IBRANI 5:9 - Bahasa Manggarai New Testament

⁹ Ali hitu, Hia ciri ata sambé ata besik, agu ciri pu’un selamak tédéng lén latang te sanggéd atat junggu oné Hia.

IBRANI 5:9 ပူးပေါင်းရင်းမြစ်များ

MATÉUS 17:5

Agu rémé di’an hia curup rodo tuay rewung ata néray, tugep isé agu oné mai rewung hitu dengé reweng, ata nenggo’o taén: ‘Ho’oy anak momang Daku, agu Hia ata henan Laku, séngét koé Hiam.”

LUKAS 13:32

Mai walé de Mori Yésus agu isé: “Ngo ga, agu taé oné acu cekel hitu: Aku mbér jingk agu pandé ina atak leso ho’o agu diang, agu du leso te telun Aku te pandé polis.

YOHANÉS 19:30

Du poli inung anggor héo hitun Mori Yésus, mai taéN: “Poli ga!” Itug kali tenggukn sa’iN agu beté naiN.

TOMBO PÉTÉ GORI DE RASUL-RASUL 3:15

Méu poli mbelé Hiat wé’ang salang te mosé di’a, maik Mori Keraéng pandé mosé kolé Hia oné mai ata mata, agu latang te hitu ami ho’o saka-sin.

TOMBO PÉTÉ GORI DE RASUL-RASUL 4:12

Toé manga selamak oné mai céi-céing kaut, hanang oné Hia, ai oné lino ho’o, toé manga ngasang cebana ata téi oné manusia, kudut le ngasang hitu ité haéng selamak.

TOMBO PÉTÉ GORI DE RASUL-RASUL 5:32

Ami ho’o ata saka-sin sanggéd taung situ, ami agu Nai Nggeluk, ata widang le Mori Keraéng latang te sanggén ata situt lorong Hia.”

ROMA 1:5

Ali létang Diha ami tiba tabing te ciri rasul kudut ali ngasang Diha, ngancéng todang sanggéd uku kudut imbi lisé agu lorong.

ROMA 10:16

Maik toé sanggén ata, poli tiba keréba di’a hitu. Ai hi nabi Yésaya taé nenggo’o, “Mori, céing ata imbi keréba dami?”

ROMA 15:18

Ai aku toé ngancéng rani te tombo latang te apa bana, hanang latang te apa ata poli pandé di Kristus lut aku, ngong kudut titong sanggéd wa’u bana nggere-oné lorong ali curup agu pandé,

ROMA 2:8

Maik rabo agu cumpeng da’at oné isét kawé sékék de rud, ata toé lorong Hia, maik ata lorong gauk da’at.

ROMA 6:17

Maik naring ga Mori Keraéng! Danong méu tu’ung mendi de ndékokm, maik te ho’on méu ali nai di’as poli lorong toing hitut caing oné méu.

2 KORINTUS 10:5

Ami te pandé tepo taung néténg nawa data agu te pandé renco néténg bénténg situt hesé ali mésé-nai de manusia kudut pandé do’ong ata te pecing Mori Keraéng. Langkis lami sanggéd nuk data agu pandé kodas oné hi Kristus.

PILIPI 2:12

Asé-ka’én, ata momang laku! Ného danong méu lorong mtaungm aku, landing hitu kong jepek kin selamak de méu ali jejer agu rantang Mori Keraéng, toé hanang ného du manga kig aku, maik céwén kéta ho’o ga du aku toé manga agu méuk.

2 TÉSALONIKA 1:8

Mori Yésus téing susa oné isét toé imbi Mori Keraéngs, agu toé lorong Keréba Di’a.

2 TÉSALONIKA 2:16

Mori dité hi Yésus Kristus, agu Mori Keraéng Ema dité, poli toto momang oné ité le tabing lémbu agu bengkes tédéng lén.

2 TIMOTIUS 2:10

Landing hitu aku ta’ong te tanggong sanggéd taung situ latang te di’a sanggéd ata pilé de Mori Keraéng kudut isé kolé tiba selamaks oné hi Kristus Yésus ali mengit tédéng lén.

IBRANI 1:14

Sanggéd malékat situ ata keturu de Mori Keraéng éta Surga, agu ata wuat Liha te campé sanggéd ata te tiba mbaté selamaks.

IBRANI 11:40

Ai Mori Keraéng poli ambi cao-ca ata céwé di’an latang te ité; ai émé toé cama-cama agu ité, isé kolé toé ngancéng ciri besiks.

IBRANI 11:8

Le imbin, hi Abraham lorong bénta de Mori Keraéng te ngo nggere-oné tana hitut te tiba diha ciri tana mbatén. Itu kali ngon hia, koném toé mopo liha niay wan tana hitu.

IBRANI 12:2

Mait ga, mata dité paka jeténg nggere-oné Mori Yésus, ai Hia dé ata pandé kéngko agu tinu imbi dité pu’ung du wangkan dengkir agu cemoln. Mori Yésus poli ta’ong susa oné haju panggol. Toé rékéng Liha te mata oné panggol hitu pandé ritak laing. Nuk Diha kali cembes latang te mosé nggere-olon. Te ho’on ga, Hia lonto oné racap wanang seriga de Mori Keraéng kudut cama-cama cau adak.

IBRANI 2:10

Ai naun tu’ung Mori Keraéng - Hia ata dédék sanggéd cao-ca lorong ngoéng de Weki Run – pandé jepek Hiat karong salang - agu titong isé nggere-oné selamak lut susa. Ali hitu sanggén manusia kolé tiba mengit agu hiang ného Hia.

IBRANI 2:3

Ité toé ngancéng cépéd émé pandé kéba kaut keréba selamak hitut mésé, ata keréba le Morin laring cain agu nesa kéta oné ité lisét poli dengé Hia.

IBRANI 9:12

Hia poli ngo oné Lo’ang Nggeluk Kéta cangkalin kaut latang te tédéng lén. Du hitu Hia toé ba dara de mbé laki ko dara de anak japi, maik ali ba dara de weki Run. Ali hitu, Hia céla ité tédéng lén.

IBRANI 9:15

Hitup tara hi Kristus ciri Létang-témba oné-mai reké weru, kudut isé siot poli piléd ngancéng tiba mbaté tédéng lén hitut poli reké de Mori Keraéng. Ai manga ata matad, ngong hi Kristus, latang te sambé sanggéd lagé situt poli pandéd du reké hitut laring cain papé kin.

IBRANI 9:28

Nenggitu kolé hi Kristus hanang cangkalin kaut takung Weki Run latang te koso ndékok data do. Poli hitu Hia si’ang Weki Run te suangkalin toé latang te koso ndékok, maik te tabing selamak oné isét géréng Hia.

1 PETRUS 1:22

Méu poli pandé nggeluk wekis ali lorong wintuk de Mori Keraéng, wiga méu ngancéng momang tau asé-ka’é ca imbi le nai bakok. Poro méu tu’ung-tu’ung momang tau mai wa-mai nain.

1 YOHANÉS 5:20

Pecing lité te Anak de Mori Keraéng poli cain agu widang nggalas latangt ité, kudut baé lité Mori Keraéng hitut molor. Ali hitu, ité nai ca anggit agu Mori Keraéng agu Yésus Kristus AnakN. Ho’oy Mori Keraéng ata tu’ungn agu ho’oy mosé tédéng lén hitu.

YUDAS 1:21

Mosé koém oné mbau momang de Mori Keraéng, cang agu géréng nabit de Mori dité Yésus Kristus latang te mosé tédéng lén.