IBRANI 6:20 - Bahasa Manggarai New Testament

²⁰ Mori Yésus poli karong salang latangt ité nggere-oné osang nggeluk hitu, du Hia ciri Imam Mésé tédéng lén ného hi Melkisédék.

IBRANI 6:20 ပူးပေါင်းရင်းမြစ်များ

ROMA 8:34

Hi Kristus Yésus hitut poli matan? Ngot tambang kolé: Ngong Hia ata poli to’o kolén, ata poli lonto oné racap wanang de Mori Keraéng, ngot ciri Ata Kambé latang te ité?

ÉFÉSUS 1:3

Naring ga Mori Keraéng, Emad Mori dité Yésus Kristus. Hia poli berkak itén le sanggéd widang nggeluk oné Surga, ai ité nai ca anggit agu hi Yésus Kristus.

IBRANI 1:3

Hiay néra mengit de Mori Keraéng agu ba tara de Mori Keraéng ata tu’ungn agu tukeng sanggéd so’ot mangad ali curup Diha hitut penong kuasa. Du poli pandé nggélokd ndékok de manusia, Hia lonto oné racap wanang de Mori Mésé, éta osang langkas.

IBRANI 12:2

Mait ga, mata dité paka jeténg nggere-oné Mori Yésus, ai Hia dé ata pandé kéngko agu tinu imbi dité pu’ung du wangkan dengkir agu cemoln. Mori Yésus poli ta’ong susa oné haju panggol. Toé rékéng Liha te mata oné panggol hitu pandé ritak laing. Nuk Diha kali cembes latang te mosé nggere-olon. Te ho’on ga, Hia lonto oné racap wanang seriga de Mori Keraéng kudut cama-cama cau adak.

IBRANI 2:10

Ai naun tu’ung Mori Keraéng - Hia ata dédék sanggéd cao-ca lorong ngoéng de Weki Run – pandé jepek Hiat karong salang - agu titong isé nggere-oné selamak lut susa. Ali hitu sanggén manusia kolé tiba mengit agu hiang ného Hia.

IBRANI 2:17

Itup tara oné sanggén cao-ca, Hia paka cama agu asé-ka’én. Ali hitu, Hia ciri Imam Mésé ata paéng momang agu junggu oné Mori Keraéng kudut pandé hambor ndékok de ro’éng.

IBRANI 3:1

Landing hitu asé-ka’én, ata poli pilé le Mori Keraéng, delem koé nuks latang te Mori Yésus. Hia wuat le Mori Keraéng te ciri Rasul agu Imam Mésé hitut imbi dité.

IBRANI 4:14

Ité te ho’on ga, manga Imam Mésé agu Mengit ata lagé sanggéd awang éta, ngong Mori Yésus, Anak de Mori Keraéng. Nahé ité metek tu’ung oné tura imbi dité.

IBRANI 5:10

Hia ciri Imam Mésé le Mori Keraéng ného hi Mélkisédék.

IBRANI 5:6

Taé kolé le Mori Keraéng, “Hau Imam tédéng lén ného hi Mélkisédék.”

IBRANI 8:1

Icid sanggéd taung situt tombo dité weli ga: Ité manga Imam Mésé ata nenggituy, ata lonto oné racap wanang seriga de Mori Keraéng ata Mésé Tu’ung éta Surga.

IBRANI 9:12

Hia poli ngo oné Lo’ang Nggeluk Kéta cangkalin kaut latang te tédéng lén. Du hitu Hia toé ba dara de mbé laki ko dara de anak japi, maik ali ba dara de weki Run. Ali hitu, Hia céla ité tédéng lén.

IBRANI 9:24

Ai hi Kristus toé ngo oné Lo’ang Nggeluk ata pandé le limé de manusia ata toming kaut oné-mai Lo’ang Nggeluk ata tu’ungn. Maik Hia ngo nggere-oné Surga kudut cumang Mori Keraéng landing sékék dité.

1 PETRUS 3:22

Du poli héndéng nggere-éta SurgaN, Mori Yésus lonto oné racap wanang de Mori Keraéng. Mai nitu main, Hia agu Mori Keraéng perénta sanggéd malékat agu ata cau kuasa agu sanggéd mberes.

1 YOHANÉS 2:12

Oé sanggéd anak daku! Tulis laku latang te méu, ai poli ampongd ndékok de méu le ngasang di Kristus.