IBRANI 3:1 - Bahasa Manggarai New Testament

¹ Landing hitu asé-ka’én, ata poli pilé le Mori Keraéng, delem koé nuks latang te Mori Yésus. Hia wuat le Mori Keraéng te ciri Rasul agu Imam Mésé hitut imbi dité.

IBRANI 3:1 ပူးပေါင်းရင်းမြစ်များ

YOHANÉS 17:3

Ho’oy mosé tédéng lén hitu, ngong isé pecing Ité, Mori hitut ca kanang kali ata tu’ungn, agu pecing hi Yésus Kristus ata wuat tu’ung Litéy.

YOHANÉS 20:21

Cangkalin kolé Mori Yésus taé agu isé: “Hambor agu meler oné méu. Cama ného hi Ema wuat Akuy, nenggitu kolé te ho’on Aku wuat méuk.”

YOHANÉS 20:27

Poli hitu mai taéN ngong hi Tomas: “Puci oné pucu Daku mosom, agu lélo limé Daku, agu puci onén limém oné pucu Daku! Hau néka toé imbi koléh, maik imbi kali ga.”

TOMBO PÉTÉ GORI DE RASUL-RASUL 1:15

Manga ca leso hi Pétrus hesé oné bahi-réha asé-ka’én situt ca imbis, lari liup neki cad, aram ceratus suampulu atas dod, mai taén:

ROMA 11:17

Landing hitu émé pisad dangka haju zaitun, ngong ata Yahudi poli ndapud, agu méut ata toé Yahudi, cama ného cing siot tangkep oné dangka situt poli ndapud. Wiga méu kolé ného dangka ata tiba lahén onémai nunu de haju zaitun.

ROMA 15:27

Wérét hitu disé ali nai ngalis, agu hitu muing ata paka pandé disé. Ai émé sanggéd wa’u bana poli tiba paéng de wakar data Yahudi, itu tara paka isé kolé campé ata Yahudi ali paéng de lino ho’o disé.

ROMA 15:8

Betuan daku nggo’oy: Latang te molor de Mori Keraéng hi Kristus poli ciri ata keturu laing latang té ata sunat kudut te pandé mberés reké ata poli téi Diha latang te empo dité,

ROMA 9:24

ngong ité ata poli bénta Liha toé hanang oné mai ata Yahudi, maik oné mai wa’u bana kolé.

1 KORINTUS 1:2

latang te weki serani de Mori Keraéng oné Korintus. Weki serani situ poli pandé nggelukd agu poli béntad te ciri ata nggeluks landing hi Kristus Yésus. Agu sanggén ata néténg osang, ata ngaji le ngasang de Mori Keraéng dité hi Yésus Kristus, Mori disé agu Mori dité.

1 KORINTUS 10:17

Ai ca kali roti hitu, wiga ité koném po ata dot, hanang ciri ca wekit kali ga, ai sanggéd taung ité tiba maki ditén oné roti hitut ca’y kali.

1 KORINTUS 9:23

Sanggéd taung situ pandés laku landing Keréba Di’a, kudut aku kole tiba berkak.

2 KORINTUS 1:7

Mésen kéta bengkes dami latang te méu. Ai pecing lami, te méu lut kolé oné pa’it réa cama ného ami, wiga méu kolé tiba lémbu cama ného ami.

2 KORINTUS 9:13

Ai méu poli ta’ong damang oné gori keturu hitu, isé bong ngasang de Mori Keraéng ali ita junggu de méu oné imbi Keréba Di’a di Kristus. Isé kolé bong ngasang de Mori Keraéng ali gawas de méu le pati sanggéd cao-ca oné isé agu sanggéd ata.

ÉFÉSUS 3:6

Ho’oy pété ceha hitu: lut Keréba Di’a hitu, ata toé Yahudi ngancéng tiba sanggéd berkak de Mori Keraéng hiot danong ambi latangt ata Yahudi kanang. Sanggéd ata toé Yahudi poli ciri nggota de weki hitut ca agu tiba apa ata poli reké de Mori Keraéng létang laing hi Kristus Yésus.

