JAMES 1:18 - Bahasa Manggarai New Testament

¹⁸ Ali ngoéng Run, Mori Keraéng poli dédék ité ali rewengN ata molor, kudut ité ciri anak ngaso oné-mai sanggéd ata poli dédék.

JAMES 1:18 ပူးပေါင်းရင်းမြစ်များ

YOHANÉS 1:13

ata situt dading toé oné mai dara ko oné mai humer de nai, toé kolé landing le ngoéng de cengata ata rona, maik oné mai Mori Keraéngn.

ROMA 4:17

cama ného manga ata poli tulis: “Hau poli petokn Laku ciri ema de uku do” – oné ranga de Mori Keraéng, hitut imbi li Abraham. Mori Keraéng hitut pandé mosé kolé ata mata agu le curup’N kaut apa ata toé manga, cirik manga.

1 KORINTUS 4:15

Ai koném capa kauts dod guru ata toing méu te lorong hi Kristus, toé dod ema de méu. Aku dé ema de méu ata lorong Kristus Yésus, ai aku ata wéro Keréba Di’a hitu oné méu.

2 KORINTUS 6:7

Ami ba keréba molor agu kuasa de Mori Keraéng, ali papé harat de agil latang te rani ko te kambé.

ÉFÉSUS 1:12

Wiga ité ata laring cain kéta bengkes oné hi Kristus, naring Mori Keraéng landing mengit Diha.

ÉFÉSUS 1:13

Méu kolé ciri ro’éng Diham, ai méu poli dengé reweng molorN, ngong Keréba Di’a ata pandé selamak méu. Méu imbi oné Mori Yésus, landing hitu Mori Keraéng palas tarad le Nai Nggeluk hitut poli rekéN.

2 TIMOTIUS 2:15

Gejur koéh kudut hau henan oné ranga de Mori Keraéng, cama ného cengata ata pala ata toé cau ritak, te si’ang kéta wéron curup molor hitu.

IBRANI 12:23

Méu lut ca impung ata ramé kéta, ngong nekek weki de sanggéd anak ngaso de Mori Keraéng ata manga ngasangd éta Surga. Méu mai kamping Mori Keraéng hitut beté-bicar sanggén ata. Méu mai kamping sanggéd ata nggeluk situt poli pandé besikd.

JAMES 1:15

Émé lut liha belek da’at hitu, belek hitu cir ndékoky; agu émé ndékok hitu té’é gi, ndékok hitu te cir ampusy.

JAMES 1:21

Landing hitu, oké koés sanggéd cao-ca situt sakid, da’at situt do baild agu tiba ga ali ngéngga-nai curup situt weri oné nai de méu, ata manga kuasan latang te pandé selamak wakar.

JAMES 3:14

Émé méu manga beti-nai agu haé ata, ko céwé nuk weki ru, néka mésé-nai landing le nggalas hitu, ai le hitu méu nggopét te dungkang molor.

1 PETRUS 1:23

Ai lut reweng de Mori Keraéng hitut mosé tédéng lén, méu ciri manusia werum ata toé loas le manusia hitut mosé dokongy, maik le Hia hitut mosé tédéng lén.

1 PETRUS 1:3

Naring ga Mori Keraéng, ngong Ema de Mori dité hi Yésus Kristus. Ali nabit mésé, Hia poli widang ité mosé weru lut to’o kolé di Yésus Kristus oné-mai ata mata. Mosé dité penong le bengkes,

1 YOHANÉS 3:9

Néténg ata siot loas oné-mai Mori Keraéngd, hia toé ruda olo pandé ndékok, ai gauk de Mori Keraéng manga oné hiay. Hia toé tédéng pandé ndékok, ai hia loas oné-mai Mori Keraéngn.

WIDANG SI’ANG ONÉ HI YOHANÉS 14:4

Isé situ, ngong ata siot nggélok kid moséd, ného ata reba ata toe di neki agu iné-wai. Isé lut nggere-nia kaut wan lakon Anak Jimbal hitu. Oné-mai sanggéd manusia, isé situ ata poli sambéd ného takung laring cain latang te Mori Keraéng agu latang te Anak Jimbal.