KOLOSÉ 1:15 - Bahasa Manggarai New Testament

¹⁵ Hiay gambar de Mori Keraéng ata toé ita le matay, ata ngaso, céwé lando oné-mai sanggéd ata poli dédék.

KOLOSÉ 1:15 ပူးပေါင်းရင်းမြစ်များ

YOHANÉS 1:1

Pu’ung du wangkan manga Reweng; Reweng hitu cama-cama agu Mori Keraéngy, agu Mori Keraéngy Reweng hitu.

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

YOHANÉS 1:18

Toé kéta manga cengatan ata poli ita Mori Keraéng; maik Anak léca de Mori Keraéng, ata manga oné lobo pa’a de Ema'N, Hia dé ata tombon.

YOHANÉS 14:9

Mai walé de Mori Yésus ngong hia: “Naisg Aku cama-cama agu méuk Pelipus, maik hau toé kin pecing Akuh? Céing ata poli ita Akun hia poli ita hi Ema. Co’og taé de hau ga: Toto koé agu ami hi Ema hitu.

YOHANÉS 15:24

Émé rapangn Aku toé pandés oné beréha isé sanggéd gori ata toé dé’it pandés lata bana, tandan isé toé manga ndékokd. Maik ho’o ga koném po poli itad taung sanggéd situ lisé, isé kodo Akus agu hi Emag.

YOHANÉS 3:16

Ai nenggitu mésén momang de Mori Keraéng latangt lino ho’o, wiga Hia téing Anak'N ata léca kudut sanggéd ata imbi Hia toé matas, maik haéng mosé tédéng lén.

ROMA 8:29

Ai sanggéd ata pilé Diha, poli petokd Liha du wangkan, kudut ciri ného tara de Anak Diha. Ali hitu, Anakn hitu te ciri ata ngaso oné mai sanggéd asé-ka’én.

2 KORINTUS 4:4

Ngong sanggéd isét toé imbi, ata tadu taung nukd ali dewa da’at de uwa ho’o, wiga isé toé ita néra de Keréba Di’a latang te mengit di Kristus hitut gambar de Mori Keraéng.

2 KORINTUS 4:6

Ai Mori Keraéng hitut poli curup, “Oné mai nendep te par gérak!” Hia kolé ata widang gérak’N oné nai dité. Wiga nuk dité ita betuan mengit de Mori Keraéng hitut néra oné ranga di Kristus.

PILIPI 2:6

Hia koném po ca tara agu Mori Keraéng, maik toé rékéng Liha ca tara agu Mori Keraéng hitu, cama ného paéng Run hiot paka mo’engy.

KOLOSÉ 1:13

Hia poli ledo ité oné-mai kuasa de nendep agu hésing ité nggere-oné Adak de Anak Diha hitut momang.

2 TIMOTÉUS 1:17

Nahé sanggén taung ata, hiang agu bong Mori Keraéng hitut tédéng lén, ata toé ita le matay agu ata léca’y. Hia de Raja ata perénta tédéng lén! Amén.

2 TIMOTÉUS 6:16

Hia kanang kali ata toé koday le mata, ka’éng oné gérak ata toé cung te ruisy. Toé manga cengatan ata poli ita Hia, agu toé muing manga manusia ata ngancéng ita Hia. Latang te Hia kali hiang agu kuasa tédéng lén! Amén.

IBRANI 1:3

Hiay néra mengit de Mori Keraéng agu ba tara de Mori Keraéng ata tu’ungn agu tukeng sanggéd so’ot mangad ali curup Diha hitut penong kuasa. Du poli pandé nggélokd ndékok de manusia, Hia lonto oné racap wanang de Mori Mésé, éta osang langkas.

IBRANI 1:6

Céwén kolé, du Hia dadé Anak ngason nggere-cé’é lino ho’o, mai taéN: “Sanggéd malékat de Mori Keraéng paka suju Hias.”

IBRANI 11:27

Le imbin, hia poli ledong tana Mesir agu toé rantang rabo de rajay. Hia lako ruda kin, néhot hia poli ita Mori Keraéng ata toé ngancéng ita lata.

WIDANG SI’ANG ONÉ HI YOHANÉS 3:14

“Tulis koé latang te malékat de weki serani oné Laodikia: Ho’oy pedé oné-mai hi Amin, Saka-si hitut junggu agu molor, pu’ud sanggéd dédék de Mori Keraéng.