IBRANI 6:18 - Bahasa Manggarai New Testament

¹⁸ Wada agu reké de Mori Keraéng ho’o toé manga célung koléd. Hia toé manga nggopétN. Itét kawé mo’éng oné Mori Keraéng, téing Liha mberes kudut metek tu’ung oné bengkes hitut manga olo mai itéy.

IBRANI 6:18 ပူးပေါင်းရင်းမြစ်များ

MATÉUS 24:35

Awang agu lino te mora taungs, landing curup Daku toé ngancéng moray.

MATÉUS 3:7

Maik du itad liha ata Parisi agu ata Saduki kudut te cebong, mai taé diha ngong isé: “Oé méut waé de ular rani, céing kéta ata taé agu méu, te ngancéng losi oné mai copél ata kudut cai?

LUKAS 2:25

Manga cengata oné Yérusalém, ngasangn hi Siméon. Hia cengata ata molor agu ata junggu, ata géréng kin Hiat lémbu nai latang té Israél. Nai Nggeluk manga lobo hiay,

ROMA 15:5

Nahé Mori Keraéng, pu’un seber agu lémbu, téi oné méu mosé ca nai-ca nuk, lorong agu ngoéng di Kristus Yésus,

ROMA 3:25

Hi Kristus Yésus poli petokn le Mori Keraéng lut singsara Diha, kudut ciri salang hambor latang te sanggéd ata imbi oné Hia. Ho’o pandé le Mori Keraéng kudut toto agil’N, ai Hia poli ampong kaut ndékok situt poli jarid médé du lari ngénggan nai Diha.

ROMA 3:4

Toé ngancéng! Ngot: Mori Keraéng hitu molor, maik sanggén manusia ata nggopét, ného manga tulis: “Kudut Ité tu’ung-tu’ung molord oné sanggéd curup Dité, agu ontong émé Ité hena le beté-bicar.”

ROMA 5:5

Agu bengkes toé manga majan, ai momang de Mori Keraéng poli téi oné nai dité le Nai Nggeluk hitut poli patin oné ité.

PILIPI 2:1

Ali nai ca anggit agu hi Kristus, méu tiba mberes, lémbu le momangN agu ciri ca nai oné Nai Nggeluk, wiga méu momang agu mohas taum.

KOLOSÉ 1:23

Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

KOLOSÉ 1:27

Mori Keraéng ngoéng toi oné isé, leng kétay boran agu mengitn pété ceha hitu oné bahi-réha sanggéd wa’u: Ngong hi Kristus manga oné bahi-réha méuy, wiga méu bengkes te tiba mengit de Mori Keraéng

KOLOSÉ 1:5

landing bengkes hitut poli mengkekn latang te méu éta Surga. Latang te bengkes hitu poli dengé olon le méu oné-mai curup molor ngong Keréba Di’a,

TÉSALONIKA 1:10

Tombo kolé lisé, co’o méu bengkes te cai Anak de Mori Keraéng éta-mai Surga, ngong Mori Yésus hitut poli pandé to’o kolén le Moti Keraéng oné-mai mata. Mori Yésus hitu dé ata pandé selamak ité tai oné-mai rabo de Mori Keraéng.

2 TIMOTÉUS 1:1

Oné-mai aku hi Paulus, rasul di Kristus Yésus, lorong perénta de Mori Keraéng Ema. Hi Kristus hitu ata sambé agu bengkes dité.

2 TIMOTÉUS 6:12

Rié koém oné imbi ata molor, rumbu koé le méu mosé tédéng lén. Latang te hitu hau tara béntam agu poli wérét le hau reké ata molorn, olo-mai ranga data saka-si do.

2 TIMOTIUS 2:13

émé toé junggud ité, Hia junggu kin, ai Hia toé ngancéng pali weki Run.”

TITUS 1:2

agu ligeng de bengkes kudut mosé tédéng lén hitut danong empo-walok poli reké le Mori Keraéng ata toé manga nggopétN.

IBRANI 11:7

Le imbin, hi Noé poli langgan le Mori Keraéng latang te cao-ca situt toéd ita. Hia lorong jér de Mori Keraéng te ambi kepal kudut selamak haé kilon. Lino ho’o hena le wahéng, maik hi Noé rékéng le Mori Keraéng ca ata molor lorong agu imbin.

IBRANI 3:11

Aku wada lari rabog: Isé toé ngancéng ngo oné osang asi Dakus.”

IBRANI 3:6

Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.

IBRANI 6:17

Landing hitu, Mori Keraéng waday du Hia ngoéng te si’ang tu’ung nggere-oné isét tiba mbaté reké Diha, te Hia toé célung kolé rekéN.

IBRANI 7:19

Ai Adak Taurat toé manga pandé besikn. Iwon kolé weli ga, Mori Keraéng poli toi bengkes ata céwé di’an, ata pandé ruis ité agu Mori Keraéng.

IBRANI 7:21

Maik Mori Yésus olong waday po ciri imam du Mori Keraéng curup oné Hia: “Mori poli wadan, agu Hia toé manga ngalang- ngalang bon: Hau muing imam tédéng lén.”

1 YOHANÉS 1:10

Émé nggo’o taé dité: ité toé dé’it manga pandé ndékokd, rékéngn lité néhot Hia ata nggopéty agu Reweng Diha toé mangay oné ité.

1 YOHANÉS 5:10

Céing ata imbi Anak de Mori Keraéng, paéng liha saka-si hitu oné nain. Maik céing ata toé imbi Mori Keraéng, rékéngn lata hitu te Mori Keraéng ata nggopéty, ai ata hitu toé imbi saka-si de Mori Keraéng latang te AnakN.