IBRANI 8:5 - Bahasa Manggarai New Testament

⁵ Isé gori keturu oné ndéi ata ciri kuri agu nénu oné-mai apa ata manga oné Surga. Latang te hitu, poli tombon le Mori Keraéng agu hi Musa, du hia kudut pandé ndéi: “Idep di’a, hau paka pandé taung situ lorong toming Daku oné hau éta poco hitu.”

IBRANI 8:5 ပူးပေါင်းရင်းမြစ်များ

MATÉUS 2:12

Landing woko polig toin oné nipi le Mori Keraéng kudut isé néka cénggo kolé oné hi Hérodés, itus kali lako salang bana kolé tanad.

TOMBO PÉTÉ GORI DE RASUL-RASUL 7:44

Ndéi saka-si manga oné empo dité oné satar mambak, cama ného hitut perénta de Mori Keraéng agu hi Musa kudut pandé liha lut tunti hitut poli itan.

KOLOSÉ 2:17

Sanggéd taung so’o hanang nénu dé apa situt paka mai, maik tomingn hi Kristus.

IBRANI 10:1

Oné Adak Taurat hanang nénu kanang oné-mai sanggéd ata di’ad situt kudut mais, toé ba tara tu’ung. Adak Taurat toé ngancéng pandé besik laing isét mai ngaji, koném po hélang situt camas takung mtaungs lété ntaung.

IBRANI 11:7

Le imbin, hi Noé poli langgan le Mori Keraéng latang te cao-ca situt toéd ita. Hia lorong jér de Mori Keraéng te ambi kepal kudut selamak haé kilon. Lino ho’o hena le wahéng, maik hi Noé rékéng le Mori Keraéng ca ata molor lorong agu imbin.

IBRANI 12:25

Jerék koém, méu paka tiba agu séngét Hia hitut ban curup hitu. Isét ogo te séngét Hiat mai oné lino ho’o ata ba keréba de Mori Keraéng, toé ngancéng célad oné-mai wahéng. Apan kolé ité te ho’on, émé ité hedong oné-mai Hia hitut curup éta-mai Surgan.

IBRANI 13:10

Ité manga ca compang. Sanggéd isét keturu laing oné ndéi, toé ngancéng hang takung ata manga oné compang hitu.

IBRANI 9:9

Hituy curup rapang latang te cekeng ho’o. Betuan, ngong sanggéd takung hélang agu takung latang te Mori Keraéng toé ngancéng pandé besikn ici nai data ba takung hitu.

WIDANG SI’ANG ONÉ HI YOHANÉS 15:5

Poli hitu ita laku céngkay Mbaru Nggeluk éta Surga, ngong Ndéi Saka-si.