KOLOSÉ 1:12 - Bahasa Manggarai New Testament

¹² agu wali di’a oné hi Ema. Hi Ema hitu dé ata pandé naun méu kudut tiba maki ata poli wérét latang te sanggéd ata serani oné adakN hitut gérak.

KOLOSÉ 1:12 ပူးပေါင်းရင်းမြစ်များ

MATÉUS 25:34

Agu mai curup de raja hitu agu isét oné racap wanang: Mai méu, oé ata berkak le Ema Daku, tiba ga osang ata poli ambin te méu; pu’ung mangan lino ho’o!”

YOHANÉS 14:6

Mai walé de Mori Yésus agu hia: “Akuy dé salang, agu molor agu mosé! Toé kéta cengatan ata ngancéng ngo oné hi Ema, émé hia toé palé Akuy.

YOHANÉS 20:17

Mai taé de Mori Yésus ngong hia: “Néka cau Aku, ai Aku toé di ngo éta hi Emag, maik ngo oné taung asé-ka’é Daku, agu tura oné isé te ho’on Aku te ngo éta Emag agu Ema de méu; éta Mori Keraéng Daku agu Mori Keraéng de méu.”

YOHANÉS 4:23

Maik manga kaut rapak leson agu te ho’on poli cain ga, té isét suju laing tu’ungn kudut suju hi Ema oné Nai agu molor, ai hi Ema lélak ata situt suju nenggitu.

TOMBO PÉTÉ GORI DE RASUL-RASUL 20:32

Te ho’on aku téi méu oné Mori Keraéng agu oné reweng widang Diha ata manga kuasan latang te pandé metek méu, agu widang oné méu mbaté ata poli letin latang te sanggén ata poli pandé nggelukd Liha.

TOMBO PÉTÉ GORI DE RASUL-RASUL 26:18

kudut cengka mata disé, kudut isé holés oné mai nendep nggere-oné néra agu oné mai kuasa de jing da’at nggere-oné Mori Keraéng, kudut isé ali imbid oné Aku, tiba ampong ndékoks agu tiba reco oné mai apa ata poli wérét latang te sanggéd ata nggeluk.

ROMA 11:17

Landing hitu émé pisad dangka haju zaitun, ngong ata Yahudi poli ndapud, agu méut ata toé Yahudi, cama ného cing siot tangkep oné dangka situt poli ndapud. Wiga méu kolé ného dangka ata tiba lahén onémai nunu de haju zaitun.

ROMA 15:27

Wérét hitu disé ali nai ngalis, agu hitu muing ata paka pandé disé. Ai émé sanggéd wa’u bana poli tiba paéng de wakar data Yahudi, itu tara paka isé kolé campé ata Yahudi ali paéng de lino ho’o disé.

ROMA 8:17

Émé ité ho’o anak, ité ho’o kolé ata tiba mbaté. Ngong ata manga hakd te tiba reké de Mori Keraéng, ata tiba lité cama-cama agu hi Kristus. Émé ité ta’ong susa cama-cama agu Hia, ité kolé mengit cama laing agu Hia.

ROMA 9:23

Mori Keraéng kolé ngoéng te toto bora mengit Diha, latang te sanggéd ata momang Diha ata poli mengkekd latang te mengit,

1 KORINTUS 8:6

Maik latang te ité hanang manga ca kanangy kali Mori Keraéng, Hi Ema, ata dédékd sanggéd cao-ca. Latang te Hiat ité moséd. Agu ca kanang kali Morin ngong hi Yésus Kristus, ata lut Hia sanggéd cao-ca poli dédék agu landing le Hia, ité moséd.

1 KORINTUS 9:23

Sanggéd taung situ pandés laku landing Keréba Di’a, kudut aku kole tiba berkak.

2 KORINTUS 11:14

Néka lenget laing émé nenggitu pandé disé, ai jing da’at kolé tangké ného malékat de Gérak.

2 KORINTUS 5:5

Mori Keraéng ata mengkek ité latang te mosé tédéng lén, agu widang Liha Nai Nggeluk luing te pa’arn.

ÉFÉSUS 1:11

Mori Keraéng poli dédék sanggéd caoca lorong ngoéng agu wérét Weki Run. Pu'ung du wangkan, poli pilé ité Liha te ciri ro'engN ai nai ca anggit agu hi Kristus.

ÉFÉSUS 1:18

Aku gesar oné Mori Keraéng, kudut Hia pandé gérak nais, kudut ngancéng idep apa ata deming laingn oné-mai Mori Keraéng hitut poli bénta méuN. Te baé kolé le méu, co’o kéta penongn berkak ata manikn hitut poli ambin le Mori Keraéng latang te sanggéd weki serani.

