IBRANI 3:3 - Bahasa Manggarai New Testament

³ Maik Mori Yésus patun te tiba mengit ata céwé mésén oné-mai hi Musa. Cama ného ata pecing gambar mbaru, céwé hiang lata oné-mai mbaru hitut pandén.

IBRANI 3:3 ပူးပေါင်းရင်းမြစ်များ

MATÉUS 16:18

Aku taé agu hau: hau Pétrus, hau watu nampar, éta lobo hau Aku te hesed ro’éng Daku, toé ngancéng kodan le kuasa de mata.

1 KORINTUS 3:9

Ai ami haé-reba oné ca gori latang te Mori Keraéng, méu cama ného uma lokang agu cama ného mbaru de Mori Keraéng.

2 KORINTUS 3:7

Reké manga situt titong nggere-oné mata, danong wetik oné watu lempé. Maik du téid, mengit de Mori Keraéng loréng kin agu hi Musa. Ai koném po sagém koléy, néra ranga di Musa cili-celap kin wiga mata data Israél toé ta’ong te lélon. Émé reké manga mai agu mengit nenggitu mésén,

KOLOSÉ 1:18

Hiay sa’i de weki, ngong ata serani. Hiay ata ngaso, ata laring cain to’o kolé oné-mai ata mata, wiga Hia muing ata céwé landon oné-mai sanggén cao-ca.

IBRANI 2:9

Ata ita dité kali, te Mori Yésus cerepa-mata kauty céwé radak oné-mai sanggéd malékat. Ali susa mésé, Hia te pandé lonto oné osang mengit agu hiang kéta. Landing le tabing de Mori Keraéng, Hia matay latang te sanggén manusia.

IBRANI 3:4

Bo kali néténg mbaru pandé le cengata ata pecing gambar, maik hanang weki run Mori Keraéng ata pecing gambar sanggéd ménan.

IBRANI 3:6

Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.