IBRANI 13:9 - Bahasa Manggarai New Testament

⁹ Néka lut le méu sanggéd toing situt melet, ata pandé wéléng méu. Ai ata di’an, nai de méu ndeng hanang le tabing de Mori Keraéng, toé le sanggéd wintuk latang te hang ata toé manga betuan oné isé situt lorongn.

IBRANI 13:9 ပူးပေါင်းရင်းမြစ်များ

MATÉUS 24:24

Ai mésias-mésias tangké agu nabi-nabi tangké-té cais agu isét ngancéng pandé tanda mésé agu tanda lenget, wiga émé ngancéng kolé pandé wéléng ata poli lird.

MATÉUS 24:4

Mai walé de Mori Yésus agu isé: “Néka témo, boto manga ata pandé cibul méu!

LUKAS 5:38

Maik anggor ata werud paka na’a oné kandi ata werun kolé.

TOMBO PÉTÉ GORI DE RASUL-RASUL 20:30

Ngot oné mai weki rus méu, te cai pisa taus ata agu toing adong’d, gejur kéta te pandé péndot ata nungku oné mai salang molor kudut lorong isé.

TOMBO PÉTÉ GORI DE RASUL-RASUL 20:32

Te ho’on aku téi méu oné Mori Keraéng agu oné reweng widang Diha ata manga kuasan latang te pandé metek méu, agu widang oné méu mbaté ata poli letin latang te sanggén ata poli pandé nggelukd Liha.

ROMA 14:17

Ai adak de Mori Keraéng toé tombo hang agu inung, maik lorong ngoéng de Mori Keraéng, hambor-meler agu cembes oné Nai Nggeluk.

ROMA 14:2

Manga ata imbi tu’ung te ngancéng hang sanggéd apa kaut ngoéngn, maik ata situt toé mberes imbi hang uté kanangs.

ROMA 14:6

Céing ata hitut petot kéta ca leso céwé mésén, pandé hitu diha latang te hiang Mori Keraéng. Céing ata hang apa kaut, pandé hitu liha te hiang agu te wali di’a oné Mori Keraéng. Céing ata woni, pandé hitu liha te hiang agu te wali di’a oné Mori Keraéng.

1 KORINTUS 6:13

Manga kolé ata taé nenggo’o, “Hang latang te tuka agu tuka latang te hang,” maik hang ko tuka te pandé ampus tai le Mori Keraéng. Ai weki toé latang te pandé loma, landing latang te keturu Mori Keraéngy, agu Mori Keraéng latang te tinu weki.

1 KORINTUS 8:8

“Apa ata hang dité, toé ngancéng ba ité te céwé ruis agu Mori Keraéng. Toé manga rowak apa-apad, émé ité toé hang, agu toé manga ontong apa-apad émé ité hang.”

2 KORINTUS 1:21

Ai Mori Keraéng ata poli pandé mberes ami agu méu te nai ca anggit oné hi Kristus; Hia kolé ata poli palas tara-wetik weki ali Nai Nggeluk,

GALATIA 6:1

Asé-ka’én, koném po hiat cengata haéng le méu lari lagé peréntan, méut mosé lorong Nai Nggeluk paka titong ata hitu le nai lembak nggere-oné salang molor. Jerék kolé wekis, kudut néka hena le damang.

ÉFÉSUS 4:14

Ité toé ciri ného anak koé kolét, hitut lingu-langu le bombang toing disét joak, ai toing disé situt penong joak pandé wéléng ata.

ÉFÉSUS 5:6

Méu néka wéléng landing le curup data siot toé manga betuan, ai curup disé situ pandé siro rabo de Mori Keraéng.

KOLOSÉ 2:4

Tombo ho’o laku, boto manga ata adong méu ali curup ata minakd.

2 TÉSALONIKA 2:17

Landing hitu, ami toé ké’ét ngaji latang te méu, nahé Morin téing lémbu agu mberes nai oné sanggéd pandé agu curups ata di’an.

2 TÉSALONIKA 2:2

kudut méu néka gélang bules agu simpung ali gérak de Nai Nggeluk ko ali Keréba Di’a ko surak ata katu dami oné méu, néhot leso de Mori polig cain.

2 TIMOTÉUS 6:20

Oé Timotius, tinu dia-di’as apa ata poli imbid oné hau. Tadang koé oné-mai curup nggopét, pandé ata toé nggelukd agu léwang tau siot le carod pecing do, kali ata nggopét.

1 YOHANÉS 4:1

Asé-ka’é ata momang laku! Néka imbi oné sanggéd ata siot taéd manga paéng Nai Nggeluk. Maik olong kapa di, ot Nai Nggeluk disé situ mai oné-mai Mori Keraéngd ko toé. Ai nggele-nggaur kétas nabi tangké oné temu tana lino ho’o.

YUDAS 1:12

Ba weki disé so’o pandé luék pucu de méu du lonto hang cama, ai isé longkir kétas, toé ritaks ali nuk kaut weki rud. Isé cama ného rewung hiot wéwét le buru toé cir usang; cama ného haju hiot toé manga cir wuad koném po cekeng wua; ného haju siot poli kebut wakéd agu rengga kéta taungs.

YUDAS 1:3

Asé-ka’én ata momang kéta laku! Rémé koé mping’g aku tulis latangt méu, kudut te selamak cama dité. Tulis ho’o daku latangt méu ali hus naig te toing méu, kudut mping koé kis cau imbi hitut poli tiba le sanggéd weki serani.