IBRANI 6:11 - Bahasa Manggarai New Testament

¹¹ Ngoéng dami kudut néténg-néténg méu néka ngondé holes agu néka mejeng hesé dengkir cemoln wiga méu toét-toé tibas apa ata bengkes de méu.

IBRANI 6:11 ပူးပေါင်းရင်းမြစ်များ

MATÉUS 24:13

Landing isét ta’ong dengkir cemoln, ngancéng selamaks.

LUKAS 1:1

Keraéng Téofilus, Dod’g ata situt te tur ca keréba latang te sanggéd taung apa situt poli mangad oné mai beréha ité,

ROMA 12:8

émé tabing latang té titong, titong ga. Céing ata pati cao-ca, pati agu ngalis nai; céing ata ciri adak laing, seber koé liha gorin; céing ata toto momangn, momang ga ali nisang nai.

ROMA 15:13

Nahé Mori Keraéng pu’un bengkes, penong oné méu ali naka agu hambor-meler oné imbi de méu, kudut ali mberes de Nai Nggeluk méu penong oné bengkes.

1 KORINTUS 13:13

Nenggitu dé cemoln, téké telu tarad kali ga; imbi, bengkes agu momang haé ata, maik ata céwé mésén oné-mai situt telu, momang haé ata.

1 KORINTUS 15:58

Landing hitu asé-ka’én ata momang laku, metek koé imbis, néka gégo agu seber koém oné gori de Mori Keraéng! Ai pecingp le méu oné neki ca agu Mori Keraéng, rébok de méu toé oké bon.

GALATIA 5:5

Ai ali Nai Nggeluk agu ali imbi oné hi Kristus, ité géréng te patun le Mori Keraéng hitut bengkes dité.

GALATIA 6:9

Ité ho’o néka maél te pandé di’a. Émé ité seber te pandé di’a situ, cemoln tai ité te ako agu nongko dani.

PILIPI 3:15

Landing hitu, mait ga ité hitut tu’ag oné imbid, nenggitu koé idepd. Maik, émé manga oné-mai méu ata woléng nuk, weki Run Mori Keraéng dé ata pandé si’angn oné méu.

KOLOSÉ 1:23

Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

KOLOSÉ 1:5

landing bengkes hitut poli mengkekn latang te méu éta Surga. Latang te bengkes hitu poli dengé olon le méu oné-mai curup molor ngong Keréba Di’a,

KOLOSÉ 2:2

Betuan pandé daku hitu kudut lémbu koé nai disé, agu isé neki cas oné momang. Ali hitu tingo lisé agu baé paéln oné imbi kudut pecing pété ceha de Mori Keraéng, ngong hi Kristus.

TÉSALONIKA 1:5

Ai Keréba Di’a ho’ot wéro dami oné méu, toé ali curup kanang, maik ali mberes de Nai Nggeluk hitut derek kétay. Bo kali pecing le méu, co’oy gori dami oné bahi-réha méu.

TÉSALONIKA 4:10

Momang hitu, paka pandé kolé le méu latang te sanggéd asé-ka’és ca imbi oné temu tana Makédonia. Maik ami toing méu asé-ka’én, kudut pandé tu’ung-tu’ung kéta le méu momang-tau hitu.

2 TÉSALONIKA 3:13

Méu kali asé-ka’én, néka asi pandé di’a.

IBRANI 10:22

Landing hitu, mait ga ité ngo cumang Mori Keraéng ali molor nai agu metek imbi; ai nai dité poli pandé nggélokn oné-mai ici nai da’at agu weki dité poli cebong le waé gélon.

IBRANI 3:14

Ai ité haé reba ca gori oné hi Kristus, tama ité metek tu’ung imbi hitu ného du pu’ungn dengkir agu cemoln.

IBRANI 3:6

Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.

1 PETRUS 1:21

Lut hi Kristus hitu, méu tara imbis oné Mori Keraéng hitut poli pandé to’o kolé Hia oné-mai ata mata agu poli bong Hia. Ali hitu, méu paka imbi agu bengkes hanang oné Mori Keraéng.

2 PÉTRUS 1:10

Asé-ka’én, landing hitu mping koé wuli wekis, kudut tambang kéta galan rang de méu, ai méu ata poli bénta agu pilé le Mori Keraéng. Émé pandé le méu situ, toé manga wéléng mosés.

2 PÉTRUS 3:14

Landing hitu asé-ka’é ata momang laku, cang agu géréng leso hitu, paka wuli wekis te hambor agu Hia, wiga méu toé manga celas agu toé manga ndékoks du cain Hia tai.

1 YOHANÉS 3:14

Pecing lité, du momang asé-ka’é ca imbid, ite toé matad maik pu’ung’g mosé weru. Céing ata toé momang haé ata, hia kuasa kin le mata.

1 YOHANÉS 3:19

Le momang haé ata tara pecingn lité, te ité ho’o paéng de Mori Keraéng. Temer kolé nai dité oné ranga de Mori Keraéng.

WIDANG SI’ANG ONÉ HI YOHANÉS 2:26

Céing ata ontong agu pandé sanggéd gori Daku dengkir agu cemoln, latang te hia widang Laku kuasa te perénta sanggéd wa’u.