IBRANI 6:1 - Bahasa Manggarai New Testament

¹ Landing hitu, mait ga, ledong musis raja pu’u situ te nggere-olo oné bekad toing ata céwé penong latang te hi Kristus. Ité kali ga, néka pu’ung kolé toing raja pu’u so’o: sanggéd pandé siot toé manga betuad, latang te imbi oné Mori Keraéng,

IBRANI 6:1 ပူးပေါင်းရင်းမြစ်များ

MATÉUS 21:29

Mai walé de anak hitu: Toé gorig. Maik bemusi main teser agu ngon.

MATÉUS 21:32

Ai hi Yohanés mai kudut karong salang ata molor agu méu, maik méu toé goris te imbi hiam. Maik ata tegi béa agu inéwai mbérong imbi hias. Agu méu, koném itas, maik poli hitu méu toé goris te teserm agu toé kolé goris te imbi hiam.”

MATÉUS 3:2

“Tesérm ga, ai adak Surga ruis gi!”

MATÉUS 4:17

Pu’ung du hitu wéwa le Mori Yésus: “Teserm ga, ai Adak de Surga ruis gi!”

MATÉUS 5:48

Landing hitu, méu paka besik kétam cama ného besik de Emas hitu éta Surga.”

MATÉUS 7:25

Poli hitu cai usang agu tuan mbang, cain kolé buru warat te héur mbaru hitu, maik mbaru hitu toé rencoy, ai hesé lobo watuy.

MARKUS 1:1

Ho’o dé kréba di’a laring cain te tombo Mori Yésus Kristus Anak de Mori Keraéng.

MARKUS 6:12

Og kali ngod isé te ba keréba kudut sanggén ata tesérs

LUKAS 6:48

hia cama agu cengata ata hitut hesé mbaru: Ata hitu caké delem kéta agu na’a lagang lobo watu. Wiga du cain mbang agu wa’a oné mbaru hitu, toé ngancéng gégon, ai mbaru hitu mangger muing du hesén.

YOHANÉS 12:44

Itug kali kepokn Mori Yésus, taéN: “Céing kaut ata imbi Aku, hia toé imbi Akuy, maik imbi Hia hitut poli wuat Akun;

YOHANÉS 14:1

Néka simpung naim, imbi kaut agu Mori Keraéng, imbi kaut kolé oné Aku!

YOHANÉS 5:24

Aku taé agu méu: ata tu’ungn kéta, céing ata séngét tombo Daku, agu imbi Hia hitut wuat Aku, hia haéng mosé tédéng lén, agu toé manga kolé wahéng tédéng lén, ai hia poli hésing oné mai matan nggere-oné mosé.

TOMBO PÉTÉ GORI DE RASUL-RASUL 11:18

Du dengén lisé tombo hitu, itus kali toé ngaokd, agu naring Mori Keraéngs, mai taéd: “Jari latang te wa’u bana kolé Mori Keraéng téing teser kudut titong nggere-oné mosé tédéng lén.”

TOMBO PÉTÉ GORI DE RASUL-RASUL 17:30

Cekeng bodok dité polig hémongn le Mori Keraéng. Te ho’on Hia perénta sanggén ata nia kaut wan, kudut teser.

TOMBO PÉTÉ GORI DE RASUL-RASUL 2:38

Walé li Pétrus agu isé: “Teserm ga, agu condo wekis te cebong oné ngasang de Mori Yésus Kristus kudut ampong ndékoks, ali hitu méu tiba nabit'N ngong Nai Nggeluk.

TOMBO PÉTÉ GORI DE RASUL-RASUL 20:21

Aku kolé téi saka-si oné ata Yahudi agu ata Yunani kudut isé teser oné Mori Keraéng, agu imbi oné Mori Yésus.

TOMBO PÉTÉ GORI DE RASUL-RASUL 26:20

Maik laring cain kéta aku keréba oné sanggén ata oné Damsyik, oné Yérusalém, agu oné temu tana Yudéa, agu oné wa’u bana, te isé paka tesers agu holés nggere-oné Mori Keraéng agu pandé sanggéd cao-ca lorong agu teserd hitu.

TOMBO PÉTÉ GORI DE RASUL-RASUL 3:19

Landing hitu, doing koé agu teser ga kudut ampong ndékoks,

1 KORINTUS 13:10

Maik émé cais situt besikd, mora taungs situt toé besikd.

1 KORINTUS 2:6

Koném po nggitu ami ba keréba nggalas oné isét poli mentengd, ngong nggalas ata toé mai oné-mai lino ho’on, agu toé oné-mai isét cau kuasa de lino. Ai ata cau kuasa situ kudut pandé mora’s.

