KOLOSÉ 1:20 - Bahasa Manggarai New Testament

²⁰ Lut Hiay, Mori Keraéng pandé hambor sanggén cao-ca agu weki ruN, siot manga oné lino ko siot manga éta Surga, du Hia poli pandé hambor agu dara oné panggol di Kristus.

KOLOSÉ 1:20 ပူးပေါင်းရင်းမြစ်များ

MATÉUS 1:21

Hia kudut loas anak ata rona, agu téing le hau ngasangn hi Yésus, ai Hia kudut sambé sanggét ro’éngn oné mai ndékokd.”

LUKAS 2:14

“Bong kéta latang te Mori éta awang-ngkiang, agu hambor-meler oné lino latang te manusia situt henan agu Hia.”

TOMBO PÉTÉ GORI DE RASUL-RASUL 10:30

Mai walé di Kornélius: “Oné pat, aik cama ného ho’o ga, ongga telu le mané, aku lari ngajig oné mbarug. Rodo hesé cengata olo mai ranga daku, ceca sélékn, ndilep kétas,

ROMA 5:1

Landing hitu ité ho’ot tiba le Mori Keraéng ali imbi, mosé oné hambor-meler agu Hia, lut Mori dité, Yésus Kristus.

ÉFÉSUS 1:10

Ho’oy nanéngN hitu: sanggéd caoca, éta Surga ko oné lino, nai ca anggit agu hi Yésus Kristus tu’ad sanggéd caoca.

PILIPI 2:10

Kudut hiang ngasang de Mori Yésus, sanggéd ata manga éta awang, oné lino ko be wa-mai lino, tikul taungs.

KOLOSÉ 1:16

Ai létang Hiay poli dédék sanggéd cao-ca ata manga éta Surga agu oné lino, ata ita le matad agu ata toé ita le matad, seriga ko tana perénta de raja, pemerénta ko ata cau kuasa, sanggén cao-ca dédék ali Hi Krsitus agu latang te Hia.

IBRANI 2:17

Itup tara oné sanggén cao-ca, Hia paka cama agu asé-ka’én. Ali hitu, Hia ciri Imam Mésé ata paéng momang agu junggu oné Mori Keraéng kudut pandé hambor ndékok de ro’éng.