IBRANI 9:9 - Bahasa Manggarai New Testament

⁹ Hituy curup rapang latang te cekeng ho’o. Betuan, ngong sanggéd takung hélang agu takung latang te Mori Keraéng toé ngancéng pandé besikn ici nai data ba takung hitu.

IBRANI 9:9 ပူးပေါင်းရင်းမြစ်များ

ROMA 5:14

Am po nggitu, mata poli kuasan oné mai uwa di Adam dengkir cai oné uwa di Musa. Ngot mata hitu hena kolé oné isét toé manga pandé ndékokd, cama ného ndékok hitut poli pandé di Adam. Hi Adam hitu ného gambar Diha hitut kudut mai.

GALATIA 3:21

Émé nggitu gi, woléng taud weli wintuk Taurat agu reké de Mori Keraéng ko? Toé kéta manga nenggitun. Ai émé wintuk Taurat hitu téing le Mori Keraéng kudut ngancéng te mosé manusia, ngong manusia patun one Mori Keraéng ali wintuk Taurat hitu.

IBRANI 10:11

Néténg imam Yahudi gori keturu lété leso agu pandé mtaung hélang ata camas. Sanggen taung situ, toé ngancéng koso ndékok laings.

IBRANI 11:19

Ai imbi li Abraham, te Mori Keraéng manga kuasan pandé mosé kolé hi Ishak, koném po poli matan. Noing li Abraham néhot poli tiba kolén hi Ishak oné-mai matan.

IBRANI 5:1

Néténg Imam Mésé ata le pilé oné-mai bahi-réha manusia, wéréty latang te manusia oné woé-joé disé agu Mori Keraéng, kudut hia ba takung agu hélang landing ndékok.

IBRANI 7:11

Ali imamat di Léwi wa’u Israél poli tiba Adak Tauratd. Émé imamat di Lewi hitu poli besikn, co’o tara ngai sékék kin wérét cengata ata bana ciri imam mésé ného hi Mélkisédék ata toé oné-mai wa’u di Harun?

IBRANI 8:4

Émé Hia manga oné lino ho’oy, Hia toé kéta manga kudut ciri Imam, ai cé’é ho’o poli mangan ata ba takung lorong Adak Taurat.

IBRANI 9:24

Ai hi Kristus toé ngo oné Lo’ang Nggeluk ata pandé le limé de manusia ata toming kaut oné-mai Lo’ang Nggeluk ata tu’ungn. Maik Hia ngo nggere-oné Surga kudut cumang Mori Keraéng landing sékék dité.

1 PETRUS 3:21

Nenggitu kolé rapangn méu te ho’on, tiba selamakm ali cebong le waé serani. Waé serani hitu, toé kudut pandé nggélok saki de weki, maik kudut tegi nai bakok oné-mai Mori Keraéng, ai Mori Yésus Kristus poli mosé koléN oné-mai mata.