2 KORINTUS 7:1

Asé ka’én ata momang laku! Ai te ho’on ité paéng reké hitu. Mait ga ité pandé nggeluk weki dité oné mai sanggéd rengkes de weki agu wakar. Ali hitu kolé pandé jepek nggeluk dité oné hiang Mori Keraéng.

2 KORINTUS 7:10

Néka simpung laing. Ai wéong nai lorong ngoéng de Mori Keraéng cirn teser hitut ba selamak, maik wéong nai oné mai lino ho’o cirn mata laing.

ÉFÉSUS 2:1

Danong méu poli matas landing le lagéng agu ndékoks.

ÉFÉSUS 2:5

wiga du rémé mata naid landing le sanggéd lagéng, Hia pandé mosé kolét ité cama-cama agu hi Kristus. Jari, tara selamaks méu, landing le nai di’a de Mori Keraéng.

ÉFÉSUS 4:12

Pandé so’o Diha kudut jemut taung widang weki serani te gori keturu latangt Mori Keraéng agu te pandé téti étan weki di Kristus.

KOLOSÉ 1:28

Hi Kristus hitu dé ata keréba dami, émé toing lami sanggéd nggalas oné néténg ata, kudut titong néténg ata te ciri besik ali nai ca anggit agu hi Kristus.

KOLOSÉ 3:14

Bétan mai sanggéd taung situ: méu paka momang tau, ai momang tau hitu ata pandé neki-ca agu pandé besik asé-ka'é ca imbi.

KOLOSÉ 4:12

Tabé oné-mai hi Épafras latang te méu; hia cengata oné-mai méu, mendi di Kristus Yésus, ata ngaji mtaung latang te méu, kudut méu mberes kis hesés ného ata tu’am agu imbi tu’ung oné sanggén cao-ca lorong ngoéng de Mori Keraéng.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

2 TIMOTÉUS 6:19

Ali hitu igol paéng luing ligéng ata di’an latang te weki run du mosé nggere-olon, wiga haéng mosé ata tu’ungn.

2 TIMOTIUS 2:19

Maik ligéng ata tena le Mori Keraéng hitu mberesn agu ho’oy capn: “Pecing le Morin céing ata ciri paéng Diha,” agu “Néténg ata siot caro ngasang de Mori poro oké koés pandé da’atn.”

IBRANI 11:6

Maik émé toé manga imbi, toé manga ata kopn oné Mori Keraéng. Ai céing ata holés nggere-oné Mori Keraéng, ata hitu paka imbi te Mori Keraéng hitu mangay. Hia kolé paka imbi te Mori Keraéng téing lahé oné ata situt tu’ung-tu’ung kawé Hias.

IBRANI 12:13

Helek koé salang lakom, boto nggésoy wa’i hitut sengge-soat, maik ciri inay.

IBRANI 7:11

Ali imamat di Léwi wa’u Israél poli tiba Adak Tauratd. Émé imamat di Lewi hitu poli besikn, co’o tara ngai sékék kin wérét cengata ata bana ciri imam mésé ného hi Mélkisédék ata toé oné-mai wa’u di Harun?

IBRANI 9:14

Céwén kolé dara di Kristus! Lut Nai Nggeluk hitut tédéng lén, hi Kristus poli takung weki run oné Mori Keraéng, ného takung ata toé manga celan. Dara Diha te pandé nggeluk ici nai dité oné-mai sanggéd pandé ata toé manga betuad, kudut ité ngancéng ngaji oné Mori Keraéng hitut mosé.

JAMES 1:4

Kong damang gepek hitu manga wuad ata té’é kudut méu ciri besik, toé rehong agu toé manga géong.

1 PETRUS 1:21

Lut hi Kristus hitu, méu tara imbis oné Mori Keraéng hitut poli pandé to’o kolé Hia oné-mai ata mata agu poli bong Hia. Ali hitu, méu paka imbi agu bengkes hanang oné Mori Keraéng.

1 PETRUS 5:10

Mori Keraéng pu’ud sanggéd widang poli pilé méu oné hi Kristus te dadé méu nggere-oné mengit Diha hitut tédéng lén. Du méu poli ta’ong cekoén susa, Hia kolé te pandé jepek, ndeng, mberes agu pandé metek méu.

1 YOHANÉS 4:12

Toé déit manga cengatan ata poli ita Mori Keraéng. Maik émé ité momang taud, Mori Keraéng nai ca anggit agu ité agu momangN hitu jepeky oné ité.