IBRANI 9:12 - Bahasa Manggarai New Testament

¹² Hia poli ngo oné Lo’ang Nggeluk Kéta cangkalin kaut latang te tédéng lén. Du hitu Hia toé ba dara de mbé laki ko dara de anak japi, maik ali ba dara de weki Run. Ali hitu, Hia céla ité tédéng lén.

IBRANI 9:12 ပူးပေါင်းရင်းမြစ်များ

MARKUS 3:29

Maik émé manga cengata ata mbéis Nai Nggeluk, hia toé manga ampongn tédéng lén ai ndékok hitu cameng dengkir tain.”

LUKAS 1:68

“Naring kétay Morin, Mori Keraéng de Israél, ai Hia la’at ro’éngn agu ba géal latangt isé,

TOMBO PÉTÉ GORI DE RASUL-RASUL 20:28

Lami di’a-di’a weki rus, agu lami kolé sanggén taung weki, ai méu ata poli wérét le Nai Nggeluk ciri ata lami kudut titong ro’éng de Mori Keraéng ata dumpu Liha ali dara Run Hia.

ÉFÉSUS 1:7

Ai landing le mata di Kristus, ité célad le Mori Keraéng, ngong Hia poli ampongd sanggéd ndékok dité.

KOLOSÉ 1:14

Le AnakN hitu pandé céla ite; betuan, ngong sangged ndékok dité poli taungs ampongd .

TÉSALONIKA 1:10

Tombo kolé lisé, co’o méu bengkes te cai Anak de Mori Keraéng éta-mai Surga, ngong Mori Yésus hitut poli pandé to’o kolén le Moti Keraéng oné-mai mata. Mori Yésus hitu dé ata pandé selamak ité tai oné-mai rabo de Mori Keraéng.

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

IBRANI 1:3

Hiay néra mengit de Mori Keraéng agu ba tara de Mori Keraéng ata tu’ungn agu tukeng sanggéd so’ot mangad ali curup Diha hitut penong kuasa. Du poli pandé nggélokd ndékok de manusia, Hia lonto oné racap wanang de Mori Mésé, éta osang langkas.

IBRANI 10:19

Jari, asé-ka’én, ali dara de Mori Yésus itét ho’on ga cukung te ngo oné Lo’ang Nggeluk Kéta.

IBRANI 10:4

Ai toé le dara de japi laki ko dara de mbé laki ngancéng koso ndékok laings.

IBRANI 13:12

Itu dé tara Mori Yésus kolé, mata be pé’ang-mai lewang bendar kudut pandé nggeluk ro’éng Diha ali dara de weki Run.

IBRANI 5:9

Ali hitu, Hia ciri ata sambé ata besik, agu ciri pu’un selamak tédéng lén latang te sanggéd atat junggu oné Hia.

IBRANI 7:27

Hia toé ného imam-imam mésé banay, siot lété leso paka ba takung hélang latang te koso ndékok de weki rud, agu poli hitu itu po latang te koso ndékok de ro’éng. Ai gori hitu poli pandén Liha cangkalin latang te tédéng lén, du Hia takung weki Run.

IBRANI 9:13

Dara de mbé laki ko dara de japi laki agu wecar rawuk de japi ata poli tapa ngkewang, ngancéng pandé nggeluk isét rinek, wiga isé nggéloks wekid.

IBRANI 9:14

Céwén kolé dara di Kristus! Lut Nai Nggeluk hitut tédéng lén, hi Kristus poli takung weki run oné Mori Keraéng, ného takung ata toé manga celan. Dara Diha te pandé nggeluk ici nai dité oné-mai sanggéd pandé ata toé manga betuad, kudut ité ngancéng ngaji oné Mori Keraéng hitut mosé.

IBRANI 9:15

Hitup tara hi Kristus ciri Létang-témba oné-mai reké weru, kudut isé siot poli piléd ngancéng tiba mbaté tédéng lén hitut poli reké de Mori Keraéng. Ai manga ata matad, ngong hi Kristus, latang te sambé sanggéd lagé situt poli pandéd du reké hitut laring cain papé kin.

IBRANI 9:19

Laring cain hi Musa tombo sanggéd taung perénta lorong Adak Taurat oné sanggén ro’éng. Itu kali emin liha dara anak japi agu dara mbé laki halok le waé poli hitu wecar Surak Nggeluk hitu agu sanggéd ro’éng le wulu ndéréng agu hisop.

IBRANI 9:28

Nenggitu kolé hi Kristus hanang cangkalin kaut takung Weki Run latang te koso ndékok data do. Poli hitu Hia si’ang Weki Run te suangkalin toé latang te koso ndékok, maik te tabing selamak oné isét géréng Hia.

IBRANI 9:7

Maik hanang Imam Mésé kali ata ngo nggere-oné ndéi hitut te suan. Hia cangkalin kali ca ntaung ngo nitu, ba dara latangt Mori Keraéng te koso ndékok de weki run agu koso sanggéd lagé ata toé le kunjung de ro’éng do.

WIDANG SI’ANG ONÉ HI YOHANÉS 1:5

Tabé kolé oné-mai hi Yésus Kristus, Saka-si hitut junggu, atat laring cain to’o oné-mai ata mata agu hitut manga kuasan latang te sanggéd raja oné lino ho’o. Hi Kristus poli momang ité agu poli céla ité oné-mai ndékokd ali daraN.

WIDANG SI’ANG ONÉ HI YOHANÉS 5:9

Étan lisé ca déré weru: “Ité patun te tiba surak hitu agu nggé’i sanggéd rokun; ai Ité poli mbeléd. Ali dara Dité, poli weli sanggéd manusia oné-mai néténg-néténg panga, curup, wa’u agu ro’éng do latang te Mori Keraéng.