JAMES 3:17 - Bahasa Manggarai New Testament

¹⁷ Maik nggalas éta mai, laring cain kéta nggélok taran, poli hitu ngoéng te hambor, lumu, lorong, lembak nai agu sanggéd pandé di’a, toé kambé agu pisik.

JAMES 3:17 ပူးပေါင်းရင်းမြစ်များ

MATÉUS 23:28

Nenggitu kolé néng méu, pé’ang main molors lélon le mata data, kali oné main penong kanang pisik agu le da’at.

MATÉUS 5:8

Mosé di’a kétas ata nggélok nai, ai isé te ita Mori Keraéngs.

MATÉUS 5:9

Mosé di’a kétas ata ba hambor, ai isé te caro latas anak de Mori Keraéngs.

LUKAS 21:15

Ai weki rug Aku te téing oné méu nai nggalas, wiga méu toé ngancéng koléng ko ganggas le ata balis.

LUKAS 6:36

Porong méu gawas koém, cama ného Emas hitut gawas.”

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

YOHANÉS 1:47

Mai taé di Pelipus ngong hia: “Mai agu lélo ga!” Ita le Mori Yésus hi Natanaél mai kamping Hiay agu tombo latangt hia: Lélo ga, ho’o dé cengata ata Israél tu’ung, toé manga tangké cekoén oné hia.”

TOMBO PÉTÉ GORI DE RASUL-RASUL 11:24

ai hi Barnabas cengata ata di’a, penong le Nai Nggeluk agu imbi. Wiga do kéta ata imbi Mori Keraéngs.

TOMBO PÉTÉ GORI DE RASUL-RASUL 9:36

Oné béndar Yopé manga cengata ata nungku iné-wai, ngasangn hi Tabita – oné curup Yunanin hi Dorkas. Iné-wai hitu do kéta pandé di’an, agu téi reco.

ROMA 12:18

Sanggés méu poro mosé hambor agu sanggén ata!

ROMA 12:9

Momang hitu paka wa-mai nain! Tadang koés da’at agu pandé ata di’ad.

ROMA 15:14

Asé-ka’én, ata momang laku, weki rug aku imbi tu’ung latang te méu, te méu kolé penong le di’as agu ali sanggéd nggepuk agu ngancéng te toing cama taus.

1 KORINTUS 12:8

Ai oné hiat cengata Nai Nggeluk téi widang mu’u luju agu lema emas, agu latang te ata iwod téi widang nggepuk te tombo si’ang latangt Mori Keraéng.

2 KORINTUS 10:1

Aku hi Paulus ata rantang émé cumang dungka agu méu, maik rani émé tadang. Aku kudut toing méu landing hi Kristus hitut lembak mésé agu joél kétay.

2 KORINTUS 6:6

Ami gori ali nai ngalis-tuka ngéngga agu gawas, lorong Nai Nggeluk agu momang oné-mai molor nai.

2 KORINTUS 7:11

Ai pélét di’a-di’a, apa cirn latang te méu wéong nai hitut lorong ngoéng de Mori Keraéng. Méu pandé si’angn mbolot, jogot te pandé ndékok, rantang te pandé sala; méu ciri ata kembung, semengak, agu wahéng ata sala! Oné sanggéd taung mbolot situ, poli toton le méu, te méu toé manga salas.

2 KORINTUS 9:10

Hia ata ambi wini latang te isét weri agu roti latang te hang. Hia kolé ambi wini latang te méu kudut pandé bekas agu pandé todos wua di’a de méu.

ÉFÉSUS 5:9

ai gérak hitu cir wua di’a, agil agu molor.

PILIPI 1:11

Mosé de méu penong molor le pandé de weki run hi Yésus Kristus, wiga ngancéng bong agu naring Mori Keraéng.

PILIPI 4:8

Jari, cemoln ga asé-ka’én, nuk koé taungs le méu sanggéd taung ata molord, ata mengitd, ata agild, ata nggelukd, ata di’ad te séngét agu sanggéd siot carod basa-di’a agu naun te narings.

