JAMES 4:4 - Bahasa Manggarai New Testament

⁴ Oé méut ata toé junggu! Toé pecing le méu ko, te haé reba agu belek de lino pandé bali agu Mori Keraéng? Jari, céing kaut ata pandé haé reba agu lino ho’o, hia hitu te ciri bali de Mori Keraéng.

JAMES 4:4 ပူးပေါင်းရင်းမြစ်များ

MATÉUS 12:39

Maik mai taé Diha ngong isé: “Ata uwa weru so’o da’at agu toé junggu, soléng kéta can tanda. Landing oné isé toé kéta ngancéng téing tanda, remo tanda di Yunus.

MATÉUS 16:4

Ata uwa so’ot da’at agu toé junggu so’o, soléng kéta can tanda. Landing latang te isé, toé kéta téing tanda cedion agu tanda de nabi Yunus.” Itu kali Mori Yésus legong isé agu ngon.

MATÉUS 6:24

Méu toé ngancéng ciri mendi de sua mori. Ai émé nenggituy jogot dé ho’o ca, ho’o ca ga momangy, ko sundur agu ho’o cengata, ho’o cengata ga toé lélo calay. Méu toé ngancéng lut Mori Keraéng, ngai deming kin wéang.”

LUKAS 19:27

Maik sanggéd ata bali daku so’o, so’ot toé ngoéngd te aku ciri rajad, dadé cé’é ho’os isé situ, agu mbelés wa ranga daku.”

YOHANÉS 15:19

Émé rapangn méu oné mai linos toét toé lino momang méuy ného paéngn. Landing woko méu toé oné mai linos, maik Aku poli lir méu oné mai lino, itu tara kodos méu le lino.

YOHANÉS 17:14

Aku poli téing oné isé curup Dité, agu lino ho’o kodo isé, ai isé toé oné mai linod, cama ného Aku toé oné mai lino ho’og.

YOHANÉS 7:7

Lino ho’o toé manga rangkat méud, maik rangkat Akuy, ai Aku poli sabid latang te sanggéd pandé da’at diha.

ROMA 5:10

Ai émé ité du lari toé di’a taud agu Mori Keraéng, pandé hambor agu Hia lut rowa de Anak Diha, céwén kéta te ho’on du ité poli hambor agu Mori Keraéng, toét-toé selamakt ali mosé Diha!

ROMA 8:7

Ai nanang de manusia hitut lunggu-lepé maca Mori Keraéngy, ai ngoéng hitu toé lorong wintuk de Mori Keraéng: agu toé muing lorong liha wintuk de Mori Keraéng.

1 KORINTUS 1:20

Nias ata situt manga nggalasd? Nias ata situt pecing Taurat? Nias ata situt hoté-hatel lemad oné-mai lino ho’o? Toé weli Mori Keraéng poli pandé caling nggalas de lino ho’o te ciri bapa laing?

1 KORINTUS 1:21

Landing nggalas de lino ho’o toé pecing Mori Keraéng, itup tara nggalas de Mori Keraéng henan te pandé selamak isé situt imbi ali wéro de Keréba Di’a atat loi-la’it taé de lino.

GALATIA 1:10

Jari, co’o weli ho’o ga: Aku kawé naring de manusia ko kawé naring oné-mai Mori Keraéng? Ko aku rémé emi nai de manusia, kudut naring lata? Émé nenggitu pandé daku, ngong aku toé mendi di Kristusk.

JAMES 1:27

Ho’o dé ngaji ata molorn agu toé manga celan oné ranga de Mori Keraéng Ema dité: campe ata lalo agu ata luang oné susad, agu jerék weki rud boto rowak le saki de lino ho’o.