IBRANI 6:9 - Bahasa Manggarai New Testament

⁹ Asé-ka’én, ata momang lami, koném po ami curup nenggitukm latang te méu, imbi lami te méu haéng paéng cao-ca ata céwé di’an ata ngancéng pandé selamak laing.

IBRANI 6:9 ပူးပေါင်းရင်းမြစ်များ

MARKUS 16:16

Céing kaut ata imbi agu cebongs, kudut tiba selamaks, maik céing ata toé imbi, kudut tiba wahéngs.”

TOMBO PÉTÉ GORI DE RASUL-RASUL 11:18

Du dengén lisé tombo hitu, itus kali toé ngaokd, agu naring Mori Keraéngs, mai taéd: “Jari latang te wa’u bana kolé Mori Keraéng téing teser kudut titong nggere-oné mosé tédéng lén.”

TOMBO PÉTÉ GORI DE RASUL-RASUL 20:21

Aku kolé téi saka-si oné ata Yahudi agu ata Yunani kudut isé teser oné Mori Keraéng, agu imbi oné Mori Yésus.

1 KORINTUS 10:14

Landing hitu asé-ka’é ata momang laku, méu néka io pina-naéng!

2 KORINTUS 12:19

Am lawang ho’o méu mangkong ami, te ami kambé weki rugm. Oé asé-ka’é ata momang laku, oné ranga de Mori Keraéng agu le ngasang di Kristus, taé lami: Sanggéd gori dami kudut pandé téti étan imbi de méu.

2 KORINTUS 7:1

Asé ka’én ata momang laku! Ai te ho’on ité paéng reké hitu. Mait ga ité pandé nggeluk weki dité oné mai sanggéd rengkes de weki agu wakar. Ali hitu kolé pandé jepek nggeluk dité oné hiang Mori Keraéng.

2 KORINTUS 7:10

Néka simpung laing. Ai wéong nai lorong ngoéng de Mori Keraéng cirn teser hitut ba selamak, maik wéong nai oné mai lino ho’o cirn mata laing.

GALATIA 5:6

Ai latang te sanggéd ata situt nai ca anggit agu hi Kristus Yésus, sunat ko toé sunat toé manga betuan. Ata mésén kali, hanang imbi oné hi Kristus hitut si’ang le pandé momang haé ata.

IBRANI 10:34

Bo tu’ung, méu poli lut oné ta’ong susa de sanggéd ata siot hena le wahéng. Du enggerep latas paéng de méu, tiba kauts le méu ali nisang nai, ai pecing le méu, te méu tiba paéng ceca ata céwé di’an agu céwé makengn.

IBRANI 10:39

Ité ho’o toé ata hedong kolé ko ata wéléng, maik ata imbi agu tiba mosé.

IBRANI 2:3

Ité toé ngancéng cépéd émé pandé kéba kaut keréba selamak hitut mésé, ata keréba le Morin laring cain agu nesa kéta oné ité lisét poli dengé Hia.

IBRANI 5:9

Ali hitu, Hia ciri ata sambé ata besik, agu ciri pu’un selamak tédéng lén latang te sanggéd atat junggu oné Hia.

IBRANI 6:10

Mori Keraéng hitu agiln, wiga Hia toé hémong latang te gori de méu agu momang hitut toto de méu ali ngasang Diha, le gori keturu latangt asé-ka’é ca imbi, ného bebolon agu nggere-olon.

1 PETRUS 2:11

Asé-ka’é ata momang laku! Aku toing méu, ai méu ata long agu ata mbéot oné lino ho’o. Tadang koém oné-mai belek da’at hitut toé ké’ét dungkang wakar.

2 PÉTRUS 3:1

Asé-ka’én ata momang laku! Ho’o surak te suan ata tulis laku latang te méu. Oné sua surak situ, aku sur méu te nuk kaut apa ata molord.

1 YOHANÉS 2:7

Asé-ka’én ata momang laku! Toé perénta weru ho’ot tulis daku latang te méu, maik perénta manga. Perenta hitu, danong’g mangan oné méu, ngong Reweng hitut poli dengén le méu.

YUDAS 1:3

Asé-ka’én ata momang kéta laku! Rémé koé mping’g aku tulis latangt méu, kudut te selamak cama dité. Tulis ho’o daku latangt méu ali hus naig te toing méu, kudut mping koé kis cau imbi hitut poli tiba le sanggéd weki serani.