IBRANI 9:26 - Bahasa Manggarai New Testament

²⁶ Ai émé nggitu, Hia paka donta ta’ong susaN pu’ung dédékn lino ho’o. Maik te ho’on ga, du cekeng turung cemol ho’o, Hia si’ang wekiN cangkalin kaut latang te ampong ndékok ali takung Weki Run.

IBRANI 9:26 ပူးပေါင်းရင်းမြစ်များ

MATÉUS 13:39

Ata bali hitut wécak wini ri’i, ngong jing da’at. Cekeng ako, ngong du cemoln lino agu sanggéd ata ako, ngong malékat.

MATÉUS 13:40

Jari, ného ongko ri’i situ agu longgo oné apid, nenggitu kolé du cemoln lino.

MATÉUS 25:34

Agu mai curup de raja hitu agu isét oné racap wanang: Mai méu, oé ata berkak le Ema Daku, tiba ga osang ata poli ambin te méu; pu’ung mangan lino ho’o!”

YOHANÉS 1:29

Ného diangn ga hi Yohanés ita main Mori Yésus mai nggere- cé’é hiay, agu mai taén: “Lélo ga Anak Jimbal de Mori Keraéng, ata koso ndékok de lino.

YOHANÉS 17:24

Yo Ema, ngoéng Daku, poro nia kaut mangag Aku, isé kolé manga cama laing agu Akus, isé situt poli téing Lité agu Aku, kudut isé lélo néra Dakus, hitut poli téing Lité agu Aku, ai Ité momang tu’ung Aku, du toéd mangan lino ho’o.

1 KORINTUS 10:11

Sanggéd taung wahéng situ poli hena oné isé, te toming latang te ité agu sanggéd situ poli tulisd kudut langga latangt itét mosé du cekeng hitut ruis te cemoly.

GALATIA 4:1

Betuan daku, nenggo’oy: Émé toé di bisay cengata ata cau mbaté, hia hitu toé manga woléng agu cengata mendi, koném po hias morid oné-mai sanggéd cao-ca.

ÉFÉSUS 1:10

Ho’oy nanéngN hitu: sanggéd caoca, éta Surga ko oné lino, nai ca anggit agu hi Yésus Kristus tu’ad sanggéd caoca.

ÉFÉSUS 5:2

Meu momang tau, ného hi Kristus Yésus poli momang méun. Hia poli condo wekiN latang te ité, cama ného takung hélang ata bengén wiga cembes nain Mori Keraéng.

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

IBRANI 1:2

Maik du turung cemoln ho’o, Hia curup agu ité lut AnakN, ata poli letin Liha ciri ata mbaté sanggéd cao-ca. Lut Hia Mori Keraéng poli dédék tanan-wa agu awangn éta.

IBRANI 10:10

Ai ali ngoéng di Kristus, ité poli pandé nggeluk cangkalin latang te tédéng lén, le takung weki de Run.

IBRANI 10:12

Maik du poli takung cangkalin kaut hélang léca, hituy kali ata ngancéng koso ndékok laing, hi Kristus lonto baling racap wanang de Mori Keraéng tédéng lén.

IBRANI 10:26

Ai émé ité kunjung kéta pandé ndékok, kalim po ité poli pecing do keréba molor, ngong toé kéta manga kolé hélang te ngancéng koso ndékok situ.

IBRANI 10:4

Ai toé le dara de japi laki ko dara de mbé laki ngancéng koso ndékok laings.

IBRANI 4:3

Landing itét manga imbid, te ngo oné osang asi, ného manga taé Diha: “Wadak Aku oné rabo: Isé toé ngo oné osang asi Dakus.” Mori Keraéng taé nenggitu, koném po polis gori Diha du pu’ung dédékn lino.

IBRANI 7:27

Hia toé ného imam-imam mésé banay, siot lété leso paka ba takung hélang latang te koso ndékok de weki rud, agu poli hitu itu po latang te koso ndékok de ro’éng. Ai gori hitu poli pandén Liha cangkalin latang te tédéng lén, du Hia takung weki Run.

IBRANI 9:12

Hia poli ngo oné Lo’ang Nggeluk Kéta cangkalin kaut latang te tédéng lén. Du hitu Hia toé ba dara de mbé laki ko dara de anak japi, maik ali ba dara de weki Run. Ali hitu, Hia céla ité tédéng lén.

IBRANI 9:14

Céwén kolé dara di Kristus! Lut Nai Nggeluk hitut tédéng lén, hi Kristus poli takung weki run oné Mori Keraéng, ného takung ata toé manga celan. Dara Diha te pandé nggeluk ici nai dité oné-mai sanggéd pandé ata toé manga betuad, kudut ité ngancéng ngaji oné Mori Keraéng hitut mosé.

1 PETRUS 1:20

Hi Kristus hitu, poli pilén le Mori Keraéng du toéd dédék lino. Du tiong leso cemol de lino, Hia mai koley kudut méu tiba selamak.

1 PETRUS 2:24

Weki Run Mori Yésus poli pola panggol landing ndékok dité, kudut ité toé ngoéng te pandé ndékok kolé, maik mosé latang te pandé molor. Ali sanggéd réu Diha méu poli inas ga.

1 PETRUS 3:18

Ai hi Kristus kolé, poli mata hanang cengkalin kanang latang te sanggéd ndékok dité. Hia ata molor, mataY latang te itet toé molor, kudut dadé ité nggere-oné Mori Keraéng. WekiN hi Kristus poli mbelén lata, maik nai-nawaN poli pandé to’o kolén le Mori Keraéng.

1 PETRUS 4:7

Sanggéd cao-ca ruis te cemols ga. Landing hitu madis agu jerék koé ba wekis, kudut ngancéng ngajim.

1 YOHANÉS 3:5

Pecing le méu, te Hia mai kudut ampong sanggéd ndékok. Oné Hia toé kéta manga ndékok.

1 YOHANÉS 3:8

Céing ata pandé ndékok kin, ata hitu mai oné-mai jing da’atn, ai pu’ung du wangkan muing jing da’at ruda olo kétay pandé ndékokn. Latang te hitu dé tara cain Anak de Mori Keraéng, kudut pandé ampus taungs sanggéd gori de jing da’at.

WIDANG SI’ANG ONÉ HI YOHANÉS 13:8

Sanggén taung ata ka’éng oné temu tana lino te io hias, ngong isé siot du pu’ung dédékn tana lino toé manga ngasangd oné Buku Data Mosé de Anak Jimbal, hitut poli mbelén.

WIDANG SI’ANG ONÉ HI YOHANÉS 17:8

Kaka hitut ita le hau, mosé dé’ity danong, maik te ho’on toég mangay. Tiong te tua koléy oné-mai ngampang mata, agu te ampusy. Sanggén ata oné lino, ata toé manga ngasangd oné Buku Data Mosé du pu’ung dédékn tana lino, ciri lengets émé ita kaka hitu, ai danong mosé dé’ity, maik te ho’on toég mangay, landing te tua koléy.