IBRANI 7:19 - Bahasa Manggarai New Testament

¹⁹ Ai Adak Taurat toé manga pandé besikn. Iwon kolé weli ga, Mori Keraéng poli toi bengkes ata céwé di’an, ata pandé ruis ité agu Mori Keraéng.

IBRANI 7:19 ပူးပေါင်းရင်းမြစ်များ

YOHANÉS 1:17

ai Adak Taurat ata widang li Musa, maik widang momang agu ata molorn mai oné mai hi Yésus Kristus.

YOHANÉS 14:6

Mai walé de Mori Yésus agu hia: “Akuy dé salang, agu molor agu mosé! Toé kéta cengatan ata ngancéng ngo oné hi Ema, émé hia toé palé Akuy.

TOMBO PÉTÉ GORI DE RASUL-RASUL 13:39

Kali po oné Hia sanggéd ata imbi pandé molors.

ROMA 5:2

Lut Hia ité kolé dumpu salang lako te ngo nggere-oné tabing ho’o ali imbi. Oné tabing ho’o, ité hesé agu go’as oné bengkes te tiba mengit de Mori Keraéng.

ROMA 7:7

Émé nggitu gi, apa ata kudut tombo lité? Cala manga ndékokn wintuk Taurat hitu? Toé ta! Ali lut wintuk Taurat aku pecing ndékok. Ai aku kolé toé pecing apa belek hitu, émé wintuk Taurat toé ré’ing “Néka belek!”

ROMA 8:3

Ai apa ata toé ngancéng pandén le wintuk Taurat landing le lunggu-lepé dité, poli pandén le Mori Keraéng. Ali wuat Anak de Run cama ného manusia hitut ndékok, agu latang te ampong ndékok, Hia poli téing wahéng oné Mori Yésus landing le ndékok de manusia.

GALATIA 2:16

Koném po nenggitu, pecing lami te toé manga cengatan koé ata patun le Mori Keraéng ali pandés wintuk Taurat, maik hanang ali imbi oné hi Kristus Yésus. Landing hitu ami kolé poli imbi oné hi Kristus Yésus, kudut ami patun le Mori Keraéng le imbi oné hi Kristus, toé ali pandé wintuk Taurat. Ai, “Toé manga cengatan koé ata patun oné Mori Keraéng,” le pandé wintuk Taurat.

GALATIA 3:21

Émé nggitu gi, woléng taud weli wintuk Taurat agu reké de Mori Keraéng ko? Toé kéta manga nenggitun. Ai émé wintuk Taurat hitu téing le Mori Keraéng kudut ngancéng te mosé manusia, ngong manusia patun one Mori Keraéng ali wintuk Taurat hitu.

GALATIA 3:24

Jari, wintuk Taurat hitu te todang ité dengkir cain hi Kristus, kudut patun ité oné ranga de Mori Keraéng le imbi.

ÉFÉSUS 3:12

Ali imbi agu nai ca anggit oné hi Kristus, ité ndong te nia ngoéngd ngo oné Mori Keraéng déméng agu mésé imbid.

KOLOSÉ 1:27

Mori Keraéng ngoéng toi oné isé, leng kétay boran agu mengitn pété ceha hitu oné bahi-réha sanggéd wa’u: Ngong hi Kristus manga oné bahi-réha méuy, wiga méu bengkes te tiba mengit de Mori Keraéng

2 TIMOTÉUS 1:1

Oné-mai aku hi Paulus, rasul di Kristus Yésus, lorong perénta de Mori Keraéng Ema. Hi Kristus hitu ata sambé agu bengkes dité.

IBRANI 10:1

Oné Adak Taurat hanang nénu kanang oné-mai sanggéd ata di’ad situt kudut mais, toé ba tara tu’ung. Adak Taurat toé ngancéng pandé besik laing isét mai ngaji, koném po hélang situt camas takung mtaungs lété ntaung.

IBRANI 11:40

Ai Mori Keraéng poli ambi cao-ca ata céwé di’an latang te ité; ai émé toé cama-cama agu ité, isé kolé toé ngancéng ciri besiks.

IBRANI 11:6

Maik émé toé manga imbi, toé manga ata kopn oné Mori Keraéng. Ai céing ata holés nggere-oné Mori Keraéng, ata hitu paka imbi te Mori Keraéng hitu mangay. Hia kolé paka imbi te Mori Keraéng téing lahé oné ata situt tu’ung-tu’ung kawé Hias.

IBRANI 3:6

Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.

IBRANI 4:16

Landing hitu, mait ga agu rani naid, nggere-oné seriga Diha ata widang tabing, kudut tiba nabit agu tabing latang te campé du rapak leson.

IBRANI 6:18

Wada agu reké de Mori Keraéng ho’o toé manga célung koléd. Hia toé manga nggopétN. Itét kawé mo’éng oné Mori Keraéng, téing Liha mberes kudut metek tu’ung oné bengkes hitut manga olo mai itéy.

IBRANI 7:11

Ali imamat di Léwi wa’u Israél poli tiba Adak Tauratd. Émé imamat di Lewi hitu poli besikn, co’o tara ngai sékék kin wérét cengata ata bana ciri imam mésé ného hi Mélkisédék ata toé oné-mai wa’u di Harun?

IBRANI 7:20

Sanggéd taung situ poli jarid ali wada de Mori Keraéng. Bo tu’ung, mangas iwod poli ciri imam ata toé olong wadas le Mori Keraéng.

IBRANI 7:25

Landing hitu, Hia ngancéng pandé selamak ali besik kéta sanggén ata situt létang laing Hia ngo oné Mori Keraéng. Ai Hia mosé mtaung kudut ciri Létang témba disé.

IBRANI 8:6

Maik te ho’on ga Mori Yésus poli tiba keturu ata céwé mésé, ai Hia ciri Létang témba oné-mai reké ata céwé mengitn, ata ligéng le reké ata céwé mengitn kolé.

IBRANI 9:9

Hituy curup rapang latang te cekeng ho’o. Betuan, ngong sanggéd takung hélang agu takung latang te Mori Keraéng toé ngancéng pandé besikn ici nai data ba takung hitu.

JAMES 4:8

Ruis-ruis koém agu Mori Keraéng kudut Hia kolé ruis méuy. Oé méu ata ndékok! Pandé nggélok koé limes. Oé méut rambang-bali nais! Pandé nggeluk koé nais.