JAMES 4:1 - Bahasa Manggarai New Testament

¹ Mai nia-maid ngai-ngaok agu léwang tau oné bahi-réha méu? Toé weli mai oné-mai belek da’at de méu situt rié taud oné wekis?

JAMES 4:1 ပူးပေါင်းရင်းမြစ်များ

MATÉUS 15:19

Ai oné mai naid tekad sanggéd nuk da’at, mbelé ata, loma, mbérong, tako, wada nggopé-nggapét, agu mbécik.

YOHANÉS 8:44

Méu mai oné mai emas ata jing da’at, wiga méu nanang pandé apa ata ngoéng de emas. Hia ata mbeléd manusia pu’ung kéta du wangkan, agu hia toé mosé laing patén, ai oné hia toé mangay molor. Émé manga tombo nggopétn hia, hitu curup de run, ai hia ata nggopét, agu améd sanggéd nggopét.

ROMA 7:23

maik wekig ita wintuk bana ata ndu-ndél taud agu apa ata pecing le nuk daku ata di’an. Wiga pandé daku ného ata bui lut wintuk ndékok atat kuasa weki daku.

ROMA 7:5

Ai danong, du ité lari moséd lorong belek de weki, nanang kéta te pandé ndékok ata katéng le wintuk Taurat oné weki dité, wiga cemoln mata laing latang te ité.

ROMA 8:7

Ai nanang de manusia hitut lunggu-lepé maca Mori Keraéngy, ai ngoéng hitu toé lorong wintuk de Mori Keraéng: agu toé muing lorong liha wintuk de Mori Keraéng.

GALATIA 5:17

Ai belek de weki galu taud agu ngoéng de Nai Nggeluk, agu ngoéng de Nai Nggeluk galu taud agu belek de weki, wiga cemoln ga méu toé pandé lorong apa ata ngoéng de méu.

KOLOSÉ 3:5

Landing hitu pandé matas sangged belek de lino ata pande rowak wekis, neho: nelung, rinek, todong, motor agu ngomper ata cama agu io pina-naéng.

2 TIMOTIUS 2:23

Tadang koé oné-mai mbolot situt pandé molés, situt bodok agu toé henan. Pecingp le hau, mbolot situ pandé léwang-tau.

TITUS 3:3

Danong, ité kolé bodok moséd: kembe-lu’ak, wéléng, ciri mendi de sanggéd belek da’at, mosé nanang te pandé da’at kanang, guér, guték, lenci, agu kodo tau.

TITUS 3:9

Maik néka lut oné gangga tau situt toé manga betuad, ngong latang te turuk empo, agu léwang tau landing wintuk agama. Sanggéd taung situ te pandé rowak agu toé manga betuad.

JAMES 1:14

Maik damang hitu hena néténg ata ali ngoéng de weki run, ai hia sorok agu kating le belek da’atn.

JAMES 4:3

Aram bo ngajis méu, maik toé manga tiba apa-apas ai toé molor ngajis, ai apa ata tegi de méu kudut pandé laos belek da’ats kanang.

1 PETRUS 1:14

Mosé koém ného anak ata sundur agu néka lut belek da’at hitut kuasa weki de méu du toé di tiba Keréba Di’a.

1 PETRUS 2:11

Asé-ka’é ata momang laku! Aku toing méu, ai méu ata long agu ata mbéot oné lino ho’o. Tadang koém oné-mai belek da’at hitut toé ké’ét dungkang wakar.

2 PÉTRUS 2:18

Bo kéta lomés ba wekid, kalim po keréba disé penong joak toé manga icin. Keréba disé penong le wajak da’at kudut emi nai data siot hitu koés di teser oné-mai wéléngd.

2 PÉTRUS 3:3

Ata mésén paka pecing le méu, du leso cemol, tuas ata situt mosé lorong belek da’atd. Isé situ te loér méus.