KOLOSÉ 1:10

Ali hitu, mosé de méu naun olo mai ranga Diha agu henan oné nai Diha. Oné sanggén gori de méu, manga cir wua ata di'ad agu tambang beka pecings latang te Mori Keraéng.

TÉSALONIKA 2:7

Maik ami joél kigm oné bahi-réha méu, cama ného cengata endé aréng agu tinu anakn.

2 TIMOTÉUS 5:21

Oné ranga de Mori Keraéng agu oné ranga di Kristus Yésus lawang malékat-malékat situt pilé Diha, tu’u-tu’ung kéta pedéd laku: pinga di’as toing salang so’o, néka semet, poro agil oné pandé sanggéd cao-ca, toé manga kambé céi-céing.

2 TIMOTIUS 2:24

Cengata mendi de Morin toé ngancéng léwang-tau, maik paka joél latang te sanggén ata. Hia paka pecing te toing, lembak,

TITUS 1:15

Latangt ata nggélok nai, sanggén taung situ nggelukd, maik latang te ata rinek agu ata toé imbi, toé manga can koé ata nggelukd, ai nai-nawa ko ici nai disé rinek taungs.

TITUS 3:2

Néka manga pocu ata, léwang tau, maik nahé isé kali poro joél, agu lumu oné sanggén ata.

IBRANI 12:11

Bo tu’ung du tiba lité wahéng hitu toé manga cembes nai laing, maik cama ného pandé susa. Maik poli hitu, wahéng hitu pandé te mosé ité lorong ngoéng de Morin, agu cir wua hambor oné isét toing agu titong Liha.

IBRANI 12:14

Mping koé te mosé hambor-libur agu sanggén ata, agu tili-mboét kolé te dolong mosé nggeluk. Ai émé toé nggeluk, toé manga cengatan ata ngancéng ita Morin.

JAMES 1:17

Sanggéd téing ata di’an agu tabing ata besikd, mai éta-maid, ngong wa’u éta-mai hi Ema ata dédék sanggéd gérak éta awang. Hia dé Mori Keraéng ata toé manga caling ko campit tara mangan nendep.

JAMES 1:5

Maik émé oné be réha méu manga ata géong nggalas-nai, céwé di’an hia tegi oné Mori Keraéng. Mori Keraéng te téing nggalas hitu latang te hia, ai Hia téing nggalas-nai oné sanggéd ata ali gawas agu lembak naiN.

JAMES 2:13

Ai Mori Keraéng toé toto momang agu mohas oné ata hiot toé pecing momang, maik momang agu mohas céwé mberes oné-mai terungku.

JAMES 2:4

Ali pandé nenggitu, méu poli pandé nono momang oné nais agu wolo ata ali nuks hitut da’at.

JAMES 3:15

Hitu toé nggalas éta mai, maik nggalas de lino, ngong nggalas de belek da’at agu nggalas de jing da’at.

JAMES 4:8

Ruis-ruis koém agu Mori Keraéng kudut Hia kolé ruis méuy. Oé méu ata ndékok! Pandé nggélok koé limes. Oé méut rambang-bali nais! Pandé nggeluk koé nais.

1 PETRUS 1:22

Méu poli pandé nggeluk wekis ali lorong wintuk de Mori Keraéng, wiga méu ngancéng momang tau asé-ka’é ca imbi le nai bakok. Poro méu tu’ung-tu’ung momang tau mai wa-mai nain.

1 PETRUS 2:1

Landing hitu oké-koés sanggéd da’at, sanggéd nggapét, sanggéd pisik, jogot agu pocu.

1 PETRUS 2:18

Oé méu sanggés mendi! Junggu koém kamping moris ali hiang, toé hanang latang te isét di’a naid agu joél, maik latang te isét gutek kolé.

1 YOHANÉS 3:18

Sanggéd anak daku! Mait ga ité momang taud: toé le curup kanang, maik ali pandé.

1 YOHANÉS 3:3

Sanggéd atat bengkes te ciri cama agu hi Kristus, lami wekid te nggeluk moséd, ai hi Kristus hitu nggelukN.