JAMES 2:14 - Bahasa Manggarai New Testament

¹⁴ Asé-ka’én! Apa betuan taé nenggo’o data: “Aku manga imbig”, maik hia toé toto oné pandén? Ngancéng weli imbi nenggitu pandé selamak hia laingy?

JAMES 2:14 ပူးပေါင်းရင်းမြစ်များ

MATÉUS 5:20

Itup taé Daku agu méu: émé toé pandés le méu apa ata ngoéng de Morin céwé oné mai isét pecing Taurat agu sanggéd ata Parisi, moron tu’ung, méu toé ngancéng ocok nggeroné Surga.

LUKAS 3:11

Mai walén: “Céing ata manga suad bajun, porong pati liha agu hiat toé mangan; agu céing ata manga ni’ang, hia paka pati kolé nenggituy.”

LUKAS 6:49

Landing céing ata pinga curup Daku, maik toé pandés liha, hia cama ného ata hiot hesé mbaru lobo tana toé lagang. Wiga du cain mbang, mbaru hitu gélang rencon, léng kéta bailn da’at rencon.”

TOMBO PÉTÉ GORI DE RASUL-RASUL 15:9

agu Hia toé manga pandé woléng-woléng ité agu isé, du poli pandé nggélok nai disé ali imbi.

TOMBO PÉTÉ GORI DE RASUL-RASUL 8:13

Hi Simon kolé imbiy, agu du poli cebong le waé serani, hia cama-cama molé taung agu hi Pelipus agu lenget kolé hia, du itad liha gantang agu tanda lenget situt mésé.

TOMBO PÉTÉ GORI DE RASUL-RASUL 8:21

Toé manga hakm hau oné bicar ho’o, ai naim toé helek oné ranga de Mori Keraéng.

ROMA 2:25

Bo tu’ung sunat manga betuan, émé hau lorong wintuk Taurat, maik émé lagé le hau wintuk Taurat, sunat hitu de hau oké-bon.

1 KORINTUS 15:2

Ai Keréba Di’a hitu te pandé selamak méu, cama ného hitut poli wéron laku oné méu, tama méu mberes kis caun keréba di’a hitu, aikn émé méu pandé kéba ka’ék kaut imbis.

1 KORINTUS 16:22

Céing ata toé momang Mori Keraéng, nahé niury. Maranatha!

GALATIA 5:13

Asé ka’én, bo tu’ung méu poli pilés kudut céla. Maik néka papé le méu céla hitu latang te pandé ndékok, maik nahé méu momang agu keturu cama taus.

GALATIA 5:6

Ai latang te sanggéd ata situt nai ca anggit agu hi Kristus Yésus, sunat ko toé sunat toé manga betuan. Ata mésén kali, hanang imbi oné hi Kristus hitut si’ang le pandé momang haé ata.

TÉSALONIKA 1:3

Ai ami nuk mtaung gori de imbi, rébok de momang agu mésén bengkes de méu oné Mori dité Yésus Kristus olo-mai ranga de Mori Keraéng agu Ema dité.

2 TIMOTÉUS 1:5

Salangn toing hitu weli ga, kudut isé tu’ung-tu’ung ngancéng momang cama tau mai wa mai nain agu ici nai ata molor agu tu’ung-tu’ung imbi hi Kristus.

2 TIMOTÉUS 4:8

Nungku te rai weki manga dopon ai cekoéy kali lahén, maik nungku te racang rak-rai ati do kéta betuan, ai mésé lahén latang mosé te ho’on agu latang te mosé tai.

TITUS 1:16

Bo tombod pecing Mori Keraéngs, maik oné-mai pandéd, pali Mori Keraéngs. Isé gutekd, toé lorong agu toé kopd te pandé cao-ca ata di’an.

TITUS 3:8

Curup daku ho’o molord taung, agu ngoéng daku kudut hau paka mberes kéta téing si’ang, wiga isét poli imbi oné Mori Keraéng, tu’ung-tu’ung kéta seber te pandé gori situt di’ad. Hituy ata di’an agu manga betuan latangt manusia.

IBRANI 11:17

Le imbin, hi Abraham takung anak lécan hi Ishak du ci le Mori Keraéng, koném po hia poli tiba reké

IBRANI 13:9

Néka lut le méu sanggéd toing situt melet, ata pandé wéléng méu. Ai ata di’an, nai de méu ndeng hanang le tabing de Mori Keraéng, toé le sanggéd wintuk latang te hang ata toé manga betuan oné isé situt lorongn.

JAMES 1:16

Asé-ka’én ata momang laku, néka wéléngm!

JAMES 2:16

apa cirn taé de méu oné hia, “Lako di’a-di’a, papé baju mutm agu hang ga dengkir becurm!”, maik méu toé téing apa ata sékékn latang te hia?

JAMES 2:18

Maik aram manga ata taé nenggo’o, “oné méu manga imbi agu oné aku manga pandé”, aku te walé hia hitu, “toto damang oné aku imbim hitut toé loréng agu pandé, kudut aku toto oné hau imbi daku oné-mai sanggéd pandég.”

JAMES 2:26

Ai cama ného weki: matay émé toé manga nai, nenggitu kolé imbi: oké bon émé toé loréng agu pandé.

2 PÉTRUS 1:5

Landing hitu, méu paka tu’ung-tu’ung kéta gejur te jemut imbis le bese-di’a agu tambang bese-di’a hitu le pecing Mori Keraéng.