JAMES 4:6 - Bahasa Manggarai New Testament

⁶ Maik widang hitut téing Diha, céwé mésé oné-mai nanang de nai dité hitu. Landing hitu taé kole le Surak Nggeluk: “Mori Keraéng pangga salang data siot mésé nai, maik momang ata siot jinggop.”

JAMES 4:6 ပူးပေါင်းရင်းမြစ်များ

MATÉUS 13:12

Ai céing-céing ata mangad ga, téing oné hias, wiga diha héla-haéd; maik céing ata toé mangad, apa kaut ata mangad oné hia, te emi oné mai hiad.

MATÉUS 23:12

Agu céing-céing ata pandé tu’a le weki run, hia te ciri ata meriky, agu céing-céing ata merik le weki run, hia te ciri ata teke étay.

LUKAS 1:52

Hia na’a nggere wa ata situt manga kuasad éta mai serigad, agu téti nggere étas ata situt pele-wa

LUKAS 14:11

Ai céing ata ngo’is le run béta, hia te na’a way, agu céing kaut ata hinggop le run, hia te téti nggeré-étay.”

LUKAS 18:14

Aku taé agu méu: Ata ho’o kolé mbarun ného ata hiot molor laing le Mori Keraéng, agu ata hitut cebana toé. Ai céing ata éta pengémpang le run, hia te rendaky, agu céingy ata nggere-wa le run, hia te téti éta pengémpangy.”

JAMES 4:10

Jinggop koé ba wekis oné ranga de Morin, wiga Hia te pandé langkas méu.

1 PETRUS 5:5

Oé sanggés méu ata uwa, nenggitu kolé méu: Lorong koé ata tu’as! Agu sanggés taung méu, jinggop koé ba weki cama taus, ai nenggo’o tulis oné Surak Nggeluk: “Mori Keraéng pangga salang data siot mésé nai, maik momang ata siot jinggop.”