JAMES 1:16 - Bahasa Manggarai New Testament

¹⁶ Asé-ka’én ata momang laku, néka wéléngm!

JAMES 1:16 ပူးပေါင်းရင်းမြစ်များ

MATÉUS 22:29

Walé de Mori Yésus agu isé: “Méu wéléngm, ai méu toé pecing Surak Nggelukm, nenggitu kolé kuasa de Mori Keraéng!

MARKUS 12:24

Mai walé de Mori Yésus agu isé: “Ata cibul méu, ai toé pecing le méu Surak Nggeluk agu kuasa de Mori Keraéng.

MARKUS 12:27

Hia toé Mori Keraéng data mata, maik Mori Keraéng data mosé. Méu ho’o tu’u-tu’ung ata wéléngm!”

TOMBO PÉTÉ GORI DE RASUL-RASUL 1:15

Manga ca leso hi Pétrus hesé oné bahi-réha asé-ka’én situt ca imbis, lari liup neki cad, aram ceratus suampulu atas dod, mai taén:

1 KORINTUS 6:9

Toé baé le méu ko, te ata situt toé agil, toé manga osangd oné adak de Mori Keraéng? Néka wéléng! Loma ata, io pina-naéng, ngoéng ata, ata rona ngoéng taud cama ata ronad,

GALATIA 6:7

Néka wéléng! Mori Keraéng toé ngancéng te gegay ného anak koé. Ai apa ata weri data, hitu kolé ata kudut ako diha.

PILIPI 2:12

Asé-ka’én, ata momang laku! Ného danong méu lorong mtaungm aku, landing hitu kong jepek kin selamak de méu ali jejer agu rantang Mori Keraéng, toé hanang ného du manga kig aku, maik céwén kéta ho’o ga du aku toé manga agu méuk.

PILIPI 4:1

Landing hitu asé-ka’én, ata momang laku, nahé mosé de méu tu’ung-tu’ung imbi oné Morin. Aku kembung kéta méuk. Méu dé pandé bombong rak daku, wiga cembes nai daku!

KOLOSÉ 2:4

Tombo ho’o laku, boto manga ata adong méu ali curup ata minakd.

KOLOSÉ 2:8

Jengkek di’a-di’am, boto manga ata pandé wa-nai de méu ali go'ét mésé data hitut pandé adong. Go'ét mésé situ toé lorong hi Kristus, maik lorong toing de manusiay agu déwa-du'ang de lino ho'oy.

2 TIMOTIUS 2:18

Isé poli wéléngd oné-mai molor ali toing te ité poli to’o koléd ga, agu ali hitu pandé rowak imbi data iwon.

IBRANI 13:1

Bengkes daku, nahé méu momang-tau kis ného asé-ka’é ca imbi!

JAMES 1:19

Asé-ka’én ata momang laku, nuk di’a-di’a curup ho’o: gélang koé te séngét, maik héjol koé te tombo agu ta’ong te rabo.

JAMES 1:2

Asé-ka’é daku, émé méu pa’u oné do tarad damang, rékéng le méu ného mosé di’a.

JAMES 2:1

Asé-ka’é daku, ai ité ho’o ata imbi oné hi Yésus Kristus Mori dité hitut mengit, oné toto imbis néka nono momang ata.

JAMES 2:14

Asé-ka’én! Apa betuan taé nenggo’o data: “Aku manga imbig”, maik hia toé toto oné pandén? Ngancéng weli imbi nenggitu pandé selamak hia laingy?

JAMES 2:5

Séngét koém, asé-ka’é ata momang laku! Mori Keraéng pilé ata siot rékéng lénggé le lino ho’o kudut ciri bora oné imbi. Isé kolé ciri ata tiba mbaté de Adak Surga ata poli rekén Liha latang sanggéd ata siot momang Hia.

JAMES 3:1

Asé-ka’é ata momang daku, néka do bail oné-mai méu ngoéng ciri guru. Pecingp le méu, ali ciri guru, ité te bicart céwé mésé oné-mai ata bana.

JAMES 3:10

Oné-mai mu’u hitu kin, tuad berkak agu mawang. Asé-ka’é daku, néka manga pandé nenggitu.

JAMES 4:11

Asé-ka’é daku, néka manga pocu taus méu! Céing ata pocu agu maja asé-ka’é ca imbin, hia mbéis agu maja wintuk de Mori Keraéng. Émé hau maja wintuk de Mori Keraéng, hau dé ga toé ata pandé lorong wintuk de Mori Keraéng, maik ciri adak ata beté-bicar.

JAMES 5:12

Asé-ka’én, ata mésén kéta: néka wada landing Surga, landing lino, ko landing le apa kaut. Émé éng, taé kaut éng, émé toé, taé kaut toé, kudut méu toé wahéng le Morin.

JAMES 5:19

Asé-ka’é ata momang laku, émé manga ata wéléng oné-mai salang de Mori agu manga cengata ata pandé holés koléy hia,