JAMES 5:7 - Bahasa Manggarai New Testament

⁷ Asé-ka’én, ta’ong koém dengkir cai de Mori! Damang lélo le méu, co’oy ta’ong data ciwal uma te géréng dani situt méséng oné-mai umad. Isé kolé ta’ong dengkir cai usang cekeng rencak agu usang cekeng wéla.

JAMES 5:7 ပူးပေါင်းရင်းမြစ်များ

MATÉUS 16:27

Ai Anak Manusia te mai kolé agu néra de Eman agu londang le sanggéd malékat; du hitu Hia te wali néténg ata lorong agu pandén.

MATÉUS 16:28

Aku taé agu méu: Moron, oné mai méu ata manga cé’é ho’o, manga ata toé di matay émé toéd ita lisé main Anak Manusia neho raja oné baté peréntan.”

MATÉUS 24:27

Ai cama ného ndilap, wili-welok awo main agu wéwéng gérakn haéng salé kolépn, nenggitu kolé tai main Anak Manusia.

MATÉUS 24:44

Landing hitu, méu kolé paka jengkek di’a-di’a, ai main Anak Manusia du toé kéta manga nuk calan le méu.”

LUKAS 18:8

Aku taé agu méu: Hiat te gélang pandé molor kaut isé. Maik, émé maiy Anak Manusia hitu, di’am manga itan Liha ata imbi oné lino?”

LUKAS 21:27

Duhitu ita lata Anak Manusia mai lobo rewungy déméng agu kuasan agu dirapn.

LUKAS 8:15

Tana beheng, ngong ata siot poli dengé curup situ, na’a oné naid hitut di’a, agu tua wua ata makengn.”

YOHANÉS 21:22

Mai walé de Mori Yésus: “Émé ngoéng’g Aku kudut hia ondang mosé dengkir mai kolég Aku, hitut toé nipu de hau. Maik hau kali lut Akuh.”

YOHANÉS 21:23

Og manga tombo lobo mu’u te weki situ, te ata nungku hitu toé manga matan. Maik Mori Yésus toé manga taén ngong hi Pétrus te ata nungku hitu, maik émé ngoéng’g Aku, te matay kudut hia ondang mosé dengkir agu mai kolég Aku, hitut toé nipu de hau.”

ROMA 15:4

Ai sanggéd cao-ca situt tulis danong, poli tulis kudut toing latang te ité, kudut ité mberés cau oné bengkes ali seber agu lémbu oné mai Surak Nggeluk.

ROMA 2:7

Mosé tédéng lén latang te isét seber pandé di’a, kawé naring, hiang agu toé ampus.

1 KORINTUS 1:7

Ali hitu méu toé manga géongs te tiba widang, lari nggitun méu géréng si’ang te cai de Mori dité Yésus Kristus oné ranga data do.

GALATIA 5:5

Ai ali Nai Nggeluk agu ali imbi oné hi Kristus, ité géréng te patun le Mori Keraéng hitut bengkes dité.

GALATIA 6:9

Ité ho’o néka maél te pandé di’a. Émé ité seber te pandé di’a situ, cemoln tai ité te ako agu nongko dani.

KOLOSÉ 1:11

Nahé ali kuasa de Mori Keraéng hitut angos ketay, méu mberes te ta'ong kélo oné sanggéd cao-ca ali seber agu lembak,

TÉSALONIKA 1:3

Ai ami nuk mtaung gori de imbi, rébok de momang agu mésén bengkes de méu oné Mori dité Yésus Kristus olo-mai ranga de Mori Keraéng agu Ema dité.

TÉSALONIKA 2:19

Du mai di Yésus, Mori dité, céing di ata bengkes laing ko ata naka laing lami ko songkok angos dami, émé toé méu?

TÉSALONIKA 3:13

Landing le hitu, Mori Keraéng pandé mberes nai de méu, wiga méu ciri nggelukm agu toé manga celas oné ranga Diha du leso mai kolé de Mori Yésus, cama-cama agu sanggéd ata situt ciri paéng Diha.

IBRANI 6:15

Hi Abraham géréng ali ngéngga-nai, ali hitu hia tiba apa ata poli reké le Mori Keraéng.

JAMES 4:11

Asé-ka’é daku, néka manga pocu taus méu! Céing ata pocu agu maja asé-ka’é ca imbin, hia mbéis agu maja wintuk de Mori Keraéng. Émé hau maja wintuk de Mori Keraéng, hau dé ga toé ata pandé lorong wintuk de Mori Keraéng, maik ciri adak ata beté-bicar.

JAMES 5:10

Asé-ka’én, lorong agu tunti koé ta’ong susa de sanggéd nabi ata poli ba keréba le ngasang de Morin.

JAMES 5:3

Emas agu pérak de méu penong le ta’i-upas. Ta’i-upa situ te ciri saka-si latang te dungkang méu, cama ného api te pandé muntung weki de méu. Méu poli nongko bora du leso turung cemol.

2 PÉTRUS 3:4

Taé disé, “Niay Hia hitut poli reké te mai? Ai pu’ung du matad empo dité, sanggéd cao-ca ného du wangka kid pu’ung dédékn lino ho’o.”