ÉFÉSUS 2:18

Lut hi Yésus Kristus, Nai Nggeluk pandé ruis agu Mori Keraéng Ema sanggéd ité ata Yahudi ko ata toé Yahudi.

ÉFÉSUS 3:6

Ho’oy pété ceha hitu: lut Keréba Di’a hitu, ata toé Yahudi ngancéng tiba sanggéd berkak de Mori Keraéng hiot danong ambi latangt ata Yahudi kanang. Sanggéd ata toé Yahudi poli ciri nggota de weki hitut ca agu tiba apa ata poli reké de Mori Keraéng létang laing hi Kristus Yésus.

ÉFÉSUS 4:6

agu ca kanangy kali Mori Keraéng ata ciri Ema de sanggén manusia. Hia dé Morin tanan wa, béangn éta, ata gori agu kuasa sanggéd ménan.

ÉFÉSUS 5:11

Néka lut le méu pandé oné nendep situt toé manga cir laingd, ata céwé di’an si’ang taungs le méu tombod pandé da’at situ.

ÉFÉSUS 5:20

Wali di’as sanggéd cao-ca oné ngasang de Mori dité Yésus Kristus latang te naring Mori Keraéng Ema dité.

ÉFÉSUS 5:4

Nenggitu kolé latang te curup da’at siot toé manga betuad, ko tombo siot mbere-mbapas – ai sanggéd situ toé kopd – ata céwé di’an étan reweng wali di’a kamping Mori Keraéng.

ÉFÉSUS 5:8

Bo tu’ung danong méu ka’éng oné nendepm, maik te ho’on méu ka’éng oné gérak de Mori Keraéng. Ali hitu, méu paka mosé ného anak de gérakm,

KOLOSÉ 2:2

Betuan pandé daku hitu kudut lémbu koé nai disé, agu isé neki cas oné momang. Ali hitu tingo lisé agu baé paéln oné imbi kudut pecing pété ceha de Mori Keraéng, ngong hi Kristus.

KOLOSÉ 3:15

Poro hambor-libur di Kristus manga tédéng oné nai de méuy, ai latang te hitu muing méu poli béntas oné ca weki. Agu wali di’am ga.

KOLOSÉ 3:17

Sanggéd cao-ca ata paka pandé ko curup le méu, pandé agu curup taung situ oné ngasang de Mori Yésus, cang agu wali di’a lut Hia oné Mori Keraéng, Ema dité.

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

IBRANI 12:23

Méu lut ca impung ata ramé kéta, ngong nekek weki de sanggéd anak ngaso de Mori Keraéng ata manga ngasangd éta Surga. Méu mai kamping Mori Keraéng hitut beté-bicar sanggén ata. Méu mai kamping sanggéd ata nggeluk situt poli pandé besikd.

IBRANI 3:1

Landing hitu asé-ka’én, ata poli pilé le Mori Keraéng, delem koé nuks latang te Mori Yésus. Hia wuat le Mori Keraéng te ciri Rasul agu Imam Mésé hitut imbi dité.

IBRANI 3:14

Ai ité haé reba ca gori oné hi Kristus, tama ité metek tu’ung imbi hitu ného du pu’ungn dengkir agu cemoln.

JAMES 3:9

Le lema, ité naring Morin agu Ema dité; le lema hitu kolé, ité mawang haé atad hitut poli dédék lorong tara de Mori Keraéng.

1 PETRUS 5:1

Aku toing sanggéd ata tu’a laing oné bahi-réha méu. Aku ho’o dé haé reba data tu’a laing de méu, ata saka-si ta’ong susa di Kristus agu ata kudut tiba lahé oné mengit di Kristus hitut si’ang tai.

1 YOHANÉS 1:3

Ata poli ita agu poli dengé dami, hituy dé ata keréba kolé lami, kudut méu nai-ca anggit agu amim. Tuka ca léléng dami hitu, ngong tuka ca léléng agu hi Ema agu hi Yésus Kristus AnakN.

WIDANG SI’ANG ONÉ HI YOHANÉS 21:23

Béndar hitu toé manga sékék mata leson agu wulang latang te néran, ai mengit de Mori Keraéng pandé néran agu Anak Jimbal hitu luing lampun.

WIDANG SI’ANG ONÉ HI YOHANÉS 22:14

Mosé di’a isét wewas jubad, ai isé patun te hang sanggéd wua haju situt téing mosé agu ocok lut sanggéd lewang nggere-oné béndar hitu.

WIDANG SI’ANG ONÉ HI YOHANÉS 22:5

Toég manga kolé wié oné béndar hitu, ai isé toé manga sékék gérak de lampu agu gérak de mata leso. Mori Keraéng dé te pandé gérak isé, agu isé te perénta ného rajas dengkir lén.