IBRANI 9:23 - Bahasa Manggarai New Testament

²³ Jari, sanggéd caoca ata toming caoca éta Surga paka pandé nggeluk nenggitus. Maik sanggéd ceca Surga paka pandé nggeluks ali sanggéd takung ata céwé di’a oné-mai sanggéd situ.

IBRANI 9:23 ပူးပေါင်းရင်းမြစ်များ

LUKAS 24:26

Toé weli hi Mesias paka cukung susa taung situ, kudut ngo nggere-oné dirapn?”

LUKAS 24:46

Mai taéN ngong isé: “Manga tulis nenggo’o: Hi Mesias paka matay agu to’o kolé oné mai ata matan, oné leso te telun;

YOHANÉS 14:3

Agu émé poli ngo nitug Aku agu poli ambi osang latang te méu, Aku mai kolék, agu dadé méu oné osang Daku, kudut oné osang nia mangag Aku, méu kolé manga nitum.

TOMBO PÉTÉ GORI DE RASUL-RASUL 23:15

Landing hitu ho’o ga, poro méu cama-cama agu Adak Agama taé agu kepala tentera kudut hia pandé cumang kolé hi Paulus agu méu, néhot kudut mbajik kéta lélo bicar diha. Lari nggitun ami poli mengkek kudut mbelé hia du hia toéd cai oné méuy.”

KOLOSÉ 2:17

Sanggéd taung so’o hanang nénu dé apa situt paka mai, maik tomingn hi Kristus.

IBRANI 10:1

Oné Adak Taurat hanang nénu kanang oné-mai sanggéd ata di’ad situt kudut mais, toé ba tara tu’ung. Adak Taurat toé ngancéng pandé besik laing isét mai ngaji, koném po hélang situt camas takung mtaungs lété ntaung.

IBRANI 10:4

Ai toé le dara de japi laki ko dara de mbé laki ngancéng koso ndékok laings.

IBRANI 8:5

Isé gori keturu oné ndéi ata ciri kuri agu nénu oné-mai apa ata manga oné Surga. Latang te hitu, poli tombon le Mori Keraéng agu hi Musa, du hia kudut pandé ndéi: “Idep di’a, hau paka pandé taung situ lorong toming Daku oné hau éta poco hitu.”

IBRANI 9:14

Céwén kolé dara di Kristus! Lut Nai Nggeluk hitut tédéng lén, hi Kristus poli takung weki run oné Mori Keraéng, ného takung ata toé manga celan. Dara Diha te pandé nggeluk ici nai dité oné-mai sanggéd pandé ata toé manga betuad, kudut ité ngancéng ngaji oné Mori Keraéng hitut mosé.

IBRANI 9:24

Ai hi Kristus toé ngo oné Lo’ang Nggeluk ata pandé le limé de manusia ata toming kaut oné-mai Lo’ang Nggeluk ata tu’ungn. Maik Hia ngo nggere-oné Surga kudut cumang Mori Keraéng landing sékék dité.

WIDANG SI’ANG ONÉ HI YOHANÉS 5:9

Étan lisé ca déré weru: “Ité patun te tiba surak hitu agu nggé’i sanggéd rokun; ai Ité poli mbeléd. Ali dara Dité, poli weli sanggéd manusia oné-mai néténg-néténg panga, curup, wa’u agu ro’éng do latang te Mori Keraéng.