IBRANI 2:10 - Bahasa Manggarai New Testament

¹⁰ Ai naun tu’ung Mori Keraéng - Hia ata dédék sanggéd cao-ca lorong ngoéng de Weki Run – pandé jepek Hiat karong salang - agu titong isé nggere-oné selamak lut susa. Ali hitu sanggén manusia kolé tiba mengit agu hiang ného Hia.

IBRANI 2:10 ပူးပေါင်းရင်းမြစ်များ

LUKAS 13:32

Mai walé de Mori Yésus agu isé: “Ngo ga, agu taé oné acu cekel hitu: Aku mbér jingk agu pandé ina atak leso ho’o agu diang, agu du leso te telun Aku te pandé polis.

LUKAS 2:14

“Bong kéta latang te Mori éta awang-ngkiang, agu hambor-meler oné lino latang te manusia situt henan agu Hia.”

LUKAS 24:26

Toé weli hi Mesias paka cukung susa taung situ, kudut ngo nggere-oné dirapn?”

LUKAS 24:46

Mai taéN ngong isé: “Manga tulis nenggo’o: Hi Mesias paka matay agu to’o kolé oné mai ata matan, oné leso te telun;

YOHANÉS 11:52

Agu toé latang te uku hitu kanang, maik latang kolé te impung agu pandé neki cas Anak de Mori Keraéng situt bégas.

YOHANÉS 19:30

Du poli inung anggor héo hitun Mori Yésus, mai taéN: “Poli ga!” Itug kali tenggukn sa’iN agu beté naiN.

TOMBO PÉTÉ GORI DE RASUL-RASUL 3:15

Méu poli mbelé Hiat wé’ang salang te mosé di’a, maik Mori Keraéng pandé mosé kolé Hia oné mai ata mata, agu latang te hitu ami ho’o saka-sin.

TOMBO PÉTÉ GORI DE RASUL-RASUL 5:31

Hiap hitut poli téti nggere-étan le Mori Keraéng ali limé wanangN, ciri Karong Salang agu Ata Selamak, kudut tesers ata Israél agu tiba ampong ndékok.

ROMA 11:36

Ai sanggéd cao-ca oné mai Hiad, ali Hia, agu latang te Hia. Naring ga Hia dengkir tain! Amén.

ROMA 9:23

Mori Keraéng kolé ngoéng te toto bora mengit Diha, latang te sanggéd ata momang Diha ata poli mengkekd latang te mengit,

1 KORINTUS 2:7

Maik situt keréba dami, nggalas de Mori Keraéng. Nggalas hitu toé ita le matas agu pété cehas latang te lino ho’o, maik poli mengkekd le Mori Keraéng latang te angos dité du toé di dédékn lino ho’o.

1 KORINTUS 8:6

Maik latang te ité hanang manga ca kanangy kali Mori Keraéng, Hi Ema, ata dédékd sanggéd cao-ca. Latang te Hiat ité moséd. Agu ca kanang kali Morin ngong hi Yésus Kristus, ata lut Hia sanggéd cao-ca poli dédék agu landing le Hia, ité moséd.

2 KORINTUS 3:18

Sanggéd taung ité ho’o toé manga rédung rangad, ai sereméng mengit de Mori Keraéng. Mengit hitu mai oné mai Mori Keraéng, itu tara ité rémé célungd te ciri cama agu gambar Diha, oné mengit hitut tambang mésén.

2 KORINTUS 4:17

Ai kélo géal ho’o ga, te cir latang te ami mengit tédéng lén ata labi oné mai sanggén cao-ca, céwé mésé oné mai kélo dami.

2 KORINTUS 5:18

Sanggéd taung so’o oné mai Mori Keraéng ata le tongka di Kristus poli hambor ité agu Hia agu poli imbin gori keturu latang te hambor hitu oné ami.

2 KORINTUS 6:18

Aku kudut ciri Ema de méu, méu kudut ciri anak Daku, ata rona agu iné-wai, nenggitu dé reweng de Mori Keraéng pu’un kuasa.”

