JAMES 2:19 - Bahasa Manggarai New Testament

¹⁹ Imbip le hau te hanang manga ca kanang kali Mori Keraéng? Bo hitun! Maik sanggéd jing da’at kolé imbi Mori Keraéng agu jejers le rantang.

JAMES 2:19 ပူးပေါင်းရင်းမြစ်များ

MATÉUS 8:29

Isé situ ciéks taéd: “Te co’og ami Lité, oé Anak de Mori Keraéng? Cala mai Dité kudut wahéng ami bebolon cai wié leson?”

MARKUS 1:24

“Co’o kéta betuan tara mai cé’é amim hau Yésus ata Nasarét? Asa kudut mai pandé kosé ami Hau? Pecing laku, céi Hau hitu: Ata Nggeluk oné mai Mori Keraéng.”

MARKUS 12:29

Mai walé de Mori Yésus: “Perénta ata mésén ho’oy: Séngét di’a-di’a, oé ata Israél, Mori Keraéng dité, cay kali.

MARKUS 5:7

agu reweng mésén hia kepokn: “Kudut co’og aku Lité Mori Yésus, anak de Mori Keraéng? Moro matan Mori, néka wahéng aku!”

MARKUS 7:9

Mai kolé curup de Mori Yésus agu isé: “Cedek tu’ung méu te doét Adak de Mori Keraéng, kudut méu ngancéng kémbéng adak de rus.

LUKAS 4:34

“Oé Hau Yésus ata Nasarét, apa sékékm Hau agu pandé dami? Ité mai te pandé calang amit? Pecing laku Tité: Ata Nggeluk oné mai Mori Keraéng.”

YOHANÉS 17:3

Ho’oy mosé tédéng lén hitu, ngong isé pecing Ité, Mori hitut ca kanang kali ata tu’ungn, agu pecing hi Yésus Kristus ata wuat tu’ung Litéy.

TOMBO PÉTÉ GORI DE RASUL-RASUL 16:17

Hia lut hi Paulus agu ami be musi main, agu ciékn: “Ata so’o mendi de Mori Keraéng ata Langkas kéta. Isé keréba salang selamak latang te méu.”

TOMBO PÉTÉ GORI DE RASUL-RASUL 19:15

Maik jing da’at hitu walé kolé: “Hi Yésus hitu pecing laku, agu hi Paulus baé laku, maik méu ga, céing méu?”

TOMBO PÉTÉ GORI DE RASUL-RASUL 24:25

Maik du hi Paulus tombo latang te molor, kuasa weki rud, agu beté-bicar tai, rantang da’at hi Féliks agu mai taén: “Émo ga, agu ngoh ga, manga kaut leson cepisa, aku te bénta kolé hau.”

ROMA 3:30

Émé tu’ung ca-y kali Mori Keraéng hitu, Hia te tiba sanggéd taung ata imbi, ata sunat ko ata toé sunat.

1 KORINTUS 8:4

Ngong hang nuru situt takung oné io pina-naéng, pecing lité: “Toé manga io pina-naéng oné lino ho’o agu toé manga Mori Keraéng bana, ai hanang ca kanangy kali Mori Keraéng.”

1 KORINTUS 8:6

Maik latang te ité hanang manga ca kanangy kali Mori Keraéng, Hi Ema, ata dédékd sanggéd cao-ca. Latang te Hiat ité moséd. Agu ca kanang kali Morin ngong hi Yésus Kristus, ata lut Hia sanggéd cao-ca poli dédék agu landing le Hia, ité moséd.

GALATIA 3:20

Cengata ata létang témba toé hanang ba ngasang de cengata kaut; maik Mori Keraéng ca-y kali, wiga toé sékékn te létang oné cengata ata.

2 TIMOTÉUS 2:5

Ai Mori Keraéng hitu cay kali agu cay kali létang témba kamping Mori Keraéng agu manusia, ngong hi Kristus Yésus.

JAMES 2:8

Molorn pandé de méu, émé totos le méu wintuk Adak hitut tulis oné Kitab Nggeluk: “Momang ga cama manusia, ného momang weki ru.”

YUDAS 1:4

Ai toé pété ceha kolé te manga ata hunus kaut ngo oné bahi-réha méu, ngong isé siot poli wérét danong te tiba wahéngs. Isé situ dé ata lopé-lapét, pandé toé belar widang de Mori Keraéng, kudut redok belek da’at disé, agu capu kéta lisé te cay kali Ata Pu’un kuasa, ngong hi Yésus Kristus Mori dité.

YUDAS 1:6

Nggitu kolé sanggéd malékat siot toé junggu oné watas kuasad, og kali legong osang baté ka’éngd. Mori Keraéng oké isé oné osang nendep agu langki isé dengkir leso beté-bicar.

WIDANG SI’ANG ONÉ HI YOHANÉS 20:10

Jing da’at hitut pandé wéléng isé, péncar nggere-oné api agu mburé hitut dila haok. Oné osang hituy dé poli okéd kaka agu nabi tangké hitu. Nitus isé tiba wahéng wié-lesod tédéng lén.