IBRANI 4:9 - Bahasa Manggarai New Testament

⁹ Jari, manga kin améngn ca leso gel, ngong leso te pitun, latang te ro’éng de Mori Keraéng.

IBRANI 4:9 ပူးပေါင်းရင်းမြစ်များ

MATÉUS 1:21

Hia kudut loas anak ata rona, agu téing le hau ngasangn hi Yésus, ai Hia kudut sambé sanggét ro’éngn oné mai ndékokd.”

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

IBRANI 11:25

Hia céwé ngoéng ta’ong susa cama-cama agu ro’éng de Mori Keraéng, po mosé minak dokong oné-mai ndékok.

IBRANI 3:11

Aku wada lari rabog: Isé toé ngancéng ngo oné osang asi Dakus.”

IBRANI 4:1

Landing hitu, co’om jerék koét, boto manga cengatan ata oké musi, koném po reké te ngo oné osang asi Diha manga kin.

IBRANI 4:10

Ai céing kaut ata poli ngo oné osang asi Diha, hia hitu poli gel oné-mai sanggéd gorin, cama ného Mori Keraéng gel oné-mai sanggéd gori Diha.

IBRANI 4:3

Landing itét manga imbid, te ngo oné osang asi, ného manga taé Diha: “Wadak Aku oné rabo: Isé toé ngo oné osang asi Dakus.” Mori Keraéng taé nenggitu, koném po polis gori Diha du pu’ung dédékn lino.

IBRANI 4:8

Ai émé hi Yosua poli dadé isé nggere-oné osang baté asi, toét-toé, Mori Keraéng toé manga curup musi-main latang te ca leso ata bana kolé.

1 PETRUS 2:10

Danong méu toé ro’éng de Mori Keraéngm, maik te ho’on poli ciri ro’éng Dihas. Danong méu toé momangm le Mori Keraéng, maik te ho’on poli tiba momang Dihas.

WIDANG SI’ANG ONÉ HI YOHANÉS 14:13

Poli hitu dengé laku reweng éta-mai Surga, “Tulis ga: Pu’ung ho’o muing, mosé di’a sanggéd atat mata neki ca agu Mori Keraéng.” “Tu’ung, toé cela,” walé de Nai Nggeluk, “kudut isé te gel oné-mai gori wuli-mpoatd, ai cir sanggéd keturu disé, loréng iséy.”

WIDANG SI’ANG ONÉ HI YOHANÉS 21:4

Hia te koso lu’u disé, agu toég manga kolé mata, walu, jéjéng ko ngawa-ngaés, ai sanggéd taung situt manga, polis morad ga.”