IBRANI 7:27 - Bahasa Manggarai New Testament

²⁷ Hia toé ného imam-imam mésé banay, siot lété leso paka ba takung hélang latang te koso ndékok de weki rud, agu poli hitu itu po latang te koso ndékok de ro’éng. Ai gori hitu poli pandén Liha cangkalin latang te tédéng lén, du Hia takung weki Run.

IBRANI 7:27 ပူးပေါင်းရင်းမြစ်များ

ROMA 6:10

Ai mata Diha, mata latang te ndékok, cangkalin latang te tédéng lén, maik Hia moséy, mosé latang te Mori Keraéng.

ÉFÉSUS 2:22

Ai nai ca anggit agu hi Kristus, méu kolé pandé hesé ciri osang ka’éng de Mori Keraéng agu Nai NggelukN.

ÉFÉSUS 5:2

Meu momang tau, ného hi Kristus Yésus poli momang méun. Hia poli condo wekiN latang te ité, cama ného takung hélang ata bengén wiga cembes nain Mori Keraéng.

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

IBRANI 5:1

Néténg Imam Mésé ata le pilé oné-mai bahi-réha manusia, wéréty latang te manusia oné woé-joé disé agu Mori Keraéng, kudut hia ba takung agu hélang landing ndékok.

IBRANI 5:3

Landing hitu, hia paka ba takung agu hélang latang te ampong ndékok, toé hanang latang te ndékok data imbi, maik latang te ndékok de weki run kolé.

IBRANI 8:4

Émé Hia manga oné lino ho’oy, Hia toé kéta manga kudut ciri Imam, ai cé’é ho’o poli mangan ata ba takung lorong Adak Taurat.

IBRANI 9:12

Hia poli ngo oné Lo’ang Nggeluk Kéta cangkalin kaut latang te tédéng lén. Du hitu Hia toé ba dara de mbé laki ko dara de anak japi, maik ali ba dara de weki Run. Ali hitu, Hia céla ité tédéng lén.

IBRANI 9:14

Céwén kolé dara di Kristus! Lut Nai Nggeluk hitut tédéng lén, hi Kristus poli takung weki run oné Mori Keraéng, ného takung ata toé manga celan. Dara Diha te pandé nggeluk ici nai dité oné-mai sanggéd pandé ata toé manga betuad, kudut ité ngancéng ngaji oné Mori Keraéng hitut mosé.

IBRANI 9:25

Hi Kristus toé donta ngon oné Lo’ang Nggeluk te takung Weki Run, ného pandé de Imam Mésé Yahudi lété ntaung ngo oné Lo’ang Nggeluk ali ba dara hiot toé dara run.

IBRANI 9:26

Ai émé nggitu, Hia paka donta ta’ong susaN pu’ung dédékn lino ho’o. Maik te ho’on ga, du cekeng turung cemol ho’o, Hia si’ang wekiN cangkalin kaut latang te ampong ndékok ali takung Weki Run.

IBRANI 9:28

Nenggitu kolé hi Kristus hanang cangkalin kaut takung Weki Run latang te koso ndékok data do. Poli hitu Hia si’ang Weki Run te suangkalin toé latang te koso ndékok, maik te tabing selamak oné isét géréng Hia.

IBRANI 9:7

Maik hanang Imam Mésé kali ata ngo nggere-oné ndéi hitut te suan. Hia cangkalin kali ca ntaung ngo nitu, ba dara latangt Mori Keraéng te koso ndékok de weki run agu koso sanggéd lagé ata toé le kunjung de ro’éng do.