IBRANI 2:6 - Bahasa Manggarai New Testament

⁶ Ngot manga ata poli téing saka-si oné surak nggeluk ata tulis nenggo’o: “Mori, céing manusia hitu wiga nuk kéta Lité? Céing anak manusia hitu wiga pinga Lité?

IBRANI 2:6 ပူးပေါင်းရင်းမြစ်များ

LUKAS 1:68

“Naring kétay Morin, Mori Keraéng de Israél, ai Hia la’at ro’éngn agu ba géal latangt isé,

LUKAS 1:78

le widang agu mohas oné mai Mori Keraéng dité, ali nia Hia te laat ité, mataleso gula éta mai osang langkas,

LUKAS 7:16

Sanggéd ata situ rantang da’ats, agu isé bong Mori Keraéngs, cang agu taéd: “Cengata nabi mésé poli mangan oné bahi-réha ité. Mori Keraéng mai ba te selamak ro’éngn.”

TÉSALONIKA 4:6

Oné pété ho’o, néka manga ata pandé woréng agu nggopét oné asé-ka’é ca imbi. Ai Morin te lékos oné-mai sanggéd pandé situ, ného hitut poli taén agu masa kétay reweng dami danong agu méu.

IBRANI 4:4

Ai latang leso te pitun poli dé’it tombon oné Surak Nggeluk, “Mori Keraéng asi oné leso te pitun, oné-mai sanggéd gori Diha.”

IBRANI 5:6

Taé kolé le Mori Keraéng, “Hau Imam tédéng lén ného hi Mélkisédék.”

1 PETRUS 1:11

Isé kolé mbajik kéta cécan, te du niay agu co’oy jarin lorong nuk de Nai di Kristus hitut manga oné isé. Nai hitu dé ata poli keréba latang te sanggéd susa ata kudut hena hi Kristus agu latang te sanggéd mengit situt tua musi-maid.