IBRANI 13:20 - Bahasa Manggarai New Testament

²⁰ Mori Keraéng poli pandé mosé kolén Mori Yésus oné-mai ata mata. Ali mataN hitu, ho’o ga Hia ciri Ata Lami Mésé sanggéd jimbalN. Le mataN hitu kolé, pandé petok reké de Mori Keraéng tédéng lén agu ité.

IBRANI 13:20 ပူးပေါင်းရင်းမြစ်များ

MATÉUS 26:28

Ai ho’o dé dara Daku, dara baté reké ata bowo latang té ata do kudut ampong ndékokd.

MARKUS 14:24

Agu mai taé Diha agu isé: “Ho’o de dara Daku, dara baté reké, ata bowo latang te ata do.

LUKAS 22:20

Nenggitu kolé pandén agu piala anggor du poli hang, mai taé Diha: “Piala ho’o dé reké weru le dara Daku, hitut bowo latang te méuy.

YOHANÉS 10:11

Akuy ata lami jimbal hitut di’a. Ata lami jimbal di’a, oké mosén latang te sanggéd jimbaln;

YOHANÉS 10:14

Akuy ata lami jimbal situt di’a, agu pecings Laku jimbalg, jimbal Daku kolé pecing Akus,

TOMBO PÉTÉ GORI DE RASUL-RASUL 13:30

Maik Mori Keraéng pandé mosé kolé Hia oné mai ata mata.

TOMBO PÉTÉ GORI DE RASUL-RASUL 17:31

Ai Hia poli wérét ca leso kudut bicar lino le cengata ata poli tétin Liha. Agu kudut imbin le sanggén ata, Mori Keraéng poli pandé mosé kolé ata hitu oné mai ata matan!”

TOMBO PÉTÉ GORI DE RASUL-RASUL 2:24

Maik Mori Keraéng pandé to’o kolé Hia, du poli legon Hia oné mai cukung susa da’at, ai toé kongn Hia te ka’éng kin oné kuasa de mata da’at hitu.

TOMBO PÉTÉ GORI DE RASUL-RASUL 2:32

Mori Yésus ho’o hitu pandé to’o kolé le Mori Keraéng agu latang te hitu ami ho’o ata saka-sin.

TOMBO PÉTÉ GORI DE RASUL-RASUL 3:15

Méu poli mbelé Hiat wé’ang salang te mosé di’a, maik Mori Keraéng pandé mosé kolé Hia oné mai ata mata, agu latang te hitu ami ho’o saka-sin.

TOMBO PÉTÉ GORI DE RASUL-RASUL 4:10

kudut pecing di’a-di’a le méu agu le sanggén ro’éng Israél, te oné ngasang de Mori Yésus Krisrtus ata Nasarét hiot poli panggoln le méu, maik poli pandé mosé kolén le Mori Keraéng oné mai ata mata – landing ali Mori Yésus hitu tara ata ho’o hesé agu weki di’an wa ranga de méu te ho’on.

TOMBO PÉTÉ GORI DE RASUL-RASUL 5:30

Mori Keraéng empo dité, poli pandé mosé kolé Mori Yésus hitut mbelé de méu, ali wéo Hia oné haju panggol.

ROMA 1:4

maik lorong Nai Nggeluk si’ang le to’o kolé Diha oné mai ata mata, te Hia kéta Anak de Mori Keraéng ata manga kuasan, hi Yésus Kristus Mori dité.

ROMA 10:7

Ko, “Céing ata wa’u nggere-wa ngampang mata?”, ngong, Kudut téti hi Kristus oné mai ata matan kolé nggere-cé’é lino.

ROMA 15:33

Mori Keraéng pu’un hambor-meler, loréng agu méu! Amén.

ROMA 16:20

Mori Keraéng pu’un hambor-meler te gélang pandé ampus jing da’at be-wa mai wa’i de méu. Tabing de Mori Yésus, Mori dité, loréng méu!

ROMA 8:11

Émé Nai Nggeluk de Mori Keraéng hitut poli pandé to’o kolé Mori Yésus oné mai ata mata ka’éng oné méuy, te Hia hitut te pandé mosé kolé néng weki de méu hitut mosé dokong. Pandé taung situ Liha ali Nai Nggeluk hitut mosé oné méu.

1 KORINTUS 14:33

Ai Mori Keraéng toé ngoéng te pandé ngai-ngaok, maik te ba hambor-libur.

1 KORINTUS 15:15

Labi nitu main, ami kolé sabi-nggopét oné Mori Keraéng, ai latang te hi Kristus taé lami te Mori Keraéng poli pandé to’o kolén Hia – kali po Hia toé pandé to’o le Mori Keraéng, émé tu’ung te ata mata toé pandé to’o kolés.

1 KORINTUS 6:14

Mori Keraéng ata pandé to’o kolén Mori Yésus, nenggitu kolé ité te pandé mosé kolé ali kuasa Diha.

2 KORINTUS 13:11

Cemoln ga asé-ka’é daku, nakam ga, wuli koé wekis kudut te ciri besik. Tiba koés sanggéd toing daku! Poro ca nai agu ca nuk koé méu, agu mosé ga oné hambor-libur, wiga Mori Keraéng pu’un momang agu hambor-libur te loréng méuy.

2 KORINTUS 4:14

Pecing lami te Hia hitut pandé to’o kolé Mori Yésus, te pandé to’o kolé amiy cama laing agu hi Yésus. Hia kolé te dadé ami cama laing agu méu nggere-oné weki Run Hia.

GALATIA 1:1

Aku hi Paulus ata ciri rasul, toé landing lut manusia ko toé kolé landing téti le cengata manusia, maik ata pilé li Yésus Kristus agu Mori Keraéng, Ema ata pandé to’o kolé Hia oné-mai ata matan.

ÉFÉSUS 1:20

hitut papé Liha du pandé to’o kolé hi Kristus oné-mai ata mataN agu téing osang baté lontoN oné racap wanang Diha éta Surga.

PILIPI 4:9

Pandé taungs le méu apa kaut ata poli nungkud, ata poli tibad, ata poli dengéd agu ata poli ita de méu oné aku. Ali hitu, Mori Keraéng pu’un hambor-libur te loréng méuy.

KOLOSÉ 2:12

Ai du cebong le waé serani, méu boak cama agu hi Kristus agu lut Hia méu to’o kolé lorong imbis oné kuasa de Mori Keraéng, hitut poli pandé to’o kolé Hia oné-mai ata mata.

TÉSALONIKA 1:10

Tombo kolé lisé, co’o méu bengkes te cai Anak de Mori Keraéng éta-mai Surga, ngong Mori Yésus hitut poli pandé to’o kolén le Moti Keraéng oné-mai mata. Mori Yésus hitu dé ata pandé selamak ité tai oné-mai rabo de Mori Keraéng.

TÉSALONIKA 5:23

Nahé Mori Keraéng, widang hambor-libur, pandé nggeluk sanggés taung méu agu nahé lami di’a-di’a weki agu wakars, wiga toé manga celas du leso mai di Yésus Kristus, Mori dité.

2 TÉSALONIKA 3:16

Nahé Morin ata pu’un hambor-libur, tabing Liha hambor–libur hitu latang te méu oné sanggén cao-ca. Morin loréng sanggés taung méu.

IBRANI 10:22

Landing hitu, mait ga ité ngo cumang Mori Keraéng ali molor nai agu metek imbi; ai nai dité poli pandé nggélokn oné-mai ici nai da’at agu weki dité poli cebong le waé gélon.

IBRANI 10:29

Nuk kaut, leng kéta mendon wahéng hitut paka tiba lata hitut wedi le wa’is Anak de Mori Keraéng. Hia pandé rinek dara hitut poli reké de Mori Keraéng, ngong dara di Kristus ata poli pandé nggeluk hia. Hia kolé poli loér Nai Nggeluk ata poli tabing widang!

IBRANI 9:20

Cang agu taé, “Ho’oy dé dara reké ata wérét le Mori Keraéng latang te méu.”

1 PETRUS 1:21

Lut hi Kristus hitu, méu tara imbis oné Mori Keraéng hitut poli pandé to’o kolé Hia oné-mai ata mata agu poli bong Hia. Ali hitu, méu paka imbi agu bengkes hanang oné Mori Keraéng.

1 PETRUS 2:25

Ai danong méu ného jimbal wéléngm, maik te ho’on poli émba kolé nggere-oné ata lami agu ata tinu wakars.

1 PETRUS 5:4

Émé caiy Ata Lami Mésé, ngong hi Yésus Kristus, méu te tiba songkok néra ata toé manga cemol mengitn.