IBRANI 13:17 - Bahasa Manggarai New Testament

¹⁷ Lorong koés sanggéd wintuk data tu’a laing agu junggu koém oné isé. Ai isé rinding mtaung méu, agu isé te papong oné Mori Keraéng. Wiga isé keturu ali nisang naid, toé ali tilir ata toé ba ontong latang te méu.

IBRANI 13:17 ပူးပေါင်းရင်းမြစ်များ

LUKAS 16:2

Itug kali siron liha hiat ciko ni’ang hitu, agu mai taén ngong hia: Manga kéta dengég aku latang te hau ta? Wajo dé papongd situt nipu de haud, ai emo de’it hau gah te wintuk bora daku.

TOMBO PÉTÉ GORI DE RASUL-RASUL 20:28

Lami di’a-di’a weki rus, agu lami kolé sanggén taung weki, ai méu ata poli wérét le Nai Nggeluk ciri ata lami kudut titong ro’éng de Mori Keraéng ata dumpu Liha ali dara Run Hia.

ROMA 14:12

Nenggitu dé néténg ité, papong le weki rud sanggéd pandé dité oné ranga de Mori Keraéng.

1 KORINTUS 16:16

Landing hitu, lorong koé le méu ata nenggitu agu néténg ata siot lorong gori agu rébok do.

ÉFÉSUS 5:21

Jinggop koé ba weki cama taus ali junggu oné hi Kristus.

PILIPI 1:4

Cembes kéta nai daku oné néténg ngaji latang te sanggés taung méu.

PILIPI 2:12

Asé-ka’én, ata momang laku! Ného danong méu lorong mtaungm aku, landing hitu kong jepek kin selamak de méu ali jejer agu rantang Mori Keraéng, toé hanang ného du manga kig aku, maik céwén kéta ho’o ga du aku toé manga agu méuk.

PILIPI 2:16

ai méu ba keréba reweng ata téing mosé. Wiga aku ngancéng bombong-rak du leso cai kolén hi Kristus, ai toé oké bon nomber-dara agu ta’ong susa daku.

PILIPI 2:29

Jari, tiba koé hia ali cembes-nai oné ca imbi agu Morin. Hiang ga sanggéd ata situt ného hia.

PILIPI 3:18

Ai ného hitut dongkalin laku poli taé oné méu, agu ho’oy si’ang kolén laku cang agu rétang’g, dod ata da’at ba wekid ata pandé rowak betuan mata di Kristus oné panggol.

PILIPI 4:1

Landing hitu asé-ka’én, ata momang laku, nahé mosé de méu tu’ung-tu’ung imbi oné Morin. Aku kembung kéta méuk. Méu dé pandé bombong rak daku, wiga cembes nai daku!

2 TÉSALONIKA 3:14

Émé manga ata toé ngoéng te séngét apa ata curup dami oné surak ho’o, jerék koé agu ata hitu, néka haé-reba agu ata hitu kudut ritakn.

2 TIMOTÉUS 5:17

Sanggéd ata tu’a de weki serani ata di’a wintukd, naun kéta te hiang suangkali mpalé, céwén kéta isét ata nai-koéd te toing agu te titong.

IBRANI 13:24

Caing koé le méu tabé dami, latang te sanggéd tu’a de méu agu sanggéd ro’éng ca imbi. Asé-ka’é ca imbi oné-mai Italia téing tabé kolé latang te méu.

IBRANI 13:7

Nuk di’a-di’a latang te sanggéd tu’a de méu situt poli tombo rewéng de Mori Keraéng oné méu. Idep de-di’a du moséd agu du cemol moséd, tunti koé le méu imbi disé.

JAMES 4:7

Landing hitu, tengguk ga oné Mori Keraéng agu dungkang jing da’at, wiga jing da’at hitu losi oné-mai ranga de méun!

1 PETRUS 5:5

Oé sanggés méu ata uwa, nenggitu kolé méu: Lorong koé ata tu’as! Agu sanggés taung méu, jinggop koé ba weki cama taus, ai nenggo’o tulis oné Surak Nggeluk: “Mori Keraéng pangga salang data siot mésé nai, maik momang ata siot jinggop.”