ÉFÉSUS 4:1

Aku hi Paulus, ata bui landing keturu Mori Keraéng, toing méu: mosé koém ného taras ata poli pilé le Mori Keraéng.

ÉFÉSUS 4:4

Hanang ca kanangy kali weki agu ca kanangy kali Nai Nggeluk, nenggitu kolé méu tara pilés, kudut ca kauty kali bengkes.

PILIPI 3:14

Itu tara toé ké’étg aku mping kudut haéng ontong du turung cemoln, ngong mosé tédéng lén éta Surga; latang te hitup tara béntad ité le Mori Keraéng lorong hi Kristus Yésus.

KOLOSÉ 1:12

agu wali di’a oné hi Ema. Hi Ema hitu dé ata pandé naun méu kudut tiba maki ata poli wérét latang te sanggéd ata serani oné adakN hitut gérak.

KOLOSÉ 1:22

te ho’on pandé hambor Liha oné weki di Kristus ali mata Diha kudut méu ciri nggeluk agu toé manga celas oné ranga Diha.

KOLOSÉ 3:12

Landing hitu, ai méu ata poli pilé le Mori Keraéng te ciri nggeluk agu momang Liha, méu weli ga paka: lembak nai, gawas, kasi-asi nai, hemu-hel, agu ngéngga nai.

TÉSALONIKA 2:12

Tegi tu’ung lami, kudut mosé de méu lorong ngoéng de Mori Keraéng ata bénta méu nggere-oné osangN agu mengit Diha.

TÉSALONIKA 5:27

Le ngasang de Morin, tegi tu’ung kéta laku agu méu, kudut surak ho’o paka bacang le sanggéd asé-ka’é ca imbi.

2 TÉSALONIKA 1:11

Ai méu te téing hiang Mori Keraéng, landing hitu ami toé ké’ét ngaji latang te méu. Icin ngaji dami, kudut Mori Keraéng bénta méu te mosé lorong ngoéng Diha. Mori Yésus te pandé besik sanggéd gori lut ngoéng de méu.

2 TÉSALONIKA 2:14

Latang te hitu Hia poli bénta méu lut Keréba Di’a hitut wéro dami, wiga méu ngancéng tiba mengit di Yésus Kristus, Mori dité.

2 TIMOTÉUS 6:12

Rié koém oné imbi ata molor, rumbu koé le méu mosé tédéng lén. Latang te hitu hau tara béntam agu poli wérét le hau reké ata molorn, olo-mai ranga data saka-si do.

2 TIMOTIUS 1:9

Mori Keraéng ata pandé selamak ité, agu bénta ité te ciri ro’éng de Run. Pandé hitu Diha toé landing le apa ata poli pandé dité, maik landing le nanéng agu nabit de Run Hia. Tabing hitu widang Liha oné ité, loréng hi Kristus Yésus du toé di dédékn lino ho’o.

2 TIMOTIUS 2:7

Séngét dé-di’a apa ata curup daku; Morin kudut téing oné hau pecing sanggén cao-ca.

IBRANI 10:19

Jari, asé-ka’én, ali dara de Mori Yésus itét ho’on ga cukung te ngo oné Lo’ang Nggeluk Kéta.

IBRANI 10:21

Ité te ho’on ga, manga cengata imam mésé ata ciri tu’an Mbaru de Mori Keraéng.

IBRANI 10:23

Mait ga ité metek tu’ung oné tura latang te bengkes dité, ai Mori Keraéng toé manga reké adongN.

IBRANI 13:22

Aku pedé méu asé-ka’én, kudut sanggéd toing so’o tiba le méu ali lilek de nais, koném po wokokn surak daku ho’o.

IBRANI 2:11

Ai hi Yésus hitut pandé nggeluk agu isé situt ciri nggeluks, sanggén taung mai oné-mai ca Ema. Itup tara Hia toé ritak caro isé ciri asé-ka’éN.

