IBRANI 7:8 - Bahasa Manggarai New Testament

⁸ Iwon kolé, sanggéd imam ata tiba bati-laing cepulu, isé situ manusia ata mosé dokong. Maik iwon kolé weli ga, lut Surak Nggeluk, hi Mélkisédék ata tiba bati-laing cepulu hitu, hia manusia ata mosé tédéngy.

IBRANI 7:8 ပူးပေါင်းရင်းမြစ်များ

YOHANÉS 14:19

Téké cekoén kali ga, lino toé ita kolé Akuy, maik méu ita Akum, ai Aku mosé, agu méu kolé te mosém.

YOHANÉS 14:6

Mai walé de Mori Yésus agu hia: “Akuy dé salang, agu molor agu mosé! Toé kéta cengatan ata ngancéng ngo oné hi Ema, émé hia toé palé Akuy.

IBRANI 3:16

Céing isé situt kéngko rabo de Mori Keraéng, koném po dengé lisé reweng Diha? Toé weli sanggéd taung isét pé’ang oné-mai Mesird ali titong di Musa?

IBRANI 5:6

Taé kolé le Mori Keraéng, “Hau Imam tédéng lén ného hi Mélkisédék.”

IBRANI 6:20

Mori Yésus poli karong salang latangt ité nggere-oné osang nggeluk hitu, du Hia ciri Imam Mésé tédéng lén ného hi Melkisédék.

IBRANI 7:23

Imam-imam ce bana situ dod, ai isé te matas toe ngancéng ruda olo ciri imam.

IBRANI 7:7

Bo tu’ung, ata téing berkak céwé mésé kuasan po ata tiba berkak.

IBRANI 7:9

Ngot ngancéng kolé taé nenggo’o: ali létang di Abraham poli tegi kolé bati-laing cepulu oné-mai panga di Léwi, atat manga hakn te tiba bati-laing cepulu.

IBRANI 9:27

Cama ného manusia poli wérét latang te mata cangkalin kaut, agu poli hitu beté-bicary.

WIDANG SI’ANG ONÉ HI YOHANÉS 1:18

Aku dé Hia hitut Mosé. Aku poli matag, maik lélo ga, Aku mosék dengkir lén. Aku ata cau kuasa latang te mata agu kuasa latang te lino data mata.