JAMES 4:12 - Bahasa Manggarai New Testament

¹² Kali po hanang Mori Keraéng kali ata manga hakn te téing wintuk agu te bicar manusia. Hia ata manga kuasaN te pandé selamak agu te pandé ampus manusia. Jari, céing kéta méu, wiga méu ngoéng te maja cama taus?

JAMES 4:12 ပူးပေါင်းရင်းမြစ်များ

MATÉUS 10:28

Agu néka rantang méu agu isét ngancéng ala weki, maik toé manga kuasad te ala wakars, rantang kéta kali Hiat manga kuasan te calang wakar agu weki oné api neraka.

LUKAS 12:5

Aku te toi oné méu, céing hitut paka rantangy le méu. Rantang koé Hia, hitut du poli mbelé, manga kuasan te wéwéng ata nggere-wa neraka. Moro matan, Aku taé agu méu: Rantang koé Hiam!

ROMA 14:13

Landing hitu, ité néka manga kolé mbéis cama tau! Ata di’an ité cau kaut curup ho’o: Néka manga pandé pa’u ko pandé timpok ase-ka’e ca imbi!

ROMA 14:4

Céing kéta hau, wiga hau mbéis mendi data bana? Koném hesé ko pa’u hia, hitu wintuk de mori run. Agu tu’ung hia té hesé kin, ai le kuasa de Mori Keraéng te hia ngancéng hesé kin.

ROMA 2:1

Landing hitu, oé manusia, céing kéta hau, tara beté-bicar ata bana. Hau toé manga tanjéng te kambé weki rum. Ai ali beté-bicar ata, hau te beté-bicar weki rum. Ai hau hitut beté-bicar ata bana, pandé apa ata camas.

ROMA 9:20

Céing kéta néng méu, oé manusia, wiga méu ngancéng léwang Mori Keraéng? Ngancéng weli hiat dédék latay taé agu hiat dédékn, “Co’o tara nenggitu dédékg aku le hau?”

IBRANI 7:25

Landing hitu, Hia ngancéng pandé selamak ali besik kéta sanggén ata situt létang laing Hia ngo oné Mori Keraéng. Ai Hia mosé mtaung kudut ciri Létang témba disé.

JAMES 5:9

Asé-ka’én, méu néka jugut agu maja cama taus, boto wahéng le Mori Keraéng. Nuk dé, ho’o wa ranga gi Adak atat beté-bicar.