GALATIA 3:26

Ai sanggés taung méu ciri anak de Mori Keraéng lut imbis oné hi Yésus Kristus.

ÉFÉSUS 2:7

Pandé hitu le Mori Keraéng kudut du nggere-olon tai, manusia ngancéng noing, co’oy mésén momang de Mori Keraéng. Momang méséN hitu toto oné ité létang laing hi Kristus Yésus.

ÉFÉSUS 3:10

Te ho’on ga, ngoéng de Mori Keraéng lut weki serani, kudut sanggéd ata cau kuasa éta awang, pecing do tarad nggalas de Mori Keraéng.

KOLOSÉ 3:4

Émé itay tai hi Kristus hitut teing ité mosé, ita kolé méu cama agu Hiam oné angosN.

2 TIMOTIUS 2:10

Landing hitu aku ta’ong te tanggong sanggéd taung situ latang te di’a sanggéd ata pilé de Mori Keraéng kudut isé kolé tiba selamaks oné hi Kristus Yésus ali mengit tédéng lén.

IBRANI 12:2

Mait ga, mata dité paka jeténg nggere-oné Mori Yésus, ai Hia dé ata pandé kéngko agu tinu imbi dité pu’ung du wangkan dengkir agu cemoln. Mori Yésus poli ta’ong susa oné haju panggol. Toé rékéng Liha te mata oné panggol hitu pandé ritak laing. Nuk Diha kali cembes latang te mosé nggere-olon. Te ho’on ga, Hia lonto oné racap wanang seriga de Mori Keraéng kudut cama-cama cau adak.

IBRANI 6:20

Mori Yésus poli karong salang latangt ité nggere-oné osang nggeluk hitu, du Hia ciri Imam Mésé tédéng lén ného hi Melkisédék.

IBRANI 7:26

Ai Imam Mésé nenggitu ata sékék laingn lité: ata nggeluk, toé manga salan, toé manga saki-nai, bécang oné-mai ata ndékokn, agu céwé mengit oné-mai sanggéd lawa Surga.

IBRANI 7:28

Ai Adak Taurat poli téti ata siot toé besikd te ciri Imam Mésé. Maik du poli Adak Taurat, Mori Keraéng reké agu wada te téti AnakN ciri Imam Mésé ata besikn te tédéng lén.

1 PETRUS 1:12

Latang te nabi situ poli si’ang le Mori Keraéng, te isé toé gori keturu latang te weki rud, maik gori keturu latang te méu; ngong sanggéd cao-ca ata poli si’ang dengéd le méu oné-mai ata ba Keréba Di’a. Sanggéd ata situt ba Keréba Di’a, téing kuasa le Nai Nggeluk hitut wuat éta-mai Surga. Ngot sanggéd malékat kolé nanang te pecing Keréba Di’a hitut wéro disé.

1 PETRUS 5:1

Aku toing sanggéd ata tu’a laing oné bahi-réha méu. Aku ho’o dé haé reba data tu’a laing de méu, ata saka-si ta’ong susa di Kristus agu ata kudut tiba lahé oné mengit di Kristus hitut si’ang tai.

1 PETRUS 5:10

Mori Keraéng pu’ud sanggéd widang poli pilé méu oné hi Kristus te dadé méu nggere-oné mengit Diha hitut tédéng lén. Du méu poli ta’ong cekoén susa, Hia kolé te pandé jepek, ndeng, mberes agu pandé metek méu.

WIDANG SI’ANG ONÉ HI YOHANÉS 4:11

“Yo Mori, agu Mori Keraéng dami, Ité naun te tiba naring, hiang agu kuasa; ai Ité poli dédék sanggéd cao-ca; agu landing le anor Dité sanggéd taung situ mangas agu poli dédékd.”

WIDANG SI’ANG ONÉ HI YOHANÉS 7:9

Poli hitu ita laku: monggur-kouk kétas lawa oné mai néténg wa’u, panga, uku agu curup hesé bolo-mai seriga agu bolo-mai ranga de Anak Jimbal. Sanggéd taung isé paké juba bakoks agu oné liméd cau saung cigir.