggéd nggalas oné néténg ata, kudut titong néténg ata te ciri besik ali nai ca anggit agu hi Kristus.

TÉSALONIKA 4:7

Mori Keraéng bénta ité toé latang te pandé réngkes, maik latang te pandé nggeluk.

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

IBRANI 10:10

Ai ali ngoéng di Kristus, ité poli pandé nggeluk cangkalin latang te tédéng lén, le takung weki de Run.

IBRANI 10:20

Mori Yésus poli céngka salang weru ata widang mosé latang te ité. Salang hitu lagé ca rinding, ngong weki Run Mori Yésus.

IBRANI 13:21

Nahé Mori Keraéng pandé jemut méu ali sanggéd ata di’an ata sékékn, te méu kudut lorong ngoéng Diha, lut hi Yésus Kristus. Latang te Hia dé, mengit tédéng lén! Amén.

1 PETRUS 3:18

Ai hi Kristus kolé, poli mata hanang cengkalin kanang latang te sanggéd ndékok dité. Hia ata molor, mataY latang te itet toé molor, kudut dadé ité nggere-oné Mori Keraéng. WekiN hi Kristus poli mbelén lata, maik nai-nawaN poli pandé to’o kolén le Mori Keraéng.

2 PÉTRUS 3:14

Landing hitu asé-ka’é ata momang laku, cang agu géréng leso hitu, paka wuli wekis te hambor agu Hia, wiga méu toé manga celas agu toé manga ndékoks du cain Hia tai.

YUDAS 1:24

Asé-ka’én ata momang laku! Mori Keraéng ata ngancéng sémbéng méu, kudut méu néka timpokm agu dadé méu toé do’éng ndékok bolo-mai rangaN hitut mengit agu nisang nai.