IBRANI 5:7 - Bahasa Manggarai New Testament

⁷ Oné moséN ného manusia, Mori Yésus ngajiy tegi ali rétang nenep agu lanar lu’u mata oné Mori Keraéng ata ngancéng selamak Hia oné-mai mata. Ali nggelukN, tegi Diha sendo le Mori Keraéng.

IBRANI 5:7 ပူးပေါင်းရင်းမြစ်များ

MATÉUS 27:46

Anggat ongga telu, ciék-idén Mori Yésus: “Eli, Eli, lama sabakhtani?” Ngong: Mori Daku, Mori Daku, co’o tara ledong Akud Ité?

MATÉUS 27:50

Mori Yésus ciék da’at koléy, agu beté nain.

MARKUS 15:34

Agu du ongga telu kepok Mori Yésus agu werés kéta rewengn: “Éloi, Éloi, lama sabaktani?”, ngong: Mori gé, é Mori gé, co’o tara pencang Akud Ité?

MARKUS 15:37

Og kali kepokn Mori Yésus agu werés kéta rewengn agu beté nain.

LUKAS 23:46

Itu kali kepok agu reweng mésén Mori Yésus: “Yo Ema, lobo limé Diték Aku téingn naig.” Du poli curup hituN, Hia beté naiN.

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

YOHANÉS 11:35

Rétang’g Mori Yésus.

YOHANÉS 11:42

Pecing laku Ité pinga mtaung Akut, maik ali ata do so’ot hesé baling mai Aku, taé Laku, kudut imbi lisé, te Itéy hitut poli wuat Aku.”

YOHANÉS 17:1

Nenggituy curup de Mori Yésus. Itu kali congan nggere-éta awang, mai taéN: “Ema caig leson; bong koé Anakm, kudut Anakm bong itéy.

ROMA 8:3

Ai apa ata toé ngancéng pandén le wintuk Taurat landing le lunggu-lepé dité, poli pandén le Mori Keraéng. Ali wuat Anak de Run cama ného manusia hitut ndékok, agu latang te ampong ndékok, Hia poli téing wahéng oné Mori Yésus landing le ndékok de manusia.

GALATIA 4:4

Maik du rapakg leson, itu kali Mori Keraéng wuat AnakN. Hia loas le cengata iné-wai agu mosé lorong wintuk Taurat.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

IBRANI 10:10

Ai ali ngoéng di Kristus, ité poli pandé nggeluk cangkalin latang te tédéng lén, le takung weki de Run.

IBRANI 10:5

Landing hitu du hi Kristus mai oné linoy, nggo’o taéN agu Mori Keraéng: “Hélang agu takung toé tibas Lité -- ai Ité poli ambi weki Daku --.

IBRANI 11:7

Le imbin, hi Noé poli langgan le Mori Keraéng latang te cao-ca situt toéd ita. Hia lorong jér de Mori Keraéng te ambi kepal kudut selamak haé kilon. Lino ho’o hena le wahéng, maik hi Noé rékéng le Mori Keraéng ca ata molor lorong agu imbin.

IBRANI 12:28

Jari, mait ga ité wali di’a agu ngaji kamping Mori Keraéng, ai ité tiba adak ata toé ngancéng gégoy. Mait ga ité wali di’a agu ngaji te hiang Hia, lorong wintuk ata patun Liha.

IBRANI 13:20

Mori Keraéng poli pandé mosé kolén Mori Yésus oné-mai ata mata. Ali mataN hitu, ho’o ga Hia ciri Ata Lami Mésé sanggéd jimbalN. Le mataN hitu kolé, pandé petok reké de Mori Keraéng tédéng lén agu ité.

IBRANI 2:14

Ai sanggéd anak situ manusia ata ngancéng mata. Itu tara Hia kolé ciri cama ného isé agu lut cama ného isé. Kudut lut mata Diha, Hia pandé lerak jing da’at hitut manga kuasan latang te mata.

1 YOHANÉS 4:3

Maik céing ata toé imbi hi Yésus Kristus, hia toé paéng Nai Nggeluk hitut widang de Mori Keraéng. Hia hitu paéng nai data bali di Kristusy. Danong poli dengén le méu te nai data bali hitu kudut maiy, ngot te ho’on ga polig mangan oné lino.

2 YOHANÉS 1:7

Do tuad ata nggopét agu ngo oné temu tana linos. Ata nggopét situ toé imbi te hi Yésus Kristus poli wa’un oné lino ba tara de manusia. Hitus dé ata bali di Kristus te pandé wéléng ata.