IBRANI 2:17

Itup tara oné sanggén cao-ca, Hia paka cama agu asé-ka’én. Ali hitu, Hia ciri Imam Mésé ata paéng momang agu junggu oné Mori Keraéng kudut pandé hambor ndékok de ro’éng.

IBRANI 3:12

Jerék koém asé-ka’én, kudut oné bahi-réha méu, néka manga cengatan koé ata nai da’at agu toé imbi, wiga ledong imbi Mori Keraéng hitut pu’un mosé.

IBRANI 3:14

Ai ité haé reba ca gori oné hi Kristus, tama ité metek tu’ung imbi hitu ného du pu’ungn dengkir agu cemoln.

IBRANI 6:20

Mori Yésus poli karong salang latangt ité nggere-oné osang nggeluk hitu, du Hia ciri Imam Mésé tédéng lén ného hi Melkisédék.

IBRANI 7:26

Ai Imam Mésé nenggitu ata sékék laingn lité: ata nggeluk, toé manga salan, toé manga saki-nai, bécang oné-mai ata ndékokn, agu céwé mengit oné-mai sanggéd lawa Surga.

IBRANI 7:28

Ai Adak Taurat poli téti ata siot toé besikd te ciri Imam Mésé. Maik du poli Adak Taurat, Mori Keraéng reké agu wada te téti AnakN ciri Imam Mésé ata besikn te tédéng lén.

IBRANI 9:11

Hi Kristus poli main ného Imam Mésé latang te sanggéd apa ata di’ad du leso tai: Hia poli ngo boné ndéi situt céwé mésé agu céwé besik ata toé pandé le limé de manusia, ngong toé oné-mai lino ho’ot poli dédék.

IBRANI 9:15

Hitup tara hi Kristus ciri Létang-témba oné-mai reké weru, kudut isé siot poli piléd ngancéng tiba mbaté tédéng lén hitut poli reké de Mori Keraéng. Ai manga ata matad, ngong hi Kristus, latang te sambé sanggéd lagé situt poli pandéd du reké hitut laring cain papé kin.

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.

1 PETRUS 3:5

Ai nenggitu muing molas de sangéd iné-wai nggeluk danong, ngong sanggéd iné-wai situt manga bengkesd oné Mori Keraéng, isé hiang ronad.

1 PETRUS 5:1

Aku toing sanggéd ata tu’a laing oné bahi-réha méu. Aku ho’o dé haé reba data tu’a laing de méu, ata saka-si ta’ong susa di Kristus agu ata kudut tiba lahé oné mengit di Kristus hitut si’ang tai.

1 PETRUS 5:10

Mori Keraéng pu’ud sanggéd widang poli pilé méu oné hi Kristus te dadé méu nggere-oné mengit Diha hitut tédéng lén. Du méu poli ta’ong cekoén susa, Hia kolé te pandé jepek, ndeng, mberes agu pandé metek méu.

1 YOHANÉS 1:3

Ata poli ita agu poli dengé dami, hituy dé ata keréba kolé lami, kudut méu nai-ca anggit agu amim. Tuka ca léléng dami hitu, ngong tuka ca léléng agu hi Ema agu hi Yésus Kristus AnakN.

YUDAS 1:1

Oné-mai hi Yudas, mendi de Mori Yésus Kristus agu asé-ka’é di Yakobus. Latang te isét poli piléd, ata momang le Mori Keraéng Ema agu sémbéng le Mori Yésus Kristus.

WIDANG SI’ANG ONÉ HI YOHANÉS 17:14

Isé kudut rampas dungkang Anak Jimbal. Maik Anak Jimbal hitu agu sanggéd ata situt imbi Hias, ngong isét poli piléd agu poli béntad, ngancéng pandé kodas raja situ, ai Anak Jimbal hitu dé, Mori de sanggéd mori agu Raja de sanggéd raja.”

WIDANG SI’ANG ONÉ HI YOHANÉS 18:20

Oé lawa Surga, nakam ga, ai béndar hitu polig rencon! Oé weki serani, sanggéd rasul agu nabi, nakam ga, ai Mori Keraéng poli wahéng hian te léko sanggéd pandé diha latang te méu.”