IBRANI 13:16 - Bahasa Manggarai New Testament

¹⁶ Néka hémong pandé di’a agu campé tau, ai hitus takung ata patun oné Mori Keraéng.

IBRANI 13:16 ပူးပေါင်းရင်းမြစ်များ

LUKAS 18:22

Dengé hitu Mori Yésus, taé ngong hia: “Téké cay raja hitu ata paka pandéy le hau; pika taungs apa kaut ata manga oné haun, agu pati péar oné ata lénggés, le hitu hau te delék bora éta Surgah, poli hitu, mai nggere-cé’é agu lorong Akuh.”

TOMBO PÉTÉ GORI DE RASUL-RASUL 10:38

ngong latang te Mori Yésus oné mai Nasarét: Co’o Mori Keraéng palas Hia ali Nai Nggeluk agu ali kuasa. Hia lako-léok béoy, cang agu pandé di’ay agu pandé ina sanggéd ata situt hena le jing da’at, ai Mori Keraéng loréng Hiay.

TOMBO PÉTÉ GORI DE RASUL-RASUL 9:36

Oné béndar Yopé manga cengata ata nungku iné-wai, ngasangn hi Tabita – oné curup Yunanin hi Dorkas. Iné-wai hitu do kéta pandé di’an, agu téi reco.

ROMA 12:13

Campé koé asé-ka’é serani ata géong, agu tiba asé-ka’é ata toko-rontong!

GALATIA 6:10

Landing hitu rémé manga kin sokor latang te ité, mait ga ité pandé di’a agu sanggén ata, céwén kéta agu asé-ka’é ca imbi dité.

GALATIA 6:6

Agu hia hitut tiba toing te pecing hi Kristus, paka pati sanggéd cao-ca situt di’ad agu ata hitut toing hia.

ÉFÉSUS 4:28

Ata laséng tako, néka tako kolés. Céwé di’an hia gempur kéta gori te ita na’ang bara agu wéngko weki, wiga ngancéng campé ata lénggé.

PILIPI 4:14

Maik di’a kolé pandé de méu, ai méu poli ta’ong susa cama agu aku.

PILIPI 4:18

Te ho’on aku poli tiba sanggén taung sékék oné-mai méu, ngot céwé do nitu main. Sanggéd taung katu de méu lut hi Épafroditus polis tibad laku ga. Sanggéd téing de méu situ ného néndong de takung latangt Mori Keraéng, agu tibas Liha ali cembes-nai.

TÉSALONIKA 5:15

Lélo di’a-di’a, boto manga ata léko da’at ali pandé da’at, maik wuli koé wekis kudut néténg-néténg méu agu sanggén ata, pandé kanang ata di’ad kaut.

2 TÉSALONIKA 3:13

Méu kali asé-ka’én, néka asi pandé di’a.

2 TIMOTÉUS 6:18

Langga kid oné isé situ te do-do pandé di’a, kudut ngoéng te téing agu te pati.

FILÉMON 1:6

Ngaji daku, nahé nai ca anggit ditét ca imbi, te cir pecing mésé latang te sanggéd berkak ata manga oné ité landing le neki ca agu hi Kristus.

IBRANI 6:10

Mori Keraéng hitu agiln, wiga Hia toé hémong latang te gori de méu agu momang hitut toto de méu ali ngasang Diha, le gori keturu latangt asé-ka’é ca imbi, ného bebolon agu nggere-olon.

3 YOHANÉS 1:11

Asé-ka’ég ata momang laku! Néka tomings le hau sanggéd pandé da’at, toming kaut ata di’ad. Céing ata pandé di’a, hia hitu paéng de Mori Keraéngn, maik céing ata pandé da’at, hia hitu toé paéng de Mori Keraéng.