IBRANI 13:7 - Bahasa Manggarai New Testament

⁷ Nuk di’a-di’a latang te sanggéd tu’a de méu situt poli tombo rewéng de Mori Keraéng oné méu. Idep de-di’a du moséd agu du cemol moséd, tunti koé le méu imbi disé.

IBRANI 13:7 ပူးပေါင်းရင်းမြစ်များ

MATÉUS 24:45

“Céing mendi ata tipek agu nggalas nai, ata téti le morin te sanggéd ata do latang te téing hang du leso hitu?

LUKAS 12:42

Mai walé de Mori Yésus: Jari, céing weli ata wintuk mbaru, hiot junggu agu nggalasn, hitut kudut téti le Morin, ciri tu’ad sanggéd mendin, te téi hang du hitug redun?

LUKAS 5:1

Manga cangkalin Mori Yésus hesé oné lupi sano Genésarét, alang ata do nunggu-nenggér baling mai Hia te séngét curup de Mori Keraéng.

LUKAS 8:11

Ho’oy betuan rapang hitu: Wini situ ngong curup de Mori Keraéng.

TOMBO PÉTÉ GORI DE RASUL-RASUL 13:46

Maik ali rani nain hi Paulus agu hi Barnabas koléng isé: “Bo tu’ung latang te méu kéta laring cain keréba reweng de Mori Keraéng, maik toé tiba le méu, agu toé remo te tiba mosé tédéng lén. Landing hitu ami holés oné wa’u banakm.

TOMBO PÉTÉ GORI DE RASUL-RASUL 14:23

Oné néténg-néténg weki serani situ, rasul-rasul situ wérét muing ata tu’a laingn latang te weki situ agu du poli ngaji agu puasa, téis lisé ata tu’a situ nggere-oné Mori Keraéng ai oné Hia isé imbid.

TOMBO PÉTÉ GORI DE RASUL-RASUL 4:31

Agu du rémé ngajid isé, gégoy osang baté lipur disé agu sanggéd taung isé penong le Nai Nggeluks, og kali keréba lisé sanggéd reweng de Mori Keraéng agu mberes kétas.

ROMA 10:17

Jari, imbi teka le dengé, agu dengé teka le keréba latang te hi Kristus.

1 KORINTUS 10:13

Sanggéd damang situt poli manté de méu poli mantéd kolé lata do. Ai Mori Keraéng junggu kin, agu ali hitu Hia toé ondang méu te damang be pé’ang oné-mai mberes de méu. Du hena le damangs méu, Hia kudut téi anor méu, wiga méu ngancéng tanggongn damang hitu.

1 KORINTUS 11:1

Lorong koé ba weki dakum, cama ného aku lorong ba weki di Kristus.

1 KORINTUS 4:16

Landing hitu aku toing méu: Lorong koé le méu toming daku!

PILIPI 3:17

Asé-ka’én, lorong koé toming dakum agu lut koé isé siot mosé cama ného ami ata ciri toming latang te méu.

TÉSALONIKA 1:6

Agu méu lorong toming dami agu toming de Morin. Koném po méu ta’ong susa mésé, maik méu tiba Keréba Di’a hitu ali nisang nais. Nisang nai de méu hitu le widang de Nai Nggeluk.

TÉSALONIKA 2:13

Ami toé manga beténg te wali di’a oné Mori Keraéng, ai méu poli tiba reweng Diham, hitut keréba dami. Keréba dami hitu, toé ali curup de manusia, maik ali reweng de Mori Keraéng hitut manga oné nai de méu ata imbi Hia.

2 TÉSALONIKA 3:7

Ai pecing le weki rus méu, co’o méu paka lut toming dami, ai ami toé manga ngondé’gm te gori oné bahi-réha méu.

2 TÉSALONIKA 3:9

Toé landing toé manga hak’gm ami latang te hitu, maik pandé dami ca toming latang te méu, kudut lorong le méu.

2 TIMOTÉUS 3:5

Émé hia toé lencekn te wintuk kilo run, co’o hia ngancéng wintuk weki serani de Mori Keraéng?

IBRANI 13:17

Lorong koés sanggéd wintuk data tu’a laing agu junggu koém oné isé. Ai isé rinding mtaung méu, agu isé te papong oné Mori Keraéng. Wiga isé keturu ali nisang naid, toé ali tilir ata toé ba ontong latang te méu.

IBRANI 13:24

Caing koé le méu tabé dami, latang te sanggéd tu’a de méu agu sanggéd ro’éng ca imbi. Asé-ka’é ca imbi oné-mai Italia téing tabé kolé latang te méu.

IBRANI 6:12

Méu kali ga wingker koém, tunti isét ali imbid agu lembakd, mbaté sanggéd reké situ.

1 PETRUS 4:11

Céing ata ba keréba, paka ba keréba de Mori Keraéng; céing ata keturu laing, paka keturu lorong mberes hitut widang de Mori Keraéng, kudut oné sanggén cao-ca bongy Mori Keraéng landing hi Yésus Kristus. Latang te Hia dé bong agu kuasa tédéng lén! Amén.

WIDANG SI’ANG ONÉ HI YOHANÉS 1:9

Aku, hi Yohanés asé-ka’és ca imbi ata lut cama oné susa, oné ca tana de adak agu oné gepek géréng Mori Yésus. Aku poli okég oné nuca Patmos, landing wéro pedé de Mori Keraéng ata mberesy le Mori Yésus lut saka-siN.

WIDANG SI’ANG ONÉ HI YOHANÉS 20:4

Itug kali itan laku dod seriga agu penong atat lonto bétan. Isé situ tiba kuasa latang te beté-bicar. Ita kolé laku sanggéd wakar disét poli poka bokakd ali téing saka-si latang te Mori Yésus, agu landing ba keréba de Mori Keraéng. Isé so’o danong toé suju kaka hitu agu patungn, agu toé kolé tiba palas oné sa’i galad agu oné limé wanangn. Isé te mosé kolés agu perénta ného rajas cama laing agu hi Kristus tédéng ca sebu ntaung.

WIDANG SI’ANG ONÉ HI YOHANÉS 6:9

Du Anak Jimbal hitu nggé’i roku hitut te liman, ita laku bewa-mai compang sanggéd wakar disét poli mbeléd, landing le keréba reweng de Mori Keraéng lut saka-si disé.