IBRANI 9:11 - Bahasa Manggarai New Testament

¹¹ Hi Kristus poli main ného Imam Mésé latang te sanggéd apa ata di’ad du leso tai: Hia poli ngo boné ndéi situt céwé mésé agu céwé besik ata toé pandé le limé de manusia, ngong toé oné-mai lino ho’ot poli dédék.

IBRANI 9:11 ပူးပေါင်းရင်းမြစ်များ

MATÉUS 11:3

itu tara jera ata nungkun, te réi Hia: “Ité hitut mai, ko ami paka géréng ata banakm?”

MATÉUS 2:6

Ngong hau Bétléhém, tana Yéhuda, toé kéta hau dé ata dai koén oné mai baling isé ata perénta Yéhuda, ai oné mai hau dé tuan cengata ata kudut caun landuk, te wintuk ro’éng Daku Israél.”

MARKUS 14:58

“Ami poli dengé curup data ho’o: Aku kudut pandé renco Mbaru Nggeluk ho’ot pandé de manusia agu oné telu leso kaut wa, kudut hesé Mbaru Nggeluk bana, ata toé pandé le limé de manusia.”

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

YOHANÉS 4:25

Mai walé de inéwai hitu kamping hia: “Pecing laku, hi Mésias kudut maiy, ngong hi Kristus; émé cai Hia, kudut Hia dé ba keréba sanggéd cao-ca oné ami.”

TOMBO PÉTÉ GORI DE RASUL-RASUL 7:48

Maik Mori Keraéng Hitut Langkas kéta, toé ka’éng oné mbaru pandé le limé de manusia, cama ného hitut poli taé le nabi:

2 KORINTUS 4:18

Ai ami toé pinga situt ita le mata, maik situt toé itad, ai situt ita le mata latang te dokong kaut, maik situt toé itad te mosé tédéng lén.

2 KORINTUS 5:1

Ai pecing lami, émé ndéi ka’éng dité oné lino ho’o rongkasy, Mori Keraéng poli améng osang éta Surga latang te ité, osang baté ka’éng tédéng lén ata toé pandé le limé de manusia.

KOLOSÉ 2:11

Ai nai ca anggit agu hi Kristus, méu poli sunats: toé ali sunat hitut pandé le manusia, maik ali sunat di Kristus hiot pandé céla meu one-mai belek de wekis hitut ndékok.

IBRANI 10:1

Oné Adak Taurat hanang nénu kanang oné-mai sanggéd ata di’ad situt kudut mais, toé ba tara tu’ung. Adak Taurat toé ngancéng pandé besik laing isét mai ngaji, koném po hélang situt camas takung mtaungs lété ntaung.

IBRANI 12:27

Taé “Cengkalin kolé” ngong lino ho’o ata poli dédék te gégoy agu te hésingy, wiga ata retangn kali ga hanang situt toe ngancéng gégos.

IBRANI 13:14

Ai oné lino ho’o, toé manga osang ata makengn latang te ité. Ité kawé osang ata makengn te ka’éng du mosé nggere-olon.

IBRANI 2:17

Itup tara oné sanggén cao-ca, Hia paka cama agu asé-ka’én. Ali hitu, Hia ciri Imam Mésé ata paéng momang agu junggu oné Mori Keraéng kudut pandé hambor ndékok de ro’éng.

IBRANI 3:1

Landing hitu asé-ka’én, ata poli pilé le Mori Keraéng, delem koé nuks latang te Mori Yésus. Hia wuat le Mori Keraéng te ciri Rasul agu Imam Mésé hitut imbi dité.

IBRANI 4:15

Imam Mésé dité hitu, toé imam mésé ata toé lut manté leme-léngkus dité. Ngot cama ného itéy, Hia poli damangn, landing Hia toé pa’u oné ndékoky.

IBRANI 7:1

Hi Mélkisédék hitu raja béndar Salém agu Imam Mésé de Mori Keraéng Ata Langkas Kéta. Hia ngo curu agu berkak hi Abraham du kolé oné-mai rampas ata pandé koda sanggéd raja.

1 YOHANÉS 5:20

Pecing lité te Anak de Mori Keraéng poli cain agu widang nggalas latangt ité, kudut baé lité Mori Keraéng hitut molor. Ali hitu, ité nai ca anggit agu Mori Keraéng agu Yésus Kristus AnakN. Ho’oy Mori Keraéng ata tu’ungn agu ho’oy mosé tédéng lén hitu.

2 YOHANÉS 1:7

Do tuad ata nggopét agu ngo oné temu tana linos. Ata nggopét situ toé imbi te hi Yésus Kristus poli wa’un oné lino ba tara de manusia. Hitus dé ata bali di Kristus te pandé wéléng ata.