IBRANI 2:3 - Bahasa Manggarai New Testament

³ Ité toé ngancéng cépéd émé pandé kéba kaut keréba selamak hitut mésé, ata keréba le Morin laring cain agu nesa kéta oné ité lisét poli dengé Hia.

IBRANI 2:3 ပူးပေါင်းရင်းမြစ်များ

MATÉUS 23:33

Oé méut ular, oé méut waé de ular mbangi! Co’o méu kong mo’éngs, oné mai wahéng de api neraka?

MATÉUS 4:17

Pu’ung du hitu wéwa le Mori Yésus: “Teserm ga, ai Adak de Surga ruis gi!”

MARKUS 1:14

Du poli dekon hi Yohanés, itug kali main Mori Yésus nggere-oné Galiléa te toing Keréba Di’a de Mori Keraéng,

LUKAS 1:2

ného siot tombo agu ité lisé, isét du wangka pu’ungn ita le matad agu ata bad keréba.

LUKAS 1:69

Hia pandé todo ca rangga selamak te ité, oné mai waé di Daud, mendin,

LUKAS 24:19

Mai taén ngong isé: “Apa hitu ta?” Mai walé disé: “Apa hitut jari oné weki de Mori Yésus ata Nasarét. Hia cengata nabi, ata manga kuasaN oné gorin agu curupN oné ranga de Mori Keraéng, nenggitu kolé oné ranga de sanggéd uku dami.

YOHANÉS 15:27

Maik méu kolé paka ciri sakasi, ai méu du wangka pu’ung muingm ga cama laing agu Akum.”

TOMBO PÉTÉ GORI DE RASUL-RASUL 1:22

Pu’ung oné mai cebong di Yohanés dengkir agu leso héndéngn Mori Yésus nggere-éta Surga agu ledong ami kudut ciri saka-si ného ami latang te to’o kolé'N.”

TOMBO PÉTÉ GORI DE RASUL-RASUL 2:22

Oé, ata Israél séngét di’a-di’a curup ho’o: Mori Yésus oné mai Nasarét cengata ata poli pilé le Mori Keraéng agu toto oné méu ali mberes agu sanggéd tanda lenget ata pandé le Mori Keraéng lut Hia oné bahi-réha méu, ného hitut pecing de méu.

TOMBO PÉTÉ GORI DE RASUL-RASUL 4:12

Toé manga selamak oné mai céi-céing kaut, hanang oné Hia, ai oné lino ho’o, toé manga ngasang cebana ata téi oné manusia, kudut le ngasang hitu ité haéng selamak.

ROMA 11:14

Bengkes daku ngancéng pandé jogot nai de wa’u daku Israél wiga ngancéng pandé selamak pisa atan oné mai isé.

ROMA 2:3

Agu hau, oé manusia, haut beté-bicar isét pandé nenggitu, kali po weki rum hau kolé pandé nenggitu. Co’o nuk de hau, te cépé oné mai wahéng de Mori Keraéng?

1 KORINTUS 1:21

Landing nggalas de lino ho’o toé pecing Mori Keraéng, itup tara nggalas de Mori Keraéng henan te pandé selamak isé situt imbi ali wéro de Keréba Di’a atat loi-la’it taé de lino.

TÉSALONIKA 5:3

Émé nggo’o taé data: Sanggén taung hambor agu meler – itu kali isé rodo hena le ampus, cama ného ca iné-wai hiot ata beti kudut loas – toé te toés isé, toé manga mba’éd.

2 TIMOTÉUS 1:15

Curup ho’o molorn agu patun te tiba di’a-di’ay, “Hi Kristus Yésus mai oné lino ho’o latang te pandé selamak ata ndékok.” Agu oné-mai sanggéd ata ndékok situ, aku kétay ata ndékok mésén.

TITUS 2:11

Polig si’angn tabing de Mori Keraéng pandé selamak taung manusia.

IBRANI 1:1

Médé Mori Keraéng dongkalin curup agu empo dité, lut sanggéd nabi ali do kéta tarad ban curup hitu.

IBRANI 1:14

Sanggéd malékat situ ata keturu de Mori Keraéng éta Surga, agu ata wuat Liha te campé sanggéd ata te tiba mbaté selamaks.

IBRANI 1:2

Maik du turung cemoln ho’o, Hia curup agu ité lut AnakN, ata poli letin Liha ciri ata mbaté sanggéd cao-ca. Lut Hia Mori Keraéng poli dédék tanan-wa agu awangn éta.

IBRANI 12:25

Jerék koém, méu paka tiba agu séngét Hia hitut ban curup hitu. Isét ogo te séngét Hiat mai oné lino ho’o ata ba keréba de Mori Keraéng, toé ngancéng célad oné-mai wahéng. Apan kolé ité te ho’on, émé ité hedong oné-mai Hia hitut curup éta-mai Surgan.

IBRANI 4:1

Landing hitu, co’om jerék koét, boto manga cengatan ata oké musi, koném po reké te ngo oné osang asi Diha manga kin.

IBRANI 4:11

Landing hitu, mait ga ité wuli- weki te ngo oné osang asi hitu, kudut néka koé manga cengatan ata pa’u landing lut toming disét danong ata toé lorong agu toé imbi.

IBRANI 5:9

Ali hitu, Hia ciri ata sambé ata besik, agu ciri pu’un selamak tédéng lén latang te sanggéd atat junggu oné Hia.

IBRANI 9:28

Nenggitu kolé hi Kristus hanang cangkalin kaut takung Weki Run latang te koso ndékok data do. Poli hitu Hia si’ang Weki Run te suangkalin toé latang te koso ndékok, maik te tabing selamak oné isét géréng Hia.

1 YOHANÉS 1:1

Reweng hitut téing mosé, polig manga du wangkan. Ami poli dengén le tilugm, poli ita dungkan le matagm, poli saka-si agu poli cau kéta le limé rugm. Hitu ata tulisn lami oné méu.

YUDAS 1:17

Asé-ka’é ata momang laku! Idep koé apa ata poli tombod oné méu danong le sanggéd rasul di Yésus Kristus Mori dité.

WIDANG SI’ANG ONÉ HI YOHANÉS 7:10

Ali reweng hitut télés kéta, mai taéd, “Selamak dité hanang oné-mai Mori Keraéng ata lonto éta seriga, agu oné-mai Anak Jimbal!”