KOLOSÉ 1:14 - Bahasa Manggarai New Testament

¹⁴ Le AnakN hitu pandé céla ite; betuan, ngong sangged ndékok dité poli taungs ampongd .

KOLOSÉ 1:14 ပူးပေါင်းရင်းမြစ်များ

MATÉUS 20:28

cama ného Anak Manusia, mai toé kudut te tiba keturu, maik latang te gori keturuy agu téing mosén, te sambé latang te ata do.”

LUKAS 5:20

Du poli itan imbi disé le Mori Yésus, mai taé Diha: “Oé nana, sanggéd ndékokm polisg ampongd.”

TOMBO PÉTÉ GORI DE RASUL-RASUL 10:43

Ngong Hia saka-si de sanggéd nabi, te céing kaut ata imbi Hia, te haéng ampong ndékok lut ngasang Diha.”

TOMBO PÉTÉ GORI DE RASUL-RASUL 2:38

Walé li Pétrus agu isé: “Teserm ga, agu condo wekis te cebong oné ngasang de Mori Yésus Kristus kudut ampong ndékoks, ali hitu méu tiba nabit'N ngong Nai Nggeluk.

TOMBO PÉTÉ GORI DE RASUL-RASUL 20:28

Lami di’a-di’a weki rus, agu lami kolé sanggén taung weki, ai méu ata poli wérét le Nai Nggeluk ciri ata lami kudut titong ro’éng de Mori Keraéng ata dumpu Liha ali dara Run Hia.

TOMBO PÉTÉ GORI DE RASUL-RASUL 26:18

kudut cengka mata disé, kudut isé holés oné mai nendep nggere-oné néra agu oné mai kuasa de jing da’at nggere-oné Mori Keraéng, kudut isé ali imbid oné Aku, tiba ampong ndékoks agu tiba reco oné mai apa ata poli wérét latang te sanggéd ata nggeluk.

1 KORINTUS 1:30

Maik, ali Mori Keraéng, méu neki ca oné hi Kristus Yésus, ata poli téi nggalas le Mori Keraéng latang te ité. Hia pandé molor agu pandé nggeluk agu sambé ité.

GALATIA 3:13

Hi Kristus poli sambé ité oné-mai niur de wintuk Taurat. Hia pandé nenggitu ali ondang weki Run ciri niur landing ité. Ai manga tulis: “Nahé niury ata hitut wéo oné haju panggol.”

ÉFÉSUS 1:7

Ai landing le mata di Kristus, ité célad le Mori Keraéng, ngong Hia poli ampongd sanggéd ndékok dité.

ÉFÉSUS 4:32

Maik méu kali poro réncéng koém cama taus, penong ali momang agu ampong cama taus, ného Mori Keraéng poli ampong méun le létang laing hi Yésus Kristus.

ÉFÉSUS 5:2

Meu momang tau, ného hi Kristus Yésus poli momang méun. Hia poli condo wekiN latang te ité, cama ného takung hélang ata bengén wiga cembes nain Mori Keraéng.

KOLOSÉ 2:13

Koném po méu danong matam ali manga ndékoks agu ali toéd sunat wekis, maik poli pandé mosé kolé le Mori Keraéng cama laing agu hi Kristus. Mori Kraéng ampong taungs sanggéd ndékok dité,

KOLOSÉ 3:13

Ngéngga koé nai agu ampong koé cama taus, émé hiat cengata ngetek ata banay; cama ného Mori poli ampong méun, pandé nenggitu kolé méu.

2 TIMOTÉUS 2:6

Mori Yésus hitu poli condo wekiN kudut te sambé sanggén manusia: Hitu saka-si du leso hitut poli wérétn le Mori Keraéng.

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

IBRANI 9:12

Hia poli ngo oné Lo’ang Nggeluk Kéta cangkalin kaut latang te tédéng lén. Du hitu Hia toé ba dara de mbé laki ko dara de anak japi, maik ali ba dara de weki Run. Ali hitu, Hia céla ité tédéng lén.

IBRANI 9:22

Lorong Adak Taurat sanggéd caoca pandé nggeluk le daras. Ai émé toé hélang le dara, toé manga kolé ampong ndékok.

1 PETRUS 3:18

Ai hi Kristus kolé, poli mata hanang cengkalin kanang latang te sanggéd ndékok dité. Hia ata molor, mataY latang te itet toé molor, kudut dadé ité nggere-oné Mori Keraéng. WekiN hi Kristus poli mbelén lata, maik nai-nawaN poli pandé to’o kolén le Mori Keraéng.

1 YOHANÉS 1:9

Émé ité tura ndékokd, ampongs Liha sanggéd ndékok dité agu pandé nggeluk ité oné-mai sanggéd da’at, ai Hia rapak rekeN agu agil anorN.

1 YOHANÉS 2:12

Oé sanggéd anak daku! Tulis laku latang te méu, ai poli ampongd ndékok de méu le ngasang di Kristus.

1 YOHANÉS 2:2

Hia te koso sanggéd ndékok dité, ngot toé hanang ndékok dité kanang, maik sanggéd ndékok oné temu tana lino.

WIDANG SI’ANG ONÉ HI YOHANÉS 1:5

Tabé kolé oné-mai hi Yésus Kristus, Saka-si hitut junggu, atat laring cain to’o oné-mai ata mata agu hitut manga kuasan latang te sanggéd raja oné lino ho’o. Hi Kristus poli momang ité agu poli céla ité oné-mai ndékokd ali daraN.

WIDANG SI’ANG ONÉ HI YOHANÉS 14:4

Isé situ, ngong ata siot nggélok kid moséd, ného ata reba ata toe di neki agu iné-wai. Isé lut nggere-nia kaut wan lakon Anak Jimbal hitu. Oné-mai sanggéd manusia, isé situ ata poli sambéd ného takung laring cain latang te Mori Keraéng agu latang te Anak Jimbal.

WIDANG SI’ANG ONÉ HI YOHANÉS 5:9

Étan lisé ca déré weru: “Ité patun te tiba surak hitu agu nggé’i sanggéd rokun; ai Ité poli mbeléd. Ali dara Dité, poli weli sanggéd manusia oné-mai néténg-néténg panga, curup, wa’u agu ro’éng do latang te Mori Keraéng.