IBRANI 7:3 - Bahasa Manggarai New Testament

³ Hi Mélkisédék hitu toé manga endé-eman agu toé manga turuk empon. Leso diha toé manga pu’ungn agu mosé diha toé manga cemoln. Ai hia cama ného Anak de Mori Keraéngy, wiga ciri imam kin tédéng lén.

IBRANI 7:3 ပူးပေါင်းရင်းမြစ်များ

MATÉUS 4:3

Itug kali main jing da’at hitut damang Hia, mai taén ngong Hia: “Émé Anak de Mori Keraéng Hau, jeras dé le Hau watu-watu so’o te ciri roti.”

IBRANI 4:14

Ité te ho’on ga, manga Imam Mésé agu Mengit ata lagé sanggéd awang éta, ngong Mori Yésus, Anak de Mori Keraéng. Nahé ité metek tu’ung oné tura imbi dité.

IBRANI 7:1

Hi Mélkisédék hitu raja béndar Salém agu Imam Mésé de Mori Keraéng Ata Langkas Kéta. Hia ngo curu agu berkak hi Abraham du kolé oné-mai rampas ata pandé koda sanggéd raja.

IBRANI 7:17

Ai latang te Hia manga saka-si oné Surak Nggeluk, “Hau muing Imam te tédéng lén ného hi Mélkisédék.”

IBRANI 7:2

Latangt hi Mélkisédék, téing li Abraham bati-laing cepulu oné-mai sanggéd taung paéngn. Ngasang Mélkisédék, betuan ngong raja agil; raja Salém, betuan ngong raja hambor-libur.

IBRANI 7:6

Maik hi Mélkisédék, hitut toé waé di Léwi, tiba bati-laing cepulu oné-mai hi Abraham. Hia kolé berkak hi Abraham ata poli paéng reké de Mori